Matiu 5:30 - Pijin Bible

³⁰ An sapos han blong yu hemi mekem yu fo sin, yu mas katemaot an torowem go nomoa. Moabeta sapos yu lusim smolfala pat long bodi nomoa, bat bodi blong yu hemi no go long hel.

Pijin Deuterocanon

³⁰ An sapos han blong yu hemi mekem yu fo sin, yu mas katemaot an torowem go nomoa. Moabeta sapos yu lusim smolfala pat long bodi nomoa, bat bodi blong yu hemi no go long hel.

Matiu 5:30 Iomraidhean Croise

Matiu 11:6

An olketa hu i lukim mi an olketa no lusim biliv blong olketa, bae olketa save hapi tumas ya.”

Matiu 13:21

Bat hemi no go dip nomoa insaet long maen blong hem, so hemi no stap longtaem nomoa. Taem hadtaem hemi kasem hem, an taem olketa pipol i meksave long hem from toktok ya, bae hemi kuiktaem tu fo lusim go evrisamting.

Matiu 16:23

Bat Jisas hemi taneraon nomoa, an hemi tok go long Pita olsem, “!Seitan, yu giraot! !Yu no trae fo stopem mi olsem! Wanem yu talem ya, hemi no tingting blong God ya bat hemi tingting blong man nomoa.”

Matiu 17:27

Bat nomata olsem, yumi no wande fo mekem olketa fo tingting nogud long yumi. So yu go long leik ya, an yu torowem fising laen blong yu. An disfala fis wea yu kasem fastaem ya, yu openem maos blong hem, an bae yu faendem wanfala seleni insaet. Bae yu tekem diswan go fo peim taks blong yumitufala nao.”

Matiu 18:8

“Sapos han o lek blong yu hemi mekem yu fo lusim biliv blong yu, yu mas katemaot an torowem nomoa. Moabeta sapos yu garem wanfala han o wanfala lek nomoa an yu save go insaet long tru laef. Nogud yu garem tufala han an tufala lek bat olketa torowem yu go long faea wea hemi no save dae.

Matiu 22:13

Nao king ya hemi sei long olketa wakaman blong hem, ‘!Yufala kam an taemap han an lek blong man ya, an yufala go torowem hem long dak ples aotsaet! Long ples ya bae hemi go-gohed fo krae nomoa an sore bikfala nao.’”

Matiu 25:20

So disfala man hu hemi tekem faefala bikfala seleni ya hemi kam nao, an hemi tekem kam moa nara faefala an hemi sei, ‘Bos, lastaem yu givim faefala seleni long mi ya, bat lukim, mi winim kam nara faefala moa ya.’

Matiu 26:31

Nao Jisas hemi tok olsem moa long olketa, “Long disfala naet, bae yufala evriwan ranawe from mi, bikos toktok blong God insaet long Buktambu hemi sei, ‘Bae mi kilim dae man fo lukaftarem sipsip, an bae olketa sipsip ranawe olobaot nao.’

Matiu 5:22

Bat mi ya, mi talem long yufala, sapos eniwan hemi kros long brata blong hem, bae olketa tekem hem go long kot mekem olketa panisim hem. An sapos eniwan hemi tokspoelem brata blong hem, bae olketa tekem hem go long Kansol mekem olketa panisim hem. An sapos eniwan hemi suea nogud long brata blong hem, bae hemi mas go long faea long hel.

Matiu 5:29

Sapos ae blong yu hemi mekem yu fo sin, yu mas tekemaot an yu torowem go nomoa. Moabeta sapos yu lusim nomoa smolfala pat long bodi, bat olketa no torowem bodi blong yu go long hel ya.

Gudnius abaotem Jisas Kraes wea Mak hemi raetem 9:43

An sapos han blong yu hemi mekem yu fo lusim biliv blong yu, yu mas katemaot nomoa. Moabeta yu garem wanfala han nomoa an yu save go insaet long tru laef. Nogud yu garem tufala han bat yu mas go insaet long hel wea faea hemi no save dae.

Gudnius abaotem Jisas Kraes wea Luk hemi raetem 12:5

Bat bae mi som yufala watkaen man nao yufala mas fraetem. Yufala mas fraetem God hu hemi save kilim dae bodi blong yufala, an hu hemi garem paoa tu fo torowem yufala go long hel. Ya, mi talem long yufala moa, yufala mas fraetem hem.

Gudnius abaotem Jisas Kraes wea Luk hemi raetem 17:2

Sapos wanfala man hemi mekem wanfala long olketa pikinini wea olketa biliv long mi fo foldaon long sin, hemi moabeta sapos olketa taemapem wanfala bikfala ston long nek blong man ya an torowem godaon insaet long si.

Leta wea Pol hemi raetem go long sios long Rom 9:33

God hemi tokabaotem ston ya long Buktambu olsem, “Yufala lisin, mi stanemap wanfala ston long Saeon wea bae olketa pipol i save garem trabol tumas long hem, an bae olketa save banga nogud long hem. Bat eniwan hu hemi biliv long hem, bae hemi no save filsem long hem.”

1 Korin 8:13

So sapos eni kaikai wea mi kaikaim hemi save mekem Kristin fren blong mi fo foldaon long sin, bae mi no save kaikaim diswan enitaem moa ya. Nogud mi mekem Kristin fren blong mi fo foldaon long sin.

Galesia 5:11

?Nao olketa fren, sapos hemi tru wea mi gohed yet fo tokstrong long olketa man fo falom disfala Lo fo kate, waswe nao olketa gohed fo mekful long mi? An sapos olsem, bae olketa Jiu i no save kros long mi taem mi tokabaotem dae blong Kraes long kros nao ya.

1 Pita 2:8

An Buktambu hemi sei moa, “Disfala ston nao bae pipol bangam lek blong olketa long hem, an bae hemi mekem olketa foldaon.” Olketa foldaon nogud, bikos olketa no biliv long toktok blong God. Hem nao plan blong God fo olketa.