Matiu 28:7 - Pijin Bible

⁷ Yutufala gobaek kuiktaem long olketa disaepol blong hem an yutufala talem long olketa olsem, ‘Hemi laefbaek moa from dae nao. Bae hemi go fastaem fo weitem yufala long Galili. An long ples ya nao bae yufala save lukim hem.’ Yufala mas tingim gud nao wanem mi bin talem yufala.”

Pijin Deuterocanon

⁷ Yutufala gobaek kuiktaem long olketa disaepol blong hem an yutufala talem long olketa olsem, ‘Hemi laefbaek moa from dae nao. Bae hemi go fastaem fo weitem yufala long Galili. An long ples ya nao bae yufala save lukim hem.’ Yufala mas tingim gud nao wanem mi bin talem yufala.”

Matiu 28:7 Iomraidhean Croise

Aesaea 44:8

!Olketa pipol blong mi! !Yufala no fraet! Yufala save finis wea stat kam bifoa, mi bin talemaot finis olketa samting wea bae hemi hapen. Yufala nao olketa witnes blong mi fo talemaot dat olketa toktok ya blong mi hemi tru. ?Waswe, yufala tingse eni narafala god moa hemi stap, wea hemi strong olsem mi hu mi Rok blong yufala? !Nomoa nao! !Ya, no eni narafala god moa hemi stap!”

Aesaea 45:21

Yufala kam an talemaot olketa toktok blong yufala, olsem insaet long kot. Yufala save toktok tugeta fastaem fo stretem tingting blong yufala. ?Yufala tingse hu nao hemi talemaot olketa samting ya longtaem bifoa olketa jes hapen? ?Waswe, yufala no save? !Mi Yawe nao! Mi God hu mi stret olowe, an mi nao mi sevem yufala. !No eni narafala god moa hemi stap, wea hemi olsem mi!

Matiu 24:25

Hem nao mi talem yufala abaotem wanem bae hemi hapen.

Matiu 26:32

Bat bihaen mi laefbaek moa, mi bae mi go fastaem long yufala long Galili.”

Matiu 28:10

An Jisas hemi sei long tufala, “Yutufala no fraet, bat yutufala go an talem long olketa brata blong mi fo go long Galili. Long ples ya nao bae olketa lukim mi long hem.”

Matiu 28:8

So tufala woman ya i go kuiktaem from kev ya nao bikos tufala fraet tumas ya, bat semtaem, tufala barava hapi fogud tu. So tufala resis go fo talem nius ya long olketa disaepol blong Jisas nao.

Gudnius abaotem Jisas Kraes wea Mak hemi raetem 14:28

Bat mi, bihaen mi laefbaek moa, bae mi go fastaem long yufala long Galili.”

Gudnius abaotem Jisas Kraes wea Mak hemi raetem 16:10

Nao Meri blong Magdala hemi go an hemi talem diswan long olketa fren blong Jisas. Long taem ya, olketa stap nomoa fo sore an krae fo hem.

Gudnius abaotem Jisas Kraes wea Mak hemi raetem 16:13

Nao taem tufala kambaek, tufala talemaot nius ya long olketa nara disaepol, bat olketa no bilivim tufala tu.

Gudnius abaotem Jisas Kraes wea Luk hemi raetem 24:34

wea olketa ya gohed fo tok olsem, “Hemi barava tru ya, Masta blong yumi hemi laefbaek moa. Hemi bin som hem seleva long Saemon.”

Gudnius abaotem Jisas Kraes wea Jon hemi raetem 14:29

Mi talem olketa samting ya long yufala distaem nao bifoa olketa hapen, mekem taem olketa hapen ya yufala biliv nao.

Gudnius abaotem Jisas Kraes wea Jon hemi raetem 16:4

Bat mi talem olketa samting ya long yufala nao, mekem taem olketa stat fo duim olketa samting ya long yufala, bae yufala tingimbaek olketa samting wea mi talem long yufala finis ya.” Jisas hemi toktok moa olsem, “Olketa samting ya, mi no talem long yufala bifoa bikos mi stap yet wetem yufala long taem ya.

1 Korin 15:4

An olketa berem hem, an God hemi mekem hem fo laefbaek moa long mektri de, olsem Buktambu hemi talem.

1 Korin 15:6

An bihaen ya, hemi somaot hem seleva long winim 500 Kristin long semtaem nomoa. Plande long olketa pipol ya olketa laef yet distaem, nomata samfala long olketa i dae finis.