Matiu 5:20 - Pijin Bible

²⁰ Mi talem long yufala, yufala mas barava duim wanem God hemi laekem, winim olketa tisa blong Lo an olketa Farasi ya. Sapos nomoa, bae yufala nating fit fo go insaet long kingdom long Heven.”

Pijin Deuterocanon

²⁰ Mi talem long yufala, yufala mas barava duim wanem God hemi laekem, winim olketa tisa blong Lo an olketa Farasi ya. Sapos nomoa, bae yufala nating fit fo go insaet long kingdom long Heven.”

Matiu 5:20 Iomraidhean Croise

Matiu 16:12

Olketa disaepol i jes save nao dat Jisas hemi no minim fo talem olketa fo lukaot long yist blong bred ya, bat long diskaen tising blong olketa Farasi an olketa Sadiusi ya.

Matiu 18:5

An eniwan hu hemi kaen long wanfala pikinini olsem ya long nem blong mi, hemi kaen long mi nao ya.

Matiu 3:10

God hemi redi finis nao fo katemdaon olketa tri long barava rut blong olketa. Hem nao ya, evri tri wea hemi no garem gudfala frut, bae hemi katemdaon an torowem go insaet long faea.

Matiu 7:21

“Olketa hu i sei long mi, ‘Yu Masta blong mi’, bae i no evriwan long olketa nao wea olketa save go insaet long kingdom long Heven. Bat man hu hemi duim wanem Dadi blong mi long heven hemi laekem, hem nao bae hemi save go insaet long laef ya.

Gudnius abaotem Jisas Kraes wea Mak hemi raetem 10:15

Mi talem yufala tru samting nao, sapos eniwan hemi no olsem wanfala pikinini hu hemi hapi fo mekhae long God, bae hemi nating fit fo stap insaet long kingdom blong God.”

Gudnius abaotem Jisas Kraes wea Mak hemi raetem 10:25

Ya, fo wanfala kamel fo go insaet long smolfala hol blong wanfala nila hemi had tumas ya, bat hemi barava had moa fo man hu hemi ris fo go insaet long kingdom blong God.”

Gudnius abaotem Jisas Kraes wea Luk hemi raetem 11:44

!Yufala lukaot! Bikos yufala olsem olketa grev wea olketa no bin makem gudfala, so olketa pipol i no lukim an olketa step antap long olketa, an hemi mekem olketa fo no klin.”

Gudnius abaotem Jisas Kraes wea Luk hemi raetem 12:1

Long wanfala taem, plande taosen pipol nao olketa hipap kam, go-go ples ya hemi barava ful fogud nao. An Jisas hemi tok olsem fastaem long olketa disaepol blong hem, “Yufala mas lukaot long diskaen yist wea hemi olsem wei blong olketa Farasi wea olketa save laea tumas long olketa pipol.

Gudnius abaotem Jisas Kraes wea Luk hemi raetem 18:17

Mi talem yufala tru samting nao, sapos eniwan hemi no olsem wanfala pikinini wea hemi hapi fo mekhae long God, bae hemi nating fit fo stap insaet long kingdom blong God.”

2 Korin 3:9

Olfala spesol agrimen hemi bin garem saen blong bikfala paoa blong God, nomata Lo ya hemi save jajem pipol fo dae. !So disfala niufala spesol agrimen wea hemi mekem pipol fo stret, hemi garem saen blong bikfala paoa blong God wea hemi nambawan tumas winim faswan!

2 Korin 5:17

Taem eniwan hemi joen wetem Kraes, God hemi mekem hem niufala moa. Olketa olfala samting i go finis, an olketa niufala samting nao i kam.

Filipae 3:9

an mekem mi save joen gudfala wetem hem. So mi no stap stret long ae blong God bikos mi falom disfala Lo ya. !Nomoa! Mi kamap stretfala man bikos mi biliv long Kraes, wea God nao hemi duim diswan bikos mi biliv nomoa.

Hibrus 12:14

Yufala mas traehad fo stap long wei blong piis wetem evri pipol, an fo stap holi long ae blong God. Sapos eniwan hemi no stap holi olsem, bae hemi no save lukim Masta.

Revelesin 21:27

Bat olketa samting wea hemi no klin an olketa pipol hu i gohed fo duim olketa ravis samting, o gohed fo laea, olketa ya nao olketa no save kam insaet long biktaon ya. Bat olketa pipol wea nem blong olketa hemi stap insaet long disfala buk blong laef wea Smolfala Sipsip ya hemi garem, olketa pipol ya nao save go insaet long biktaon ya.