Matiu 2:4 - Pijin Bible

⁴ Long taem ya, King Herod hemi talem evri hedprist an evri tisa blong Lo fo olketa kam hipap wetem hem. An hemi askem olketa olsem, “?Waswe, disfala Mesaea ya, wea nao bae hemi bon kam long hem?”

Pijin Deuterocanon

⁴ Long taem ya, King Herod hemi talem evri hedprist an evri tisa blong Lo fo olketa kam hipap wetem hem. An hemi askem olketa olsem, “?Waswe, disfala Mesaea ya, wea nao bae hemi bon kam long hem?”

Matiu 2:4 Iomraidhean Croise

2 Kronikols 34:13

i bos long olketa wakaman long enikaen deferen waka. An samfala i raetemdaon olketa ripot abaotem olketa waka ya. An samfala i gohed fo gadem olketa doa long Tambuhaos.

2 Kronikols 34:15

Oraet, hemi tok olsem long Safan, “Mi faendem Buk blong Lo blong Yawe insaet long Tambuhaos.” Nao hemi givim buk ya long Safan.

2 Kronikols 36:14

An narasamting moa, olketa lida blong olketa prist an olketa pipol, olketa gohed fo falom olketa ravis wei blong olketa pipol blong olketa narafala kantri raonem olketa. Olketa wosipim olketa narafala god an spoelem tambu long Tambuhaos blong Yawe, wea Yawe nao hemi bin mektambu long hem finis.

Esra 10:5

So Esra hemi stanap, an hemi mekem olketa sif prist, an olketa lida blong olketa Livaet, wetem olketa narafala lida blong olketa pipol, fo mekem strongfala promis fo duim olsem wea man ya hemi talem.

Esra 7:6

Disfala prist ya Esra, hem nao hemi kambaek from Babilon. Hemi wanfala tisa wea hemi savegud tumas long Lo blong Mosis, wea Yawe God blong Israel bin givim Lo ya long bifoa. Long mekseven yia wea King Atasekses hemi rul ovarem Pesia, Esra hemi redim wanfala bikfala grup long olketa blong Israel, mekem hemi lidim olketa gobaek long Jerusalem. Bikos Yawe, God blong hem, hemi gohed fo blesim hem, evrisamting wea hemi askem long king, king ya hemi givim nomoa long hem. Long grup ya, hemi garem olketa prist wetem olketa Livaet wea samfala long olketa i blong kuaea blong Tambuhaos blong Yawe, an samfala long olketa i sekiuriti long Tambuhaos ya, an samfala long olketa i wakaman long Tambuhaos.

Nehemaea 12:7

an Salu, an Amok, an Hilkaea, an Jedaea. Olketa ya i lida blong olketa prist long taem wea Jesua hemi bin Haeprist.

Sams 2:2

Olketa king long disfala wol i mekredi nao fo faet. Olketa hu i rulim olketa pipol long wol i joen tugeta nao fo faet. Olketa redi fo faet agensim Yawe an disfala king ya wea hemi bin siusim fo duim waka blong hem.

Jeremaea 8:8

“Hemi no stret fo yufala gohed fo tok olsem, ‘Mifala waes, bikos mifala savegud long Lo blong Yawe nao.’ !Yufala lukim! Nomata olketa tisa blong lo ya, bat olketa laea nomoa, an olketa sensim lo blong mi.

Malakae 2:7

?Olketa prist nao i mesenja blong mi Yawe hu mi garem evri paoa. So, olketa mas tisim pipol fo savegud long tru wei blong mi, an hemi gud fo pipol i kam fo lane from olketa.

Matiu 13:52

So Jisas hemi sei moa, “Evri tisa blong Lo hu hemi falom niufala tising abaotem kingdom long Heven, hemi olsem wanfala bos blong haos hu hemi save tekemaot kam olketa gudfala samting long haos blong hem, wea samfala samting i niuwan an samfala samting i olwan.”

Matiu 2:3

Taem King Herod hemi herem disfala toktok nomoa, hemi wari fogud nao. An evriwan long Jerusalem, olketa wari fogud tu.

Matiu 2:5

Nao olketa tok olsem long hem, “Mesaea ya bae hemi bon kam long Betlehem long provins long Jiudia, bikos toktok wea wanfala profet hemi raetem, hemi sei,

Matiu 21:15

Bat olketa hedprist an olketa tisa blong Lo, olketa barava kros tumas nao, taem olketa lukim olketa mirakol wea Jisas hemi duim ya an taem olketa herem olketa pikinini hu i singaot insaet long Tambuhaos ya olsem, “!Preisim disfala San Blong King Deved!”

