Matiu 12:6 - Pijin Bible

⁶ Mi talem long yufala, samting wea hemi bikfala moa winim disfala Tambuhaos ya, hemi stap long hia nao.

Pijin Deuterocanon

⁶ Mi talem long yufala, samting wea hemi bikfala moa winim disfala Tambuhaos ya, hemi stap long hia nao.

Matiu 12:6 Iomraidhean Croise

2 Kronikols 6:18

“!O Lod Yawe! ?Hao nao bae yu save stap kam long disfala wol wetem pipol? Nomata heven wea hemi bikfala tumas, bat heven hemi no fitim yu fo stap long hem. Disfala Tambuhaos hemi smolfala fogud an hemi no fit fo yu stap long hem.

Aesaea 66:1

Yawe nao hemi tok moa olsem, “Heven nao hemi tron wea mi sidaon long hem fo rul, an wol nao hemi ples wea mi putum lek blong mi long hem. ?Waswe, yufala tingse yufala save mekem wanfala haos fo mi stap long hem? ?Yufala tingse yufala save mekem wanfala ples fo mi res long hem? Nomoa nao.

Aesaea 66:2

Mi seleva nao mi mekem evrisamting. Dastawe nao, evrisamting ya hemi stap.” Hem nao mesij blong Yawe. Yawe hemi tok moa olsem, “?Waswe, yufala tingse watkaen man nao mi hapi long hem? Kaen man wea mi hapi tumas long hem nao: man hu hemi hambol, an hemi sore fo olketa sin blong hem, an hemi tinghae long mi an obeim toktok blong mi.

Malakae 3:1

Bat Yawe hu hemi garem evri paoa, hemi tok olsem, ?Bae mi sendem mesenja blong mi fastaem fo redim rod blong mi. Seknomoa, Masta blong yufala wea yufala weitem, hemi kam nao long Tambuhaos blong hem. Ya, disfala man wea yufala barava laek fo lukim, bae hemi kam, an hemi talemaot spesol agrimen blong mi.?

Matiu 12:5

?Waswe, yufala nating ridim long Lo nomoa abaotem olketa prist tu? Evri Sabat de, olketa prist wea olketa waka long Tambuhaos olketa brekem lo blong Sabat ya, bat olketa no rong.

Kolosi 2:9

Bikos yufala save, Kraes hemi kamap man olsem yumi, an ful laef blong God hemi barava stap long hem.