Matiu 5:9 - Pijin Bible

⁹ Olketa hu i save mekem olketa enemi fo frenbaek moa, olketa save hapi ya, bikos bae God hemi sei olketa nao i pikinini blong hem.

Pijin Deuterocanon

⁹ Olketa hu i save mekem olketa enemi fo frenbaek moa, olketa save hapi ya, bikos bae God hemi sei olketa nao i pikinini blong hem.

Matiu 5:9 Iomraidhean Croise

1 Kronikols 12:17

Hemi goaot fo mitim olketa, an hemi tok olsem, “Sapos yufala fren blong mi, an yufala kam fo helpem mi, bae mi hapi fo yufala joenem mifala. Bat yufala mas save, sapos yufala kam fo putum mi long han blong olketa enemi blong mi, God blong olketa olfala grani blong yumi bae hemi save long samting ya, an bae hemi panisim yufala long hem.”

Sams 120:6

Mi bin stap longtaem tumas wetem olketa pipol hu i heitem piis.

Sams 34:12

Sapos eniwan hemi laekem gudfala laef an hemi wande stap hapi evri de,

Matiu 5:45

Sapos yufala duim olsem, bae yufala kamap olketa pikinini blong Dadi blong yufala long heven nao ya. Yufala lukim, God hemi mekem san long skae fo saen antap long olketa gud pipol an long olketa pipol wea olketa garem sin tu. An hemi mekem ren fo kamdaon long olketa stretfala pipol an long olketa wea olketa no stretfala tu.

Matiu 5:48

Bat yufala ya, yufala mas barava gudfala tumas olsem Dadi blong yufala long heven hemi barava gudfala tumas.”

Gudnius abaotem Jisas Kraes wea Luk hemi raetem 20:36

An bae olketa no save dae tu, bat bae olketa stap olsem olketa enjel nomoa. God nao hemi bin mekem olketa laefbaek finis, an from diswan nao olketa save stap olsem olketa pikinini blong hem.

Gudnius abaotem Jisas Kraes wea Luk hemi raetem 6:35

Bat yufala mas lavem olketa enemi blong yufala, an yufala mas duim gudfala samting long olketa tu. An yufala mas givim enisamting blong yufala fo olketa nara pipol, wea yufala no tingim moa wea bae olketa mas givimbaek long yufala. Sapos yufala duim olsem, bae God hemi barava blesim yufala ya, an bae yufala nao kamap barava pikinini blong God Antap. Bikos God hemi kaen olowe long olketa pipol, nomata olketa no save kaen long hem an nomata wei blong olketa hemi barava ravis tumas.

Aposol 7:26

Long neks de, Mosis hemi lukim tufala man blong Israel tufala gohed fo faet. Nao hemi trae fo stopem tufala fo no faet, an hemi sei, ‘!Sei tufala! ?Yutufala wantok nomoa ya, so waswe nao yutufala faet olsem?’

Leta wea Pol hemi raetem go long sios long Rom 12:18

An yufala mas traehad oltaem fo stapgud long piis wetem evri pipol.

Leta wea Pol hemi raetem go long sios long Rom 8:14

Olketa pipol hu Spirit blong God hemi lidim olketa, olketa nao pikinini blong God.

Leta wea Pol hemi raetem go long sios long Rom 8:16

Holi Spirit nao hemi talem spirit blong yumi dat yumi pikinini blong God.

Leta wea Pol hemi raetem go long sios long Rom 8:19

Evrisamting God hemi mekem, olketa gohed weit nomoa fo taem wea God bae hemi somaot hu nao olketa pikinini blong hem.

1 Korin 6:6

!Bat long distaem ya, wanfala Kristin hemi tekem go nara Kristin long kot wea olketa hu i no biliv nao olketa jajem kes ya!

2 Korin 13:11

Nao olketa Kristin fren, mi sei gudbae long yufala. Yufala mas herem olketa toktok blong mi an traehad fo kamap barava nambawan. An yufala evriwan mas wanmaen an mas stap long piis. Long wei ya, bae God hu hemi givim lav an hu hemi givim piis, bae hemi stap wetem yufala.

2 Korin 5:20

So mifala nao man fo talemaot toktok blong Kraes, an hemi olsem God seleva nao hemi yusim mifala fo kolem olketa pipol. Mifala talemaot toktok blong Kraes an ask strong long yufala olsem, “!Yufala mas letem God fo mekem yufala save kambaek an frengud wetem hem moa!”

Galesia 5:22

Bat olketa gudfala wei blong Holi Spirit nao hemi mekem man fo lavem evriwan, an fo barava hapi, an fo garem piis, an fo stap wiling fo weit nomoa, an fo kaen long pipol, an fo somaot gudfala wei, an fo kipim promis olowe,

Efesas 4:1

So mi hu mi stap long prisin bikos mi blong Masta, mi talem strong long yufala, laef blong yufala hemi mas stap stret fitim wei blong God hu hemi kolem yufala kam.

Filipae 4:2

Mi askem strong tufala woman ya, Yuodia wetem Sindiki fo tufala mas finisim raoa blong tufala nao, bikos tufala evriwan i blong Masta.

Kolosi 3:13

An taem eniwan long yufala hemi garem enisamting agensim eniwan long yufala, hemi gud fo tufala no filkros, bat tufala mas fogivim tufala. Masta hemi fogivim yufala finis, an long sem wei, yufala tu mas fogivim yufala evriwan.

Hibrus 12:14

Yufala mas traehad fo stap long wei blong piis wetem evri pipol, an fo stap holi long ae blong God. Sapos eniwan hemi no stap holi olsem, bae hemi no save lukim Masta.