Matiu 5:39 - Pijin Bible

³⁹ Bat mi ya, mi talem long yufala, yufala mas no sensimbaek wanem nara man hemi duim nogud long yufala. Sapos eniwan hemi hitim yu long raetsaet long fes, yu tanem go narasaet fo hemi hitim moa.

Pijin Deuterocanon

³⁹ Bat mi ya, mi talem long yufala, yufala mas no sensimbaek wanem nara man hemi duim nogud long yufala. Sapos eniwan hemi hitim yu long raetsaet long fes, yu tanem go narasaet fo hemi hitim moa.

Matiu 5:39 Iomraidhean Croise

1 Kings 22:24

Den Profet Sedekaea hemi go kolsap long Maekaea, an hitim hem long fes. An hemi tok olsem, “?Hao nao spirit from Yawe hemi lusim mi fo go toktok long yu?”

Stori abaotem Job 16:10

Olketa pipol i tokspoelem mi, an olketa hipap kam raonem mi an slapem fes blong mi.

Provebs 20:22

No tok olsem, “Bae mi sensimbaek ravis samting ya.” Trastem Yawe nomoa, bae hemi sevem yu.

Provebs 24:29

Yu no tok olsem, “Bae mi sensimbaek wanem hemi duim long mi.”

Aesaea 50:6

Taem olketa man i kam fo wipim baeksaet blong mi, mi tekemaot sote blong mi. An taem olketa kam fo tok nogud long mi, an pulumaot biad blong mi an olketa gohed fo spit long ae blong mi, mi nating stopem olketa nomoa.

Lamentesin 3:30

Sapos pipol laek fo hitim hem long fes, hemi mas no trae fo stopem olketa. Hemi gud nomoa fo hemi letem olketa fo mekful long hem.

Levitikas 19:18

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

Maeka 5:1

!Olketa pipol blong Jerusalem! !Yumi mas kolem kam tugeta olketa soldia blong yumi! !Distaem olketa enemi i raonem yumi finis! !Olketa gohed fo mekem king blong yumi fo safa, an mekem hem barava sem fogud!

Matiu 5:40

An sapos eniwan hemi laek fo tekem yu go long kot fo tekem sote blong yu, yu givim longfala kaleko blong yu long hem tu.

Gudnius abaotem Jisas Kraes wea Luk hemi raetem 22:64

An olketa taemapem ae blong hem an olketa gohed tu fo askem hem olsem, “?Oraet profet, yu talem long mifala fastaem, hu nao hemi hitim yu?”

Gudnius abaotem Jisas Kraes wea Luk hemi raetem 6:7

An olketa Farasi an olketa tisa blong Lo, olketa barava lukluk falom Jisas nao, fo faendemaot sapos hemi mekem man ya fo gudbaek moa long Sabat de, mekem olketa save ripotem hem.

Gudnius abaotem Jisas Kraes wea Jon hemi raetem 18:23

Jisas hemi tok go olsem, “Sapos mi talem enisamting wea hemi rong, yu talemaot diswan long olketa pipol. ?Bat sapos wanem mi talem ya hemi stret, waswe nao yu hitim mi?”

1 Korin 6:7

Diskaen wei wea yufala go-gohed fo tekem olketa long kot olsem ya, hemi barava somaot dat yufala rong finis nao ya. Moabeta yufala letem nomoa nara man fo spoelem yufala. Moabeta yufala letem nomoa nara man fo tekem samting blong yufala.

1 Tesalonaeka 5:15

Nao taem wanfala man hemi duim rong samting long eniwan, yufala mas meksua no eniwan hemi sensimbaek. Bat evritaem, yufala mas traehad fo duim olketa gudfala samting fo eniwan long yufala, an fo olketa narafala pipol tu.

Hibrus 12:4

Yufala i bin traehad fo faet agensim olketa wei blong sin, bat no eniwan blong yufala hemi dae yet long diswan.

Jemes 5:6

Yufala ya, yufala bin jajem nogud olketa hu i no duim eni rong samting. An yufala bin kilim dae olketa tu, bat olketa no trae fo faet agensim yufala.

1 Pita 3:9

Taem eniwan hemi duim samting nogud long yufala, yufala no sensimbaek moa long hem. An taem eniwan hemi tok nogud long yufala, yufala no tok nogud moa long hem. Nomoa. Yufala mas prea long God, mekem hemi blesim disfala man. Bikos God hemi bin kolem yufala fo blesim pipol, an hemi promis dat bae hemi blesim yufala.