Matiu 12:5 - Pijin Bible

⁵ ?Waswe, yufala nating ridim long Lo nomoa abaotem olketa prist tu? Evri Sabat de, olketa prist wea olketa waka long Tambuhaos olketa brekem lo blong Sabat ya, bat olketa no rong.

Pijin Deuterocanon

⁵ ?Waswe, yufala nating ridim long Lo nomoa abaotem olketa prist tu? Evri Sabat de, olketa prist wea olketa waka long Tambuhaos olketa brekem lo blong Sabat ya, bat olketa no rong.

Matiu 12:5 Iomraidhean Croise

Nehemaea 13:17

So mi tokstrong long olketa lida blong Jiuda olsem, “!Olketa! !Sabat de hemi tambu! ?Hao nao yufala save gohed fo duim olketa barava ravis samting olsem, mekem de ya kamap nogud?

Esikiel 24:21

wea mi mas talem long olketa blong Israel wea mi Lod Yawe nao mi tok olsem: Tambuples blong mi wea yufala lavem tumas, an yufala save fil sef insaet, an yufala filpraod long hem, bae mi letem fo hemi kamap no tambu moa. An olketa pikinini wea yufala lusim bihaen long Jerusalem, bae olketa dae evriwan long faet.

Levitikas 24:8

Evri wik, long Sabat de, prist mas putum olketa bred ya frant long mi Yawe olsem. Hem nao wanfala lo wea yufala mas obeim olowe nao.

Matiu 12:4

Long taem ya, Deved hemi go insaet long haos blong God an hemi kaikaim tambu bred ya. Bat falom tising blong Lo ya, hemi tambu fo Deved an olketa man blong hem fo olketa kaikaim diskaen bred ya, olketa prist nomoa save kaikaim.

Matiu 12:6

Mi talem long yufala, samting wea hemi bikfala moa winim disfala Tambuhaos ya, hemi stap long hia nao.