Matiu 3:14 - Pijin Bible

¹⁴ Bat Jon hemi wande fo stopem Jisas from diswan, so hemi sei, “!Ei! Hemi fitim fo yu nao yu baptaesim mi ya. ?Waswe nao yu askem mi fo baptaesim yu?”

Pijin Deuterocanon

¹⁴ Bat Jon hemi wande fo stopem Jisas from diswan, so hemi sei, “!Ei! Hemi fitim fo yu nao yu baptaesim mi ya. ?Waswe nao yu askem mi fo baptaesim yu?”

Matiu 3:14 Iomraidhean Croise

Matiu 3:13

Nao long taem ya, Jisas hemi lusim Galili an hemi wakabaot kam long Jodan, mekem Jon hemi baptaesim hem.

Matiu 3:15

Nao Jisas hemi ansarem Jon olsem, “Yu letem kam fo hapen olsem nao, mekem yumi duim wanem God hemi laekem.” So Jon hemi wanmaen wetem Jisas fo baptaesim hem nao.

Gudnius abaotem Jisas Kraes wea Luk hemi raetem 1:43

?Waswe nao disfala bikfala samting tumas hemi hapen long mi, wea yu mami blong Masta blong mi, yu kam fo lukim mi?

Gudnius abaotem Jisas Kraes wea Jon hemi raetem 1:16

Disfala man hemi fulap finis long kaenfala lav, an hemi duim evri gudfala samting fo yumi evriwan, an hemi gohed olowe nomoa fo duim diswan.

Leta wea Pol hemi raetem go long sios long Rom 1:13

Olketa Kristin fren, mi laekem yufala fo save dat plande taem nao mi tingting fo kam long yufala, bat kam kasem distaem, samting hemi stopem mi fo duim. Long plande ples nao mi helpem olketa pipol fo biliv long God finis, an mi laek fo duim diswan long ples blong yufala tu.

Leta wea Pol hemi raetem go long sios long Rom 3:23

bikos evriwan olketa stap long wei blong sin, an stap farawe long God hu hemi garem paoa fo givim niu laef.

Leta wea Pol hemi raetem go long sios long Rom 3:25

God hemi givim kam Jisas fo dae olsem wanfala sakrifaes fo finisim sin, an from diswan nao God hemi save fogivim sin blong evri pipol hu i biliv long Jisas. God hemi duim diswan fo somaot hemi stret tumas. God hemi wiling fo weit nomoa an hemi no kuiktaem fo panisim pipol from sin blong olketa long bifoa.

Galesia 3:22

Bat hemi no olsem ya, bikos Buktambu hemi sei disfala wei blong sin hemi bosim evri pipol long wol. Dastawe yumi hu i biliv long Jisas Kraes nomoa, yumi save kasem wanem God hemi promisim finis long olketa hu i biliv.

Galesia 4:6

An fo somaot dat yumi olketa pikinini blong hem tru, God hemi sendem kam Spirit blong San blong hem fo stap long laef blong yumi. An Spirit ya hemi singaot olsem, “!Oo Aba, Dadi blong mi!”

Hibrus 7:23

An narasamting moa, olketa prist long bifoa olketa plande, bikos olketa dae nomoa an olketa no save gohed fo duim waka blong olketa.