Matiu 26:15 - Pijin Bible

¹⁵ An hemi askem olketa olsem, “?Sapos mi givim Jisas go long han blong yufala, wanem nao bae yufala givim long mi?” Nao olketa kaontem tetifala seleni an olketa givim long hem.

Pijin Deuterocanon

¹⁵ An hemi askem olketa olsem, “?Sapos mi givim Jisas go long han blong yufala, wanem nao bae yufala givim long mi?” Nao olketa kaontem tetifala seleni an olketa givim long hem.

Matiu 26:15 Iomraidhean Croise

Jenesis 38:16

Nao hemi kam kolsap long hem long saet rod, an hemi tok olsem long hem, “Ei, mi laekem slip wetem yu.” Bat hemi no save nomoa dat disfala woman ya hemi wido blong tufala fas boe blong hem. Nao woman ya hemi askem hem olsem, “?Bae haomas nao yu peim long mi?”

Eksodas 21:32

An sapos disfala man buluka hemi kilim dae wanfala man slev o woman slev, bae ona blong disfala man buluka mas peim teti silva seleni go long masta blong slev ya, an yufala mas sutim dae disfala man buluka long ston tu.

Aesaea 56:11

Oltaem olketa i olsem nomoa olketa dog wea i hanggre tumas, an nomata olketa kaikai, bat olketa nating save fulap. Olketa lida ya i nating save long gudfala wei blong Yawe. Olketa evriwan i falom nomoa olketa tingting blong olketa seleva mekem olketa save kasem olketa gudfala samting.

Levitikas 27:4

Fo eni woman, praes hemi teti silva seleni.

Matiu 10:4

an Saemon wea hemi memba long seksin wea olketa wande fo raosim gavman blong Rom, an Jiudas Iskariot, hu long bihaen ya, hemi givim Jisas go long han blong olketa enemi.

Matiu 26:16

So stat long taem ya, Jiudas hemi trae fo tingim wanfala wei wea hemi save givim Jisas go long han blong olketa nao.

Aposol 1:18

Nao Jiudas ya hemi bin peim wanfala pisgraon long disfala seleni wea hemi tekem olsem pei long disfala ravis samting hemi duim. An long ples ya nao hemi bin foldaon an bele blong hem hemi bosta an olketa samting insaet i kapsaet kam long graon.

1 Timoti 3:3

Hemi mas no dring tumas an hemi mas no raf bat hemi mas hambol. Hemi mas no mekem raoa olowe an hemi mas no laekem seleni tumas.

2 Pita 2:3

An bikos olketa laea tisa laekem seleni tumas, bae olketa mekem enikaen laea tising fo tekem seleni blong yufala. Bat God hemi jajem olketa wei olsem finis, ya longtaem nao hemi jajem finis olketa laea tisa ya. Hemi redi olowe nomoa fo panisim olketa.

Jajis 16:5

Oraet, olketa sif blong olketa laen blong Filistia i go lukim disfala woman, an olketa tok olsem long hem, “Mifala laekem yu fo trikim Samson, mekem hemi talem yu wanem nao mekem hem fo strong tumas olsem. Yu mas faendemaot wanfala wei fo mifala taemapem hem mekem hemi no save duim enisamting. Sapos yu duim olsem, evri sif long mifala bae givim 1,100 silva seleni long yu, go-go yu garem staka seleni.”

Jajis 17:10

So Maeka hemi tok olsem long hem, “Yu kam stap nomoa wetem mi. Bae yu kamap prist blong mi, an yu nao bae talem mifala wanem God hemi laekem mifala fo duim. Bae mi givim tenfala silva seleni long yu fo wanfala yia, an bae mi givim kaleko an kaikai long yu tu.”