Matiu 17:4 - Pijin Bible

⁴ So Pita hemi sei long Jisas, “Masta, hemi gud tumas nao mifala stap long hia. Sapos yu laekem, mi save wakem trifala smol haos, wanfala fo yu an wanfala fo Mosis an wanfala fo Elaeja.”

Pijin Deuterocanon

⁴ So Pita hemi sei long Jisas, “Masta, hemi gud tumas nao mifala stap long hia. Sapos yu laekem, mi save wakem trifala smol haos, wanfala fo yu an wanfala fo Mosis an wanfala fo Elaeja.”

Matiu 17:4 Iomraidhean Croise

Sams 16:11

Yu bin som mi olketa wei fo kasem tru laef, an taem yu stap wetem mi, bae yu mekem mi hapi fogud. (Prea blong Deved.)

Sams 4:6

Plande pipol nao i gohed fo prea olsem, “Lod Yawe, plis yu luk kaen kam long mifala, an givim kam plande gudfala samting moa long mifala.”

Aesaea 33:17

(Profet) !Olketa pipol blong mi! Taem wea bae hemi kam, bae yufala lukim wanfala gudfala king hu hemi barava hae fogud, an bae hemi rul ovarem evri ples long disfala bikfala lan.

Sekaraea 9:17

!Bae olketa i gudfala an luknaes tumas! An olketa gudfala kaikai an waen blong lan ya, bae hemi mekem olketa yangman an olketa yangwoman fo kamap strong.

Matiu 17:3

Semtaem nomoa, trifala ya i lukim Mosis an Elaeja, wea tufala gohed fo stori wetem Jisas.

Gudnius abaotem Jisas Kraes wea Luk hemi raetem 9:33

Taem tufala man ya i stat fo lusim Jisas an gobaek, Pita hemi tok olsem long Jisas, “Masta, hemi gud tumas nao mifala stap long hia. Bae mifala wakem trifala smol haos, wanfala fo yu an wanfala fo Mosis an wanfala fo Elaeja.” Pita hemi talem olsem from hemi no minimgud wanem hemi go-gohed.

Gudnius abaotem Jisas Kraes wea Jon hemi raetem 17:24

“Dadi, mi laekem olketa pipol wea yu givim kam long mi fo olketa stap wetem mi long ples wea mi stap long hem, mekem olketa lukim saen blong bikfala paoa blong mi. Hem nao disfala saen blong paoa wea yu givim kam long mi bikos yu lavem mi taem yu no mekem disfala wol ya yet.

Gudnius abaotem Jisas Kraes wea Jon hemi raetem 7:2

Nao hemi kolsap kasem taem blong olketa Bikde fo Stap long Smolfala Lif Haos fo Lelebet Taem.

Filipae 1:23

Mi barava stap long midol long tufala gudfala samting nao. Mi laekem tumas fo lusim laef an go stap wetem Kraes, bikos hem nao hemi barava nambawan samting.

1 Jon 3:2

Olketa fren, long distaem nao yumi olketa pikinini blong God, bat wanem nao bae hemi hapen long yumi, God hemi no talemaot yet. Bat wanfala samting nao yumi save, taem Kraes bae hemi kambaek moa, bae yumi barava lukim hem an bae yumi kamap olsem hem nao.

Revelesin 21:23

An olketa no nidim san an mun fo saen kam long biktaon ya, bikos bikfala paoa blong God hemi saen kam long hem. An Smolfala Sipsip ya tu hemi laet blong biktaon ya.