Matiu 13:57 - Pijin Bible

⁵⁷ So olketa barava lukdaonem hem nomoa. Bat Jisas hemi sei long olketa, “Eniwan hu hemi profet, evriwan save tinghae long hem. Bat olketa pipol long hom blong hem an olketa long haos blong hem, olketa nomoa i nating save tinghae long hem.”

Pijin Deuterocanon

⁵⁷ So olketa barava lukdaonem hem nomoa. Bat Jisas hemi sei long olketa, “Eniwan hu hemi profet, evriwan save tinghae long hem. Bat olketa pipol long hom blong hem an olketa long haos blong hem, olketa nomoa i nating save tinghae long hem.”

Matiu 13:57 Iomraidhean Croise

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Aesaea 53:3

Evriwan i les long hem an tokspoelem hem. Plande taem hemi filnogud tumas, an hemi safa olowe nomoa. Ya, no eniwan nao hemi laek fo luk long hem. Yumi lukim hem olsem hemi samting nating nomoa.

Aesaea 8:14

Bae mi nao mi olsem wanfala sefples fo yufala. Bat bae mi kamap olsem wanfala bikfala ston wea tufala laen ya blong Israel i save bangam lek blong olketa long hem an foldaon. Bae mi olsem tu wanfala trap fo kasholem olketa, an plande pipol long Jerusalem nao bae i foldaon long hem.

Matiu 11:6

An olketa hu i lukim mi an olketa no lusim biliv blong olketa, bae olketa save hapi tumas ya.”

Matiu 13:58

So from olketa ya i no biliv long hem, Jisas no mekem plande mirakol long ples blong olketa nao.

Gudnius abaotem Jisas Kraes wea Mak hemi raetem 6:1

Nao, Jisas hemi lusim ples ya an gobaek moa long barava hom blong hem. An olketa disaepol blong hem nao olketa go-go wetem hem.

Gudnius abaotem Jisas Kraes wea Mak hemi raetem 6:14

Long taem ya, King Herod Antipas hemi herem plande nius nao abaotem Jisas, bikos evriwea nao nius abaotem hem hemi go kasem. Nao samfala pipol olketa sei olsem, “Ating disfala man ya hemi Jon Baptaes ya hu hemi laefbaek moa. Dastawe nao hemi garem paoa fo mekem olketa mirakol ya.”

Gudnius abaotem Jisas Kraes wea Mak hemi raetem 6:3

Yumi save dat man ya hemi disfala kapenta hu hemi bon long Meri nomoa ya. An olketa brata blong hem nao Jemes an Josef an Jiudas an Saemon. An olketa sista blong hem tu olketa stap nomoa long hia.” So olketa barava lukdaonem hem nomoa.

Gudnius abaotem Jisas Kraes wea Mak hemi raetem 6:4

Bat Jisas hemi sei long olketa, “Eniwan hu hemi profet, evriwan save tinghae long hem. Bat olketa pipol long hom blong hem, an olketa long laen blong hem, an olketa long haos blong hem nao, olketa nomoa i nating save tinghae long hem.”

Gudnius abaotem Jisas Kraes wea Luk hemi raetem 4:24

“Bat mi talem yufala tru samting nao, eniwan wea hemi profet, olketa pipol long hom blong hem olketa nating save bilivim hem.

Gudnius abaotem Jisas Kraes wea Luk hemi raetem 7:23

An olketa hu i lukim mi an olketa no lusim biliv blong olketa, bae olketa save hapi tumas ya.”

Gudnius abaotem Jisas Kraes wea Jon hemi raetem 4:44

Jisas seleva hemi bin talemaot dat eniwan hu hemi profet, olketa wantok blong hem olketa no save tinghae long hem ya.

Gudnius abaotem Jisas Kraes wea Jon hemi raetem 6:42

Olketa tok olsem, “!Man ya, hemi Jisas disfala san blong Josef nomoa ya! Yumi save nomoa long mami an dadi blong hem. ?So waswe nao hemi talem hemi kamdaon long heven ya?”

Gudnius abaotem Jisas Kraes wea Jon hemi raetem 6:61

Nomata Jisas hemi no herem, bat hemi save finis wea olketa toktokhaed agensim disfala tising ya. So hemi askem olketa olsem, “?Waswe, disfala tising ya hemi mekem yufala fo no wande fo falom mi nao?