Matiu 27:53 - Pijin Bible

⁵³ Olketa goaot from olketa grev, an taem Jisas hemi laefbaek moa, olketa pipol ya wakabaot go insaet long Jerusalem nao an plande pipol lukim olketa.

Pijin Deuterocanon

⁵³ Olketa goaot from olketa grev, an taem Jisas hemi laefbaek moa, olketa pipol ya wakabaot go insaet long Jerusalem nao an plande pipol lukim olketa.

Matiu 27:53 Iomraidhean Croise

Nehemaea 11:1

Oraet, olketa lida i mekem hom blong olketa long Jerusalem, an olketa narafala pipol i yusim olketa spesol ston fo faendemaot wanem famili nao hemi mas stap long tambu taon ya. Long evri ten famili, olketa siusimaot wanfala famili fo muv go long taon, an naen narafala famili ya i stap nomoa long olketa ples blong olketa.

Daniel 9:24

“God hemi makem finis wea bihaen seventifala seven yia (hem nao 490 yia), bae hemi helpem olketa pipol blong yu wetem tambu taon ya long Jerusalem. Long en blong datfala taem, bae hemi finisim olketa sin blong yufala an olketa nogud wei blong yufala. An bae hemi mekem moa stretfala wei blong hem fo rul fo hemi stap olowe, mekem olketa spesol drim an olketa profesi fo kamap tru. From diswan nao, bae Tambuhaos ya hemi kamap holi moa.

Matiu 4:5

Nao Seitan hemi tekem Jisas go moa long Jerusalem. An hemi mekem hem fo stanap long wanfala ples wea hemi hae tumas antap long disfala Tambuhaos.

Revelesin 11:2

Bat yu no mesarem eria aotsaet long Tambuhaos ya, bikos ples ya olketa bin givim fo olketa pipol hu i no Jiu. An olketa nao bae i rul ovarem Jerusalem fo foti-tu mans.

Revelesin 21:2

An mi lukim bikfala holi taon ya, niu Jerusalem. Mi lukim hemi stap wetem God an hemi kamdaon from heven. Taon ya hemi stap redi finis olsem gele wea bae hemi marit, wea hemi werem olketa nambawan kaleko blong hem an hemi redi fo maritim hasban.

Revelesin 22:19

An sapos eniwan hemi tekemaot samfala toktok from profesi blong disfala skrol ya, bae God hemi tekemaot from hem olketa gudfala samting wea disfala skrol ya hemi talem. Man ya bae hemi no save stap long bikfala Holi Taon ya, an hemi no save tekem eni frut blong tri blong laef.