Matiu 19:21 - Pijin Bible

²¹ Nao Jisas hemi sei long hem, “Sapos yu wande fo kamap barava gudfala tumas, yu mas go an salem evrisamting blong yu, an yu mas givim go seleni long olketa pua pipol ya. From diswan nao bae yu garem olketa risis long heven. An bihaen, yu kam fo falom mi nao.”

Pijin Deuterocanon

²¹ Nao Jisas hemi sei long hem, “Sapos yu wande fo kamap barava gudfala tumas, yu mas go an salem evrisamting blong yu, an yu mas givim go seleni long olketa pua pipol ya. From diswan nao bae yu garem olketa risis long heven. An bihaen, yu kam fo falom mi nao.”

Matiu 19:21 Iomraidhean Croise

Jenesis 17:1

Nao taem Ebram hemi kasem naenti-naen yia blong hem, Yawe hemi kam an hemi tok olsem long hem, “Mi nao God wea mi garem evri paoa. Oltaem, yu mas obeim mi, an yu mas duim olketa samting wea hemi stret.

Jenesis 6:9

Stori abaotem Noa wetem laen blong hem hemi olsem: Noa hemi garem trifala pikinini boe, hu nem blong trifala, Siem, an Ham an Jafet. Noa nomoa hemi wanfala man hu hemi stret tumas long ae blong God, an hemi no garem enisamting wea hemi rong long laef blong hem, an oltaem hemi stap frengud wetem God.

Stori abaotem Job 1:1

Bifoa kam, wanfala man wea nem blong hem nao Job, hemi stap long kantri olketa kolem Us. Hemi wanfala gudfala an stretfala man. An hemi tinghae long God an hemi les fo duim eni ravis samting.

Sams 37:37

Yu mas luksave long stretfala laef blong olketa gudfala pipol wea olketa laekem piis, an yu mas trae fo save long wei blong olketa. Olketa wea i bon kam long laen blong olketa ya, bae i plande tumas.

Matiu 16:24

Bihaen, Jisas hemi sei long olketa disaepol blong hem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi.

Matiu 19:20

Nao disfala man hemi sei long Jisas, “Mi save obeim evri lo ya. ?Wanem nao mi mas duim moa?”

Matiu 19:22

Bat man ya hemi garem plande samting tumas ya, so taem hemi herem disfala toktok nomoa, hemi sore fogud an hemi lusim Jisas nao.

Matiu 19:28

Nao Jisas hemi talem long olketa olsem, “Mi talem yufala tru samting nao, long taem wea God bae hemi mekem evrisamting niu moa, bae mi San Blong Man, mi sidaon fo rul wetem saen blong bikfala paoa blong God. An long taem ya nao, yufala tuelfala man hu i falom mi, bae yufala tu sidaon fo rulim tuelfala laen ya blong Israel.

Matiu 4:19

Nao Jisas hemi sei long tufala, “Yutufala kam falom mi. Mi nao bae mi som yutufala hao fo fising fo kasem pipol.”

Matiu 5:48

Bat yufala ya, yufala mas barava gudfala tumas olsem Dadi blong yufala long heven hemi barava gudfala tumas.”

Matiu 8:22

Bat Jisas hemi sei long hem, “Yu falom mi distaem nao. Letem olketa pipol hu i dae finis fo berem olketa seleva nomoa.”

Matiu 9:9

Taem Jisas hemi lusim ples ya, hemi lukim wanfala man wea nem blong hem Matiu. Man ya, hemi sidaon long ples wea olketa pipol i save kam fo peim taks long hem. An Jisas hemi sei olsem long Matiu, “Yu falom mi.” So Matiu hemi stanap an hemi falom Jisas nao.

Gudnius abaotem Jisas Kraes wea Mak hemi raetem 10:21

Nao Jisas hemi luk go long man ya an hemi lavem hem tumas, so hemi talem hem olsem, “Wanfala samting nomoa yu mas duim. Yu mas go an salem evrisamting blong yu, an givim go seleni long olketa pua pipol. From diswan nao bae yu garem olketa risis moa long heven. An bihaen ya, yu save kam an falom mi.”

