Matiu 26:4 - Pijin Bible

⁴ An olketa miting nao fo tokabaotem hao fo kasholem Jisas haed an fo kilim hem dae.

Pijin Deuterocanon

⁴ An olketa miting nao fo tokabaotem hao fo kasholem Jisas haed an fo kilim hem dae.

Matiu 26:4 Iomraidhean Croise

Jenesis 3:1

Nao long evrisamting wea Yawe God hemi mekem, snek nao hemi wanfala long olketa wea hemi kleva tumas fo mekem trik. Nao wanfala de, snek ya hemi kam an hemi askem woman ya olsem, “?Waswe. Hemi tru wea God hemi bin talem yutufala fo no kaikaim frut blong evri tri long gaden ya?”

Sams 2:2

Olketa king long disfala wol i mekredi nao fo faet. Olketa hu i rulim olketa pipol long wol i joen tugeta nao fo faet. Olketa redi fo faet agensim Yawe an disfala king ya wea hemi bin siusim fo duim waka blong hem.

Provebs 24:15

Yu no haed olsem man nogud, mekem yu kilim gudfala man. Yu no go fo spoelem ples blong gudfala man.

Matiu 12:14

Long taem ya nomoa, olketa Farasi ya olketa go aotsaet nao an olketa toktok abaotem wei wea olketa save kilim Jisas dae nao.

Matiu 23:33

“!Yufala olsem olketa snek ya! ?Hao nao bae yufala save ranawe from disfala panis blong God, wea hemi putum fo yufala long hel?

Gudnius abaotem Jisas Kraes wea Mak hemi raetem 14:1

Nao tufala de nomoa hemi stap bifoa hemi kasem taem blong Fist blong Pasova an Bikde blong Bred wea hemi No Garem Eni Yist long hem. Nao olketa hedprist an olketa tisa blong Lo olketa traehad fo tingim wanfala wei fo kasholem Jisas haed an fo kilim hem dae.

Gudnius abaotem Jisas Kraes wea Jon hemi raetem 11:53

Stat long disfala de ya, olketa bikman ya i gohed fo mekem enikaen plan fo kilim Jisas nao.

Aposol 13:10

an hemi sei, “!Yu pikinini blong Seitan stret ya! Yu barava agensim evrisamting wea hemi gudfala. An yu barava fulap tu long enikaen wei fo laea long pipol an fo trikim olketa. An oltaem yu spoelem tru toktok blong Masta, mekem hemi here olsem laea toktok nomoa.

Aposol 7:19

Hemi barava trikim nogud olketa olo blong yumi, an hemi spoelem olketa nogud, an hemi fosim olketa fo putum olketa smolfala pikinini blong olketa fo stap aotsaet, mekem olketa dae.

2 Korin 11:3

Bat mi wari tumas, nogud olketa lidim yufala fo gorong, mekem yufala lusim disfala wei fo stap klin an lavem Kraes tumas. Nogud hemi olsem taem snek ya hemi trikim Iv long laea blong hem.