Matiu 21:23

Nao Jisas hemi gobaek moa long eria long disfala Tambuhaos ya, an hemi go-gohed fo tisim olketa pipol. Long taem ya, olketa hedprist an olketa nara bikman olketa kam long hem nomoa, an olketa askem hem olsem nao, “?Watkaen paoa nao yu garem fo duim olketa samting ya? ?An hu nao hemi givim paoa ya long yu?”

Matiu 26:3

Nao long disfala taem ya nomoa, olketa hedprist an olketa nara bikman olketa hipap long bikfala haos blong disfala Haeprist Kaeafas.

Matiu 26:47

Taem Jisas hemi gohed fo toktok yet, Jiudas hu hemi wanfala long olketa tuelfala disaepol ya hemi kam nao. Nao olketa hedprist an olketa nara bikman, olketa bin sendem kam plande man wetem Jiudas, wea olketa holem kam olketa naef fo faet wetem olketa stik fo faet.

Matiu 27:1

Nao long eli moning yet, olketa hedprist an olketa nara bikman olketa miting fo mekem wanfala plan fo kilim Jisas dae.

Matiu 7:29

bikos wei wea hemi tok ya hemi somaot klia dat hemi garem paoa. Toktok blong hem ya, hemi barava no olsem tising blong olketa tisa blong Lo.

Gudnius abaotem Jisas Kraes wea Mak hemi raetem 8:31

Long taem ya, Jisas hemi go-gohed fo tisim olketa disaepol olsem, “Bae mi San Blong Man, olketa mas meksave long mi fogud nao. An bae olketa hedprist an olketa tisa blong Lo an olketa nara bikman moa olketa no laekem mi moa. An bae olketa kilim mi dae tu, bat long mektri de bihaen ya, bae mi laefbaek moa.”

Gudnius abaotem Jisas Kraes wea Luk hemi raetem 20:19

Nao long taem ya nomoa, olketa hedprist an olketa tisa blong Lo olketa luksave dat toktok blong Jisas hemi barava agensim olketa tru nao. So olketa wande fo kasholem hem long semtaem, bat olketa fraet tu long olketa pipol.

Gudnius abaotem Jisas Kraes wea Luk hemi raetem 23:10

An taem ya, olketa hedprist an olketa tisa blong Lo olketa stanap kolsap long tufala nao, an olketa gohed fo tokstrong long Jisas an talem enikaen samting agensim hem.

Gudnius abaotem Jisas Kraes wea Jon hemi raetem 18:3

So Jiudas hemi lidim kam wanfala seksin blong olketa soldia blong Rom wetem samfala sekiuriti blong Tambuhaos wea olketa hedprist an olketa Farasi olketa bin sendem olketa kam. Olketa holem go olketa lam an olketa samting fo faet.

Gudnius abaotem Jisas Kraes wea Jon hemi raetem 3:10

Nao Jisas hemi sei moa long hem, “Yu nao wanfala bik tisa blong Israel ya. ?Hao nao yu no save long mining blong diswan?

Gudnius abaotem Jisas Kraes wea Jon hemi raetem 7:32

Olketa Farasi olketa herem dat pipol ya olketa go-gohed fo talemhaed olketa samting ya abaotem Jisas nao. So olketa ya wetem olketa hedprist, olketa sendem go samfala sekiuriti blong Tambuhaos fo go an kasholem Jisas nao.

Gudnius abaotem Jisas Kraes wea Jon hemi raetem 8:3

Nao olketa tisa blong Lo an olketa Farasi, olketa tekem kam wanfala woman wea olketa bin kasholem hem taem hemi brekem lo blong marit wetem nara man. So olketa mekem disfala woman fo stanap go long frant blong olketa evriwan,

Aposol 23:9

Nao tufala seksin ya i gohed fo singaot bikfala moa, go-go samfala tisa blong Lo wea olketa blong Farasi, olketa stanap an gohed fo tokstrong olsem, “!Mifala nating faendem enisamting wea man ya hemi duim rong ya! !Maet wanfala spirit o wanfala enjel nao hemi bin toktok kam long hem!”

Aposol 4:5

Long neks de nomoa, olketa man hu i rulim olketa Jiu wetem samfala nara bikman an olketa tisa blong Lo, olketa hipap long Jerusalem nao.

Aposol 6:12

An long wei ya, olketa mekem olketa pipol wetem olketa bikman blong Jiu an olketa tisa blong Lo, fo olketa kros tumas long Stivin nao. An olketa go kasholem Stivin, an olketa tekem hem go long miting blong disfala Kansol.