Gudnius abaotem Jisas Kraes wea Mak hemi raetem 2:14

An taem hemi wakabaot go moa, hemi lukim wanfala man nem blong hem Livae, san blong Alfeas. Long taem ya, Livae hemi sidaon long ples wea olketa pipol save peim taks long hem ya. An Jisas hemi tok olsem long hem, “Yu kam falom mi.” So Livae hemi getap an falom Jisas nao.

Gudnius abaotem Jisas Kraes wea Mak hemi raetem 8:34

Bihaen moa, Jisas hemi kolem olketa pipol wetem olketa disaepol blong hem fo kam long hem an talem olketa olsem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi.

Gudnius abaotem Jisas Kraes wea Luk hemi raetem 12:33

So yufala mas salem evrisamting wea yufala garem, an yufala mas givim evri seleni ya fo go long olketa pua pipol. Yufala mas yusim diskaen paos wea hemi no save olo an brek. Long disfala wei ya, yufala hipimap olketa risis blong yufala long heven wea bae olketa no save finis enitaem. An long heven ya, bae no eni man fo stil i save kam an no eni kokoros tu i save spoelem olketa samting.

Gudnius abaotem Jisas Kraes wea Luk hemi raetem 14:33

So yufala tu mas tingting gud fastaem olsem, bikos man hu hemi no wiling fo lusim evrisamting wea hemi garem, hemi no save kamap wanfala disaepol blong mi ya.”

Gudnius abaotem Jisas Kraes wea Luk hemi raetem 16:9

An Jisas hemi gohed fo tok olsem moa, “So mi talem long yufala, yufala mas yusim olketa risis blong wol ya fo mekem olketa pipol kamap fren wetem yufala, mekem taem yufala no save yusim moa olketa risis blong wol ya, bae olketa save fren wetem yufala moa long ples wea laef hemi no save finis.

Gudnius abaotem Jisas Kraes wea Luk hemi raetem 18:22

Taem ya, Jisas hemi sei, “Wanfala samting nao yu mas duim. Yu mas go an salem evrisamting blong yu, an yu mas givim go seleni ya long olketa pua pipol. From diswan nao bae yu garem olketa risis moa long heven. An bihaen ya, bae yu save kam an falom mi.”

Gudnius abaotem Jisas Kraes wea Luk hemi raetem 5:27

Bihaen diswan, Jisas hemi go moa an hemi lukim wanfala man nem blong hem Livae. Waka blong man ya nao fo tekem taks, an hemi gohed fo sidaon long ples wea olketa pipol save peim taks long hem. Nao Jisas hemi tok olsem long hem, “Yu kam falom mi.”

Gudnius abaotem Jisas Kraes wea Luk hemi raetem 6:40

Man wea hemi skul, hemi no save winim tisa blong hem. Bat taem hemi skul gudfala go-go hemi barava savegud, long taem ya nao hemi save kamap wankaen wetem tisa blong hem.

Gudnius abaotem Jisas Kraes wea Luk hemi raetem 9:23

An Jisas hemi tok olsem moa long evriwan, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi evri de.

Gudnius abaotem Jisas Kraes wea Jon hemi raetem 10:27

Olketa sipsip blong mi, olketa heremsave toktok blong mi an olketa go bihaen long mi. Mi save long olketa

Gudnius abaotem Jisas Kraes wea Jon hemi raetem 12:26

Eniwan hu hemi waka fo mi, hemi mas falom mi nao, mekem wakaman blong mi hemi stap long ples wea mi stap long hem. An eniwan hu hemi waka fo mi bae Dadi blong mi hemi tinghae long hem ya.”

Aposol 2:45

An olketa gohed tu fo salem olketa samting olketa onam an enikaen samting moa olsem, an olketa givim go olketa seleni ya fo helpem eniwan long olketa wea hemi sot long enisamting.

Hibrus 10:34

Yufala filsore tugeta wetem samfala long yufala hu i stap insaet long prisin. An taem pipol i tekem evrisamting wea yufala onam, yufala stap hapi nomoa bikos yufala save finis wea yufala garem samting wea hemi gudfala moa an bae hemi save stap oltaem.