Matiu 6:25 - Pijin Bible

²⁵ “Hem nao mi talem long yufala, yufala mas no wari abaotem wanem nao bae yufala kaikaim an dringim fo mekem yufala stap laef. An yufala mas no wari tu abaotem wanem nao bae yufala werem long bodi. Bikos laef nao hemi bikfala samting moa winim kaikai, an bodi nao hemi bikfala samting moa winim kaleko wea yufala werem ya.

Pijin Deuterocanon

²⁵ “Hem nao mi talem long yufala, yufala mas no wari abaotem wanem nao bae yufala kaikaim an dringim fo mekem yufala stap laef. An yufala mas no wari tu abaotem wanem nao bae yufala werem long bodi. Bikos laef nao hemi bikfala samting moa winim kaikai, an bodi nao hemi bikfala samting moa winim kaleko wea yufala werem ya.

Matiu 6:25 Iomraidhean Croise

Sams 55:22

Yufala mas givim go olketa wari blong yufala long Yawe, an bae hemi gadem yufala. Hemi no save letem olketa stretfala pipol fo lus.

Jeremaea 45:5

?Waswe, yu tingse yu save stap gudfala winim olketa narafala pipol? Nomoa. Yu mas no ekspektem gudfala laef olsem. Mi bae mi mekem bikfala trabol fo kam kasem evri pipol long disfala wol, bat bae mi letem yu fo stap laef long eniples wea yu go long hem.” Hem nao mesij blong Yawe.

Matiu 10:19

Taem olketa tekem yufala go long kot, yufala mas no wari abaotem wanem nao bae yufala talem long kot an hao nao fo talem samting ya, bikos God nao bae hemi givim yufala wanem fo talem long taem ya.

Matiu 13:22

An olketa sid wea olketa foldaon long ples wea rut blong nilagras hemi stap long hem, hemi olsem taem man hemi herem toktok ya bat hemi gohed fo wari nomoa abaotem enikaen samting an hemi lavem tumas olketa risis blong disfala wol. So toktok ya hemi no save grou an hemi no garem eni frut long hem.

Matiu 6:31

“Yufala mas no wari an sei, ‘?Wanem nao bae yumi kaikaim an dringim, an wanem nao bae yumi werem?’

Matiu 6:34

So yufala mas no wari abaotem wanem bae hemi hapen tumoro. Letem go fo tumoro nao. Evri de hemi garem olketa wari wea hemi naf fo hem seleva.”

Gudnius abaotem Jisas Kraes wea Mak hemi raetem 13:11

An taem olketa kasholem yufala an tekem yufala go long kot, yufala no wari tumas long wanem bae yufala talem. Long taem ya, yufala mas talemaot stret nao toktok wea hemi kam long tingting blong yufala, bikos bae yufala no toktok seleva ya, bat Holi Spirit nao bae hemi toktok long maen blong yufala.

Gudnius abaotem Jisas Kraes wea Mak hemi raetem 4:19

bat olketa wari tumas abaotem enikaen samting. An olketa lavem tumas tu olketa risis blong disfala wol, an olketa kavetem enikaen narasamting moa. So toktok ya hemi no save grou an hemi no garem eni frut long hem.

Gudnius abaotem Jisas Kraes wea Luk hemi raetem 12:11

“Bae olketa tekem yufala go long kot long olketa preahaos, an long frant blong olketa primia an long olketa nara man hu i rulim yufala. Bat long taem ya, yufala no wari abaotem wanem nao fo talem an hao nao fo ansarem toktok blong olketa.

Gudnius abaotem Jisas Kraes wea Luk hemi raetem 8:14

An olketa sid wea olketa foldaon long ples wea rut blong nilagras hemi stap long hem nao, hemi olsem taem olketa pipol herem toktok ya, bat olketa wari tumas nomoa abaotem enikaen samting. An olketa lavem tu olketa risis long disfala wol, an enikaen samting moa fo mekem olketa hapi. So toktok ya hemi no save garem eni frut long hem nomoa.

Leta wea Pol hemi raetem go long sios long Rom 8:32

God hemi no holem baek San blong hem, bat hemi mekem hem fo dae fo sevem yumi evriwan. So hemi save givim kam evrisamting fri long yumi nomoa.

1 Korin 7:32

Mi laekem yufala fo no wari long enisamting. Man hu hemi no marit, hemi save wari nomoa long waka blong Masta, bikos hemi wande fo mekem Masta fo hapi.

Filipae 4:6

Yufala mas no wari long enisamting, bat evritaem yufala prea long God, yufala mas tengkiu long hem an talem hem wanem yufala nidim.

2 Timoti 2:4

Sapos wanfala soldia hemi laek fo mekem komanda blong hem fo hapi long waka blong hem, hemi nogud fo hemi gohed long bisnis blong hem seleva.

1 Pita 5:7

Hem nao hemi save lukaftarem yufala gudfala, so yufala mas putum evri trabol blong yufala long han blong hem.