Matiu 17:12 - Pijin Bible

¹² Bat mi talem long yufala, Elaeja hemi kam finis nao, bat olketa pipol nating luksave long hem nomoa. An olketa duim enikaen ravis samting long hem falom tingting blong olketa seleva. An bae olketa duim semsamting long mi San Blong Man tu.”

Pijin Deuterocanon

¹² Bat mi talem long yufala, Elaeja hemi kam finis nao, bat olketa pipol nating luksave long hem nomoa. An olketa duim enikaen ravis samting long hem falom tingting blong olketa seleva. An bae olketa duim semsamting long mi San Blong Man tu.”

Matiu 17:12 Iomraidhean Croise

Matiu 11:2

Taem Jon Baptaes hemi stap insaet long prisin, hemi herem wanem Kraes hemi duim. So Jon hemi sendem samfala disaepol blong hem fo go lukim Jisas.

Matiu 16:21

Stat long taem ya, Jisas hemi go-gohed fo talemaot klia long olketa disaepol olsem, “Mi mas go long Jerusalem, an bae olketa hedprist an olketa tisa blong Lo an olketa nara bikman moa bae olketa meksave long mi an bae olketa kilim mi dae. Bat long mektri de, bae mi laefbaek moa.”

Matiu 17:11

Nao Jisas hemi sei, “Hemi tru ya, Elaeja nao hemi mas kam fastaem, mekem hemi stretem evrisamting.

Matiu 17:13

Long taem ya, trifala disaepol ya olketa jes save dat Jon Baptaes nao Jisas hemi toktok abaotem ya.

Matiu 17:22

Taem olketa disaepol olketa hipap moa long wanfala ples long Galili, Jisas hemi sei long olketa, “Mi San Blong Man, bae olketa givim mi go long han blong olketa man

Matiu 17:9

Nao taem olketa wakabaot godaon long maonten ya, Jisas hemi tokstrong long trifala disaepol blong hem olsem, “Disfala samting wea yufala bin lukim ya, yufala mas no talem long eniwan, go-go kasem taem wea mi San Blong Man, mi laefbaek moa from dae.”

Matiu 21:32

Hemi olsem, bikos yufala no bilivim Jon Baptaes taem hemi kam fo som wanem hemi stret fo yufala fo duim. Bat olketa man fo tekem taks an olketa juri ya, olketa nao bilivim hem. An nomata yufala lukim diswan, yufala nating sensim tingting blong yufala an bilivim hem.”

Matiu 8:20

Bat Jisas hemi sei long hem, “Olketa wael animol olketa garem ples blong olketa seleva fo slip, an olketa bed tu olketa garem ples blong olketa seleva. Bat mi San Blong Man, mi no garem eni ples fo slip long hem.”

Gudnius abaotem Jisas Kraes wea Luk hemi raetem 7:33

Taem Jon Baptaes hemi kam, hemi no save kaikaim bred an hemi no save dringim waen tu. An yufala sei, ‘Man ya, wanfala devol hemi stap long hem ya.’

Gudnius abaotem Jisas Kraes wea Jon hemi raetem 1:11

Hemi kam stap long kantri blong hem, bat olketa wantok blong hem olketa nating hapi wetem hem.

Aposol 2:23

An God hemi falom plan blong hem olsem hemi tingim longtaem i go finis, wea hemi letem yufala kasholem Jisas. An yufala mekem hem dae, taem yufala givim hem go long olketa ravis man fo olketa nilam hem long kros.

Aposol 4:10

So mi laek fo talem yufala an mi laek fo talem evri pipol blong Israel tu wea disfala man hu hemi stanap long frant blong yufala, hemi bin kamap gudbaek finis long paoa blong nem blong Jisas Kraes blong Nasaret. Hem nao man hu yufala bin kilim hem dae long kros, bat God hemi mekem hem fo laefbaek moa.

Aposol 7:52

Ating barava evri profet long bifoa, olketa olo blong yufala nao olketa bin meksave long olketa ya. Olketa kilim dae olketa man blong God hu i talemaot ka-kam blong disfala Stretfala Wakaman blong hem ya. An yufala nao i bin givim disfala man go long han blong olketa enemi an yufala bin kilim hem dae tu.