Matiu 13:2 - Pijin Bible

² Nao plande pipol olketa hipap kam long ples ya raonem Jisas. So hemi go insaet long wanfala bot wea hemi stap long leik ya, an hemi sidaon insaet long hem an olketa pipol i stanap go nomoa long soa.

Pijin Deuterocanon

² Nao plande pipol olketa hipap kam long ples ya raonem Jisas. So hemi go insaet long wanfala bot wea hemi stap long leik ya, an hemi sidaon insaet long hem an olketa pipol i stanap go nomoa long soa.

Matiu 13:2 Iomraidhean Croise

Jenesis 49:10

Wanfala long olketa wea bae hemi bon kam bihaen long yu bae hemi kamap king, an olketa wea bae i bon kam bihaen long hem, oltaem bae olketa holem paoa fo king. An olketa ya nomoa bae olketa gohed fo kamap king, go-go paoa ya hemi go long wanfala man wea hemi garem raet fo holem disfala paoa ya, nao evri pipol bae i obeim hem.

Matiu 15:30

An long taem ya, plande pipol tumas olketa kam long hem nao. An olketa tekem kam long Jisas olketa pipol hu lek blong olketa i dae, an olketa hu i blaen, an olketa pipol hu lek o han blong olketa i nogud, an olketa hu i no save toktok an plande moa olsem. An Jisas hemi mekem olketa fo gudbaek moa.

Matiu 4:25

An long taem ya, plande pipol nao olketa go-go wetem Jisas. Samfala long olketa i kam from provins long Galili, an samfala from provins long Dekapolis, an samfala from provins long Jiudia an Jerusalem, an samfala moa from narasaet go long Jodan.

Gudnius abaotem Jisas Kraes wea Mak hemi raetem 4:1

Jisas hemi gohed moa fo tisim olketa pipol long saet long leik long Galili. An taem ya plande pipol nao olketa kam hipap raonem hem, so hemi go insaet long wanfala bot wea hemi stap insaet long leik ya nomoa, an hemi sidaon insaet long hem nao. An olketa pipol ya olketa stanap go nomoa long soa.

Gudnius abaotem Jisas Kraes wea Luk hemi raetem 5:3

Nao Jisas hemi go insaet long wanfala long tufala bot ya wea hemi blong Saemon. An hemi askem Saemon fo tekem bot ya fo goaot lelebet from soa. Nao Jisas hemi sidaon insaet long bot ya, an hemi gohed fo tisim olketa pipol hu i hipap kam.