Matiu 27:51 - Pijin Bible

⁵¹ Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek.

Pijin Deuterocanon

⁵¹ Long semtaem tu, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom. An etkuek hemi sekem graon, an hemi mekem olketa bikfala ston fo brek.

Matiu 27:51 Iomraidhean Croise

2 Kronikols 3:14

An kaleko wea olketa hangem fo satem rum ya, olketa wakem long nambawan waet kaleko, wetem blu koton, an red koton, an papol koton. Olketa yusim olketa koton ya fo somapem olketa piksa blong enjel long hem.

Sams 18:15

Taem Yawe hemi tokstrong long olketa enemi blong hem, an hemi toktok kros long olketa, olketa dip si i kamap drae, an botom blong wol ya tu hemi soaot nao.

Sams 18:7

Bikos God hemi kros tumas long olketa enemi blong mi, hem nao graon long wol ya hemi seksek fogud, an botom blong olketa maonten tu i seksek.

Eksodas 40:21

Den hemi tekem Tambu Boks an putum go insaet long Tambu Haostent, an hemi tekem bikfala kaleko ya fo divaedem rum long tufala haf, an hangem go fo satem ples wea Tambu Boks hemi stap long hem, barava olsem wea Yawe bin talem.

Aesaea 25:7

Long tambu maonten ya bae Yawe hemi tekemaot evrisamting wea hemi mekem olketa pipol long wol fo filnogud.

Levitikas 16:2

Hemi tok olsem, “Talem brata blong yu Eron, hemi mas no kam olowe insaet long Barava Tambu Rum wea kaleko hemi satem. Sapos hemi kam long rong taem, bae hemi mas dae bikos hem nao tambu ples wea mi save kam long yufala insaet long klaod antap long kava blong Tambu Boks blong Spesol Agrimen.

Levitikas 21:23

Bat hemi mas no kam kolsap long kaleko wea hemi satem disfala Barava Tambu Rum, an hemi mas no kam kolsap long olta blong mi, nogud hemi mekem tufala tambu ples ya fo no klin long ae blong mi. Mi nao Yawe, mi nao mekem olketa prist holi.”

Habakuk 3:10

Taem olketa maonten bin lukim yu, olketa seksek fogud. Long datfala taem, bikfala ren bin kamdaon, an dipsi bin meknoes tumas, an bikfala wev bin kamap hae.

Habakuk 3:13

Yu bin kam fo sevem olketa pipol blong yu, an fo sevem king wea yu bin siusim. Yu bin step long lida blong olketa ravis pipol, an spoelem finis olketa pipol blong hem.

Nambas 4:5

Taem yufala redi fo muv go long narafala ples, trifala prist ya, Haeprist Eron wetem tufala san blong hem, bae trifala nao mas kam insaet long Tambu Haostent fo redim olketa samting blong hem. Trifala mas tekemdaon bikfala kaleko wea hemi satem disfala Barava Tambu Rum wea Tambu Boks hemi stap long hem. An trifala mas yusim bikfala kaleko ya fo kavaremap Tambu Boks.

Matiu 27:54

Long taem ya, bikman blong ami wetem olketa soldia blong hem, olketa gadem Jisas. An taem olketa lukim disfala etkuek an olketa narasamting wea hemi hapen ya, olketa barava fraet fogud nao an olketa sei, “!Disfala man ya hemi barava San Blong God tru ya!”

Matiu 28:2

!An seknomoa, wanfala bikfala etkuek hemi sekem evrisamting nao! An wanfala enjel blong God hemi kamdaon long heven, an hemi rolem go disfala ston an hemi go sidaon antap long hem nao.

Gudnius abaotem Jisas Kraes wea Mak hemi raetem 15:38

Long semtaem nomoa, disfala bikfala kaleko wea hemi hangdaon insaet long Tambuhaos ya, hemi brek long midol long hem nao, stat kam long antap go-go kasem long botom.

Gudnius abaotem Jisas Kraes wea Luk hemi raetem 23:45

An disfala bikfala kaleko wea hemi hangdaon insaet long Tambuhaos ya, hemi brek long midol nao.

Gudnius abaotem Jisas Kraes wea Luk hemi raetem 23:47

Taem bikman blong ami hemi lukim wanem hemi hapen, hemi mekhae long God, an hemi sei, “Hemi tru nao, man ya hemi wanfala gudfala man tumas ya.”

Hibrus 6:19

Olketa samting wea God hemi promisim yumi ya, hemi olsem wanfala strongfala angga long laef blong yumi, wea hemi no save muv. Promis blong God ya, hemi go kasem long narasaet long disfala bik kaleko wea hemi satem Barava Tambu Rum insaet long Tambuhaos long heven.

Hibrus 9:3

An bihaen long wanfala bikfala kaleko, mektu rum hemi stap wea olketa kolem “Barava Tambu Rum”.

Revelesin 11:13

An long semtaem nomoa, bikfala etkuek hemi sekem graon nao. An long bikfala taon ya, wanfala smolfala haf long hem hemi barava nogud, an 7,000 pipol nao olketa dae long etkuek ya. An olketa nara pipol olketa barava fraet fogud nao, an olketa gohed fo preisim nem blong God long heven.

Revelesin 11:19

Nao Tambuhaos blong God long heven hemi open, an olketa pipol lukim disfala boks blong spesol agrimen blong God. An taem ya tu, bikfala noes hemi kam an laetning hemi laet olobaot an tanda hemi bosta. An wanfala etkuek nao hemi sekem graon, an olketa bikfala pis aes i foldaon kam long hem.