Matiu 26:3 - Pijin Bible

³ Nao long disfala taem ya nomoa, olketa hedprist an olketa nara bikman olketa hipap long bikfala haos blong disfala Haeprist Kaeafas.

Pijin Deuterocanon

³ Nao long disfala taem ya nomoa, olketa hedprist an olketa nara bikman olketa hipap long bikfala haos blong disfala Haeprist Kaeafas.

Matiu 26:3 Iomraidhean Croise

Sams 56:6

Olketa gohed fo hipap long olketa ples fo haed, an olketa luk falom mi, bikos olketa weit fo kilim mi.

Jeremaea 11:19

Mi no save olketa mekem ravis plan ya agensim mi. Mi olsem wanfala smol sipsip nomoa, wea olketa tekem go fo kilim hemi dae. Olketa bin gohed fo tok olsem, “Yufala kam, yumi katemdaon disfala tri an spoelem olketa frut blong hem. Yumi kilim hem dae, mekem olketa pipol no save tingim hem moa.”

Jeremaea 17:27

“‘Bat sapos yufala no obeim mi an les fo kipim Sabat de hemi tambu, an sapos yufala i karim olketa hevi samting go insaet long olketa geit blong Jerusalem long disfala de, bae mi sendem kam bikfala faea fo bonem Jerusalem, wetem olketa bikfala geit an olketa strongfala sefples blong hem, an faea ya bae no eniwan save kilim dae.’”

Matiu 26:69

Nao taem Pita hemi sidaon yet long eria long midol long haos blong Haeprist ya, wanfala haosgele hemi kam long hem nao, an hemi sei, “Yu tu yu bin stap wetem disfala man Jisas blong Galili ya.”

Matiu 27:27

Nao olketa soldia blong Paelat olketa tekem Jisas go fastaem insaet long bikfala haos blong gavman. An long taem ya, olketa soldia ya evriwan nao olketa hipap raonem hem.

Gudnius abaotem Jisas Kraes wea Mak hemi raetem 14:54

Pita hemi go bihaen long olketa, bat hemi no wakabaot kolsap long olketa. Hemi go insaet long eria long midol long bikfala haos blong Haeprist ya, an hemi sidaon wetem olketa sekiuriti blong Haeprist an hemi gohed fo hotem bodi blong hem long faea nao.

Gudnius abaotem Jisas Kraes wea Mak hemi raetem 14:66

Nao Pita hemi sidaon yet long eria ya long midol long haos ya. An long taem ya, wanfala haosgele blong Haeprist ya nao hemi kam.

Gudnius abaotem Jisas Kraes wea Mak hemi raetem 15:16

Nao olketa soldia tekem Jisas go insaet long eria long midol long bikfala haos blong Paelat. An taem ya nomoa, olketa kolem olketa nara soldia fo kam wea olketa stap long ples ya.

Gudnius abaotem Jisas Kraes wea Luk hemi raetem 22:55

Nao olketa laetem wanfala faea long midol long eria blong haos ya, so Pita hemi sidaon wetem olketa pipol wea olketa sidaon raonem faea ya.

Gudnius abaotem Jisas Kraes wea Luk hemi raetem 3:2

an Anas an Kaeafas ya tufala i Haeprist long taem ya. An long taem ya tu, Jon hu hemi san blong Sekaraea, God hemi toktok long hem long taem hemi stap long drae eria ya.

Gudnius abaotem Jisas Kraes wea Jon hemi raetem 11:57

Olketa tok olsem bikos olketa hedprist wetem olketa Farasi, olketa talemaot wanfala toktok long olketa pipol finis ya. Olketa talem dat sapos eniwan i save long ples wea Jisas hemi stap long hem, hemi mas ripotem go long olketa, mekem olketa go an kasholem hem.

Gudnius abaotem Jisas Kraes wea Jon hemi raetem 18:24

Anas hemi sendem Jisas go long disfala Haeprist Kaeafas. Bat olketa nating tekemaot nomoa rop long han blong hem.

Gudnius abaotem Jisas Kraes wea Jon hemi raetem 18:28

Long eli moning, olketa lusim Kaeafas an olketa lidim Jisas go long bikfala haos blong primia blong Rom nao. Taem ya, olketa bikman blong olketa Jiu olketa stap aotsaet nomoa bikos olketa tingse sapos olketa go insaet, bae olketa no klin nao. Olketa wande fo stap klin, mekem olketa save kaikaim disfala kaikai blong Pasova ya.