Matiu 19:10 - Pijin Bible

¹⁰ Long taem ya, olketa disaepol blong hem olketa sei long hem nao, “Sapos hem nao wei fo man hemi mas stap wetem waef blong hem, maet hemi barava gud fo no marit nomoa.”

Pijin Deuterocanon

¹⁰ Long taem ya, olketa disaepol blong hem olketa sei long hem nao, “Sapos hem nao wei fo man hemi mas stap wetem waef blong hem, maet hemi barava gud fo no marit nomoa.”

Matiu 19:10 Iomraidhean Croise

Jenesis 2:18

Nao Yawe God hemi tok olsem, “Hemi nogud wea man ya hemi stap seleva. Hemi moabeta fo mi mekem wanfala fren blong hem wea i fitim hem, mekem hemi helpem hem.”

Provebs 18:22

Taem yu faendem woman fo maritim, yu faendem wanfala gudfala samting ya. Hemi wanfala blesing.

Provebs 21:19

I moabeta yu stap olowe long drae eria, winim yu stap tugeta wetem waef hu hemi kros an raoa olowe.

Provebs 21:9

Hemi moabeta yu stap seleva antap long haos olowe, winim yu stap tugeta wetem waef hu hemi raoa olowe.

Matiu 19:11

Bat Jisas hemi sei long olketa, “Diskaen tising hemi no blong evriwan fo falom ya, bat fo pipol hu God hemi makem olketa fo diswan nomoa.

Matiu 19:9

An mi talem long yufala, sapos waef blong wanfala man hemi nating bin durong wetem eniwan, bat disfala man ya hemi lusim hem an hemi maritim moa narafala woman, man ya hemi brekem lo blong marit nao ya.”

1 Korin 7:8

Nao yufala hu i no marit yet an yufala olketa wido woman, mi talem yufala dat hemi gud sapos yufala gohed fo stap seleva nomoa olsem mi.

1 Timoti 4:3

Olketa pipol olsem ya olketa stopem pipol fo no marit an fo no kaikaim plande kaen kaikai. Bat God hemi mekem olketa kaikai ya fo olketa pipol save kaikaim nomoa. An yumi pipol wea yumi biliv long God an save long tru toktok, yumi save talem tengkiu long God fo olketa kaen kaikai ya, an yumi save kaikaim nomoa.