Matiu 26:40 - Pijin Bible

⁴⁰ Jisas hemi gobaek long trifala disaepol, an hemi lukim dat olketa barava slip nao. So hemi tok olsem long Pita, “?Hao nao yutrifala no save lukaot wetem mi nomata fo wanfala aoa nomoa?

Pijin Deuterocanon

⁴⁰ Jisas hemi gobaek long trifala disaepol, an hemi lukim dat olketa barava slip nao. So hemi tok olsem long Pita, “?Hao nao yutrifala no save lukaot wetem mi nomata fo wanfala aoa nomoa?

Matiu 26:40 Iomraidhean Croise

1 Kings 20:11

Bat king blong Israel hemi talem olketa fo tok long King Ben-Hadad olsem, “Soldia wea hemi jes stat fo faet hemi no save tokpraod olsem soldia hu hemi bin winim faet finis.”

Nambawan Singsing 5:2

Taem mi slip, mi gohed fo tingim nomoa daling blong mi ya. Mi drim wea mi lukim hem, hemi gohed fo noknok kam long doa blong mi. !Lisin kam! Hemi kol kam olsem long mi, “!Openem doa, daling blong mi! Yu barava luknaes tumas long mi, an yu barava gud nao. Plis yu letem mi kam insaet. Hed blong mi hemi tuwet nao long wata blong naet, an hea blong mi hemi tuwet finis long hem.”

Matiu 25:5

Nao disfala man fo marit ya, hemi no kam kuiktaem. So tenfala gele ya, olketa weitem hem go-go olketa taet tumas an olketa slip nao.

Matiu 26:35

Nao Pita hemi sei, “!Nomoa ya, nomata olketa kilim mi dae wetem yu, bae mi no save sei mi no save long yu!” An evri disaepol olketa talem semsamting tu.

Matiu 26:38

An hemi sei long trifala man ya, “Oo, mi barava sore bikfala tumas nao, an kolsap mi dae long hem ya. Yutrifala mas stap long hia fo lukaot wetem mi.”

Matiu 26:41

Yufala mas lukaot olowe an prea, mekem no enisamting hemi traem yufala. Bikos hemi tru, tingting blong man hemi wiling, bat bodi blong hem nao hemi wik.”

Matiu 26:43

Nao taem Jisas hemi kambaek moa, hemi lukim olketa gohed fo slip nomoa bikos ae blong olketa barava hevi fogud nao.

Gudnius abaotem Jisas Kraes wea Mak hemi raetem 14:37

Jisas hemi gobaek long trifala disaepol ya an hemi lukim olketa si-slip nomoa. So hemi tok long Pita olsem, “?Waswe Saemon, yu slip nomoa? ?Hao nao yu no save lukaot wetem mi, nomata fo wan aoa nomoa?

Gudnius abaotem Jisas Kraes wea Luk hemi raetem 22:45

Bihaen hemi prea finis, hemi stanap, an hemi gobaek moa long olketa disaepol blong hem, an hemi lukim olketa gohed fo slip nomoa, bikos olketa taet tumas from olketa sore tumas.

Gudnius abaotem Jisas Kraes wea Luk hemi raetem 9:32

Pita wetem tufala fren blong hem ya olketa barava slip ya, bat taem olketa wekap, olketa lukim bikfala paoa blong God hemi saen raonem Jisas, an olketa lukim tu tufala man ya wea tufala stanap wetem hem.

Jajis 9:33

Tumoro long eli moning, taem san hemi kamap, bae yufala kamap wantaem nomoa an faetem olketa long taon ya. Nao taem Gaal wetem olketa man blong hem i kam fo faetem yufala, bae yufala kilim olketa fo mekem olketa safa.”