Matiu 17:6 - Pijin Bible

⁶ Taem trifala disaepol ya olketa herem diswan, olketa fraet tumas an olketa foldaon long graon an olketa haedem fes blong olketa.

Pijin Deuterocanon

⁶ Taem trifala disaepol ya olketa herem diswan, olketa fraet tumas an olketa foldaon long graon an olketa haedem fes blong olketa.

Matiu 17:6 Iomraidhean Croise

1 Kronikols 21:16

King Deved hemi lukim Enjel blong Yawe hemi stanap long midol long graon an skae. Enjel ya hemi holem wanfala naef fo faet redi fo kilim pipol long Jerusalem. Den Deved an olketa lida blong pipol i baodaon wea fes blong olketa i go kasem graon. Long datfala taem olketa werem olketa ravis kaleko blong sore.

Esikiel 3:23

So mi stanap an go nao long bikfala flat ples ya. An mi lukim laet long bikfala paoa blong Yawe hemi saen fogud. Laet ya hemi olsem tu datfala bikfala laet wea mi bin lukim bifoa saet blong Keba Riva, an mi leidaon wetem fes blong mi long graon.

Esikiel 43:3

Disfala spesol drim, hemi semsem nomoa olsem narafala spesol drim wea mi bin lukim fastaem, taem hemi kam fo spoelem Jerusalem. An spesol drim ya, hemi semsem tu olsem narafala spesol drim wea mi bin lukim long Keba Riva bifoa. So, mi leidaon wetem fes blong mi long graon.

Daniel 8:17

So, Gebriel hemi kam kolsap long mi, nao mi foldaon long graon bikos mi fraet tumas. Hemi tok olsem long mi, “Man blong wol. Yu mas save long mining blong samting ya. Spesol drim ya wea yu bin lukim, hem nao piksa long en blong olketa nogud samting ya.”

Levitikas 9:24

Seknomoa, faea hemi kamaot from ples wea Yawe hemi stap an hemi bonem evri mit an gris blong sakrifaes long olta. An taem olketa pipol i lukim disfala samting, olketa singaot bikfala, an baodaon go-go fes blong olketa i kasem graon.

Matiu 17:5

Taem Pita hemi toktok yet, wanfala klaod wea hemi saen tumas hemi kam kolsap antap long olketa nao. An olketa herem toktok wea hemi kamaot long klaod ya wea hemi sei, “Hem ya nao barava San blong mi wea mi lavem hem tumas an mi hapi tumas long hem. !Yufala mas heremgud wanem hemi talem!”

Matiu 17:7

Bat Jisas hemi go tasim olketa an hemi sei, “Yufala stanap, yufala no fraet.”

Aposol 22:7

Mi foldaon long graon nao, an mi herem wanfala toktok hemi sei, ‘?Sol, Sol, waswe nao yu gohed fo meksave long mi?’

Aposol 26:14

Mifala evriwan i foldaon long graon an mi herem wanfala toktok hemi tok kam long langguis long Hibru, wea hemi sei, ‘?Sol, Sol, waswe nao yu gohed fo meksave long mi? Yu spoelem yu seleva nomoa ya taem yu traehad fo go agensim tingting blong mi olsem.’

2 Pita 1:18

Mifala seleva nao herem disfala toktok wea hemi kamdaon long heven taem mifala stap wetem Jisas long holi maonten ya.

Jajis 13:22

Manoa hemi fraet tumas an tok olsem long waef blong hem, “!Man! !Yumitufala lukim God, bae yumitufala dae nao ya!”