Matiu 6:21 - Pijin Bible

²¹ Bikos ples wea risis blong yu hemi stap long hem, long ples ya nao tingting blong yu hemi stap long hem tu.

Pijin Deuterocanon

²¹ Bikos ples wea risis blong yu hemi stap long hem, long ples ya nao tingting blong yu hemi stap long hem tu.

Matiu 6:21 Iomraidhean Croise

Provebs 4:23

Kontrolem tingting long haat blong yu, laef blong yu hemi kamaot long hem.

Aesaea 33:6

Bae Yawe nao hemi olsem strongfala faondesin, mekem yufala no save foldaon. Wei wea hemi sevem yufala an hemi givim yufala waes an save, hemi olsem bikfala risis wea yufala save tekem, taem yufala barava mekhae long Yawe.

Jeremaea 22:17

“!Bat yu! Yu gohed nomoa fo traehad fo winim olketa samting long wei wea hemi no stret. Oltaem nomoa yu gohed fo kilim dae olketa hu i no duim nomoa eni rong samting, an fo mekful long olketa pipol, an fo ravem olketa nogud.”

Jeremaea 4:14

!Olketa long Jerusalem! !Lusim olketa ravis wei blong yufala an mekem tingting blong yufala hemi kamap klin, nao bae God hemi sevem yumi. ?Hao long nao bae yufala falom ravis tingting blong yufala?

Matiu 12:34

Yufala ya barava olsem snek ya. Hemi had fo yufala talem eni gud samting ya bikos wei blong yufala hemi ravis tumas. Wanem hemi fulap long maen blong man, hem nao save kamaot long toktok blong hem.

Matiu 6:22

“Ae blong yu nao hemi mekem bodi blong yu fo garem laet. So sapos ae blong yu hemi gud, bae bodi blong yu hemi laet tu ya.

Gudnius abaotem Jisas Kraes wea Luk hemi raetem 12:34

Bikos ples wea olketa risis blong yufala hemi stap long hem, long ples ya nao tingting blong yufala hemi stap long hem tu.”

Aposol 8:21

Yu nao yu nating stap insaet long disfala waka blong God ya. Tingting blong yu hemi nating stret long ae blong God.

2 Korin 4:18

So mifala no tingabaotem wanem yumi save lukim long ae, bat wanem yumi no save lukim yet. Olketa samting wea yumi save lukim long ae, hemi no save stap longtaem. Bat wanem yumi no save lukim, hem nao bae hemi stap olowe.

Filimon 1:19

Mi Pol, mi raetem disfala toktok long han blong mi seleva. Bae mi nao mi sensim evri kaon blong Onesimas. Bat yu mas no fogetem wea yu garem kaon long mi tu. Mi minim disfala niufala laef wea yu kasem ya.

Filimon 1:3

Letem kaenfala lav an piis blong God Dadi blong yumi an blong Jisas Kraes Masta blong yumi, bae hemi stap wetem yufala.

Hibrus 3:12

Olketa Kristin fren, yufala mas lukaot, nogud eniwan long yufala hemi gorong long tingting blong hem, mekem hemi lusim biliv blong hem an hemi lusim God hu hemi laef.