Matiu 18:12 - Pijin Bible

¹² “?Sapos wanfala man hemi garem 100 sipsip bat wanfala long olketa hemi go lus, waswe, yufala tingse wanem nao bae man ya hemi duim? Bae hemi lusim olketa nara 99 sipsip ya long hil wea olketa kaikai long hem nomoa, an bae hemi go fo lukaotem sipsip wea hemi lus ya.

Pijin Deuterocanon

¹² “?Sapos wanfala man hemi garem 100 sipsip bat wanfala long olketa hemi go lus, waswe, yufala tingse wanem nao bae man ya hemi duim? Bae hemi lusim olketa nara 99 sipsip ya long hil wea olketa kaikai long hem nomoa, an bae hemi go fo lukaotem sipsip wea hemi lus ya.

Matiu 18:12 Iomraidhean Croise

1 Kings 21:17

Den Mesij blong Yawe hemi kam long Profet Elaeja, man blong Tisbe. Hemi sei olsem,

Sams 119:176

Mi liu olobaot nomoa olsem wanfala sipsip wea hemi lus. So plis yu kam lukaotem mi wakaman blong yu, bikos mi no fogetem olketa strongfala toktok blong yu.

Aesaea 53:6

Yumi evriwan i olsem olketa sipsip wea i lus olobaot. Yumi evriwan i gohed fo falom nomoa olketa wei blong yumi seleva. Bat Yawe hemi mekem disfala wakaman blong hem fo safa fo olketa sin blong yumi wea yumi evriwan nao sud safa fo hem.

Jeremaea 50:6

“Olketa pipol blong mi bin lus finis, olsem olketa sipsip wea man fo lukaftarem olketa hemi lidim olketa go long rong wei, mekem olketa gohed fo wakabaot olobaot antap long olketa hil, an no save wea nao stret ples blong olketa.

Esikiel 34:12

An bae mi tekem olketa fo kam tugeta moa, olsem wea man hemi lukaftarem gud olketa sipsip blong hem. Bae mi go fo faendem olketa wea i bin ranawe long taem blong trabol, an go stap olobaot long olketa deferen ples. Ya, bae mi tekem olketa kambaek moa.

Esikiel 34:16

“Bae mi go fo lukaotem olketa sipsip blong mi wea i lus. Olketa wea i go rong, an olketa wea i gohed fo wakabaot olobaot nomoa, bae mi tekem olketa kambaek moa. An bae mi putum bandes long soa blong olketa wea i garekil, mekem olketa save kamap gudbaek moa. Bae mi mekem olketa wea i wik fo kamap strong moa. Bat olketa wea i fat fogud an strong, bae mi spoelem olketa, bikos mi nao man fo lukaftarem sipsip wea mi lukaftarem olketa long stretfala wei.

Esikiel 34:28

Pipol blong olketa narafala kantri bae i no save stilim moa evrisamting blong olketa, an olketa wael animol bae i no save kilim olketa dae moa fo kaikaim olketa. Bae olketa save stap gud an sef, an bae no eniwan save mekem olketa fraet moa.

Esikiel 34:4

Yufala nating mekem olketa wea i wik fo kamap strong an gudbaek moa. An olketa wea i garekil, yufala nating putum bandes nomoa long evri soa blong olketa fo kamap gudbaek moa. Yufala nating lukaotem nomoa olketa wea i lus, fo tekem olketa kambaek. Yufala gohed nomoa fo mekem olketa safa.

Esikiel 34:6

Olketa sipsip blong mi i lus olobaot, antap long olketa maonten an olketa hil. Olketa go olobaot evri ples long wol, an no eniwan hemi go fo lukaotem olketa, o traem fo faendem olketa.

Matiu 12:11

So Jisas hemi tok olsem nao, “Sapos yu garem wanfala sipsip an hemi foldaon insaet long dip hol long Sabat de. ?Waswe, bae yu no putum han blong yu godaon an pulum hem aot nomoa?

Matiu 18:13

An mi talem yufala tru samting nao, sapos hemi faendem, bae hapi blong hem wetem disfala sipsip ya, hemi winim go moa hapi blong hem wetem olketa 99 sipsip wea olketa no go lus nomoa.

Matiu 21:28

Jisas hemi sei moa long olketa, “?Yufala tingting waswe? Wanfala man hemi garem tufala san, an hemi tok olsem long wanfala, ‘!San blong mi, yu go fo waka long plantesin blong grep tri long tude!’

Matiu 22:42

“?Waswe, yufala tingse long laen blong hu nao bae disfala Mesaea hemi bon kam long hem?” Nao olketa sei, “Long laen blong King Deved nao ya.”

1 Korin 10:15

Mi toktok wetem yufala hu i garem gudfala save ya. So yufala seleva nao i save herem sapos toktok blong mi hemi stret o nomoa.

1 Pita 2:25

Bifoa, yufala olsem olketa sipsip wea i lus finis. Bat distaem, yufala kambaek moa long Man Fo Lukaftarem Sipsip, hu hemi save lukaftarem laef blong yufala.