Matiu 6:23 - Pijin Bible

²³ Bat sapos ae blong yu hemi nogud, bae bodi blong yu hemi tudak tu. So sapos no eni laet hemi stap long yu bat hemi tudak nomoa, bae yu barava tudak nao ya.”

Pijin Deuterocanon

²³ Bat sapos ae blong yu hemi nogud, bae bodi blong yu hemi tudak tu. So sapos no eni laet hemi stap long yu bat hemi tudak nomoa, bae yu barava tudak nao ya.”

Matiu 6:23 Iomraidhean Croise

Provebs 26:12

Sapos yu lukim man hu hemi talem dat hemi smat, oraet, krangge man hemi garem moa sans fo kasem save winim man ya.

Aesaea 8:20

Yufala mas lisin long olketa toktok wea Yawe hemi tisim yufala long hem. Olketa pipol hu i no falom disfala tising i olsem olketa hu i stap insaet long tudak.

Jeremaea 4:22

Nao Yawe hemi tok olsem, “Olketa pipol blong mi i krangge an no save long mi nao. Olketa barava olsem olketa pikinini hu i no minimsave enisamting. Olketa savegud hao fo duim enikaen ravis samting, bat olketa no save hao fo duim enikaen gud samting.”

Matiu 20:15

?Waswe, yu tingse mi no garem paoa fo duim wanem mi laek fo duim long seleni blong mi seleva? ?O waswe, yu joles nomoa bikos mi kaen olsem?’”

Matiu 6:22

“Ae blong yu nao hemi mekem bodi blong yu fo garem laet. So sapos ae blong yu hemi gud, bae bodi blong yu hemi laet tu ya.

Gudnius abaotem Jisas Kraes wea Mak hemi raetem 7:22

an fo brekem lo blong marit, an fo tekem evrisamting fo hem seleva, an fo talem enikaen ravis samting nomoa, an fo raverave tumas, an fo duim olketa nogud samting long ae blong pipol, an fo joles tumas, an fo stori nogud abaotem nara man, an fo praod tumas, an fo duim tu enikaen krangge samting nomoa.

Gudnius abaotem Jisas Kraes wea Luk hemi raetem 11:34

Ae blong yu nao hemi mekem bodi blong yu fo garem laet. So sapos ae blong yu hemi gud, bae bodi blong yu hemi laet tu ya. Bat sapos ae blong yu hemi nogud, bae bodi blong yu hemi tudak tu.

Gudnius abaotem Jisas Kraes wea Luk hemi raetem 8:10

Bat Jisas hemi sei, “God hemi bin givim yufala save finis fo luksave long olketa tru samting wea hemi staphaed insaet long kingdom blong God. Bat olketa nara pipol nao mas herem olketa samting ya long tokpiksa nomoa. Long diskaen wei nao, nomata olketa lukluk, bae olketa nating luksave nomoa, an nomata olketa lisin, bae olketa nating heresave nomoa.”

Leta wea Pol hemi raetem go long sios long Rom 1:22

Nomata olketa sei olketa waes tumas, bat olketa krangge finis.

1 Korin 2:14

Eniwan wea hemi no garem Holi Spirit, hemi no save tekem olketa spesol paoa wea Spirit blong God hemi givim kam. Man olsem hemi no save minim olketa samting ya, an hemi samting nating nomoa long hem. Holi Spirit ya, hem nomoa hemi save helpem yumi fo luksave long olketa spesol paoa blong hem.

Efesas 4:18

Olketa no savegud long enisamting, an olketa stap farawe from disfala tru laef wea God hemi givim, bikos olketa bikhed tumas mekem olketa no save long enisamting blong God.

Efesas 5:8

Bifoa, yufala tu bin stap long tudak, bat distaem yufala blong Masta finis, an yufala stap long laet nao. So yufala mas gohed long wei blong pipol blong laet,

1 Jon 2:11

Bat eniwan hu hemi heitem narafala Kristin, hemi no stap long laet. Hemi wakabaot long tudak an hemi no save wea nao hemi go long hem, bikos tudak hemi mekem hem blaen nao.