Matiu 19:9 - Pijin Bible

⁹ An mi talem long yufala, sapos waef blong wanfala man hemi nating bin durong wetem eniwan, bat disfala man ya hemi lusim hem an hemi maritim moa narafala woman, man ya hemi brekem lo blong marit nao ya.”

Pijin Deuterocanon

⁹ An mi talem long yufala, sapos waef blong wanfala man hemi nating bin durong wetem eniwan, bat disfala man ya hemi lusim hem an hemi maritim moa narafala woman, man ya hemi brekem lo blong marit nao ya.”

Matiu 19:9 Iomraidhean Croise

Jenesis 20:3

Nao long wanfala naet, Yawe hemi kam long king ya long wanfala drim, hemi tok olsem long hem, “!Bae yu dae ya! Bikos disfala woman wea yu bin tekem ya, hemi marit woman ya.”

2 Kronikols 21:11

Hemi gohed fo wakem olketa tambuples fo wosipim olketa narafala god antap long olketa hil long Jiuda, so hemi mekem pipol blong Jerusalem fo aftarem olketa narafala god, an hemi lidim olketa narafala pipol blong Jiuda fo lusim stretfala wei.

Jeremaea 3:1

Hem ya nao mesij blong Yawe. Hemi tok olsem, “?Taem wanfala man hemi divosim waef blong hem, an woman ya hemi maritim narafala man; waswe, man ya hemi save tekem kambaek moa disfala woman? Nomoa nao, bikos sapos hemi duim olsem, bae hemi mekem disfala lan fo kamap nogud tumas long ae blong mi. Bat yufala ya, yufala lusim mi barava olsem juri woman wea hemi durong wetem plande man. ?So hao nao yufala save kambaek moa long mi?

Jeremaea 3:8

Mi divosim Israel an mi raosim hem bikos hemi lusim mi olsem woman hu hemi brekem lo blong marit. Bat mi lukim dat sista blong hem Jiuda hemi no fraet, an hemi no stap tru long mi. Hemi go olobaot tu olsem woman hu hemi brekem lo blong marit.

Esikiel 16:15

“Bat yu yusim wei wea yu luknaes tumas olsem an olketa man i savegud long yu, fo kamap olsem juri woman. Yu gohed fo slip nomoa wetem eni man hu hemi kam long yu, mekem hemi olsem wea yu blong hem.

Esikiel 16:29

So, yu gohed moa fo slip wetem olketa bisnisman blong Babilonia, bat hemi no naf yet long yu.

Esikiel 16:8

“Bihaen, mi gopas moa long ples ya, an mi lukim dat yu bikfala fitim fo marit nao. So, mi kavaremap neket bodi blong yu long longfala kaleko blong mi, an mi mekem wanfala strong agrimen wea bae mi lavem yu. Mi promis fo maritim yu, an yu kamap waef blong mi. “Hem nao mesij blong mi Lod Yawe.

Matiu 19:10

Long taem ya, olketa disaepol blong hem olketa sei long hem nao, “Sapos hem nao wei fo man hemi mas stap wetem waef blong hem, maet hemi barava gud fo no marit nomoa.”

Matiu 19:8

Nao Jisas hemi sei long olketa, “Mosis hemi letem yufala fo lusim waef blong yufala bikos hemi had tumas fo tisim yufala ya. Bat long stat long evrisamting, hemi no olsem ya.

Matiu 5:32

Bat mi ya, mi talem long yufala, sapos eni man hemi lusim waef blong hem bat woman ya hemi no durong nomoa wetem eniwan, bae disfala man nao hemi mekem woman ya fo brekem lo blong marit taem hemi maritim nara man moa. An disfala man hu hemi maritim moa woman ya, hemi brekem lo blong marit tu ya.”

Gudnius abaotem Jisas Kraes wea Luk hemi raetem 16:18

“Nao sapos wanfala man hemi lusim waef blong hem an hemi maritim moa narafala woman, man ya hemi brekem lo blong marit nao ya. An sapos wanfala man hemi maritim wanfala woman wea hasban blong hem hemi bin lusim hem finis, man ya hemi brekem lo blong marit tu ya.”

1 Korin 5:1

Nao mi bin herem dat wanfala man long yufala hemi duim rong samting wea hemi barava nogud, an nomata olketa hu i no biliv long God olketa no save duim samting olsem. Man ya hemi go-gohed fo slip wetem waef blong dadi blong hem nomoa.

1 Korin 7:39

Wanfala woman hu hemi marit finis hemi mas stap olowe wetem hasban blong hem. Bat sapos hasban blong hem hemi dae finis, bae hemi save maritim eniwan wea hemi laekem, sapos disfala man hemi wanfala Kristin.

1 Korin 7:4

Bikos woman hu hemi marit hemi no bos long bodi blong hem seleva, bat hasban nao hemi bos long hem. An man tu hemi no bos long bodi blong hem seleva, bat waef nao hemi bos long hem.