Matiu 11:22 - Pijin Bible

²² Nao mi talem yufala, long taem wea God bae hemi jajem evriwan, bae panis blong yufala hemi bikfala moa winim panis blong olketa pipol long Taea an Saedon.

Pijin Deuterocanon

²² Nao mi talem yufala, long taem wea God bae hemi jajem evriwan, bae panis blong yufala hemi bikfala moa winim panis blong olketa pipol long Taea an Saedon.

Matiu 11:22 Iomraidhean Croise

Jeremaea 25:22

an olketa king blong Taea an Saedon, an olketa king blong olketa ples raonem Mediterenian Si.

Jeremaea 27:3

Yu givim toktok blong mi long olketa mesenja hu i kam long Jerusalem fo lukim King Sedekaea blong Jiuda, mekem olketa go talemaot long olketa king blong olketa long Idom, an long Moab, an long Amon, an long Taea, an long Saedon.

Esikiel 29:18

“Man blong graon. King Nebukadnesa blong Babilonia wetem ami blong hem i goaot fo faet agensim taon long Taea. Hemi mekem olketa soldia blong hem wakahad fo karim olketa hevi samting long hed blong olketa an long solda blong olketa. Diswan hemi mekem evri hea blong olketa kamaot, an skin long solda blong olketa hemi kamaot tu. Bat fo evri hadwaka blong olketa ya, disfala king wetem evri soldia blong hem i nating winim nomoa enisamting, fo hemi olsem pei blong olketa.

Joel 3:4

“Yufala blong tufala taon long Taea an Saedon, an olketa pipol blong kantri ya Filistia. ?Waswe, yufala tingse mi duim rong samting, hem nao yufala laek fo sensimbaek kam long mi? Sapos tingting blong yufala hemi olsem, distaem nomoa bae mi sensimbaek go long yufala.

Matiu 10:15

Mi talem yufala tru samting nao, long taem wea God bae hemi jajem evriwan, bae panis blong disfala pipol hemi bikfala moa winim panis blong olketa pipol long Sodom an Gomora.”

Matiu 11:21

Nao hemi sei, “!Yufala pipol long Koresin, yufala lukaot! !Yufala pipol long Betsaeda, yufala lukaot! Olketa mirakol wea olketa bin hapen long yufala ya, sapos olketa bin hapen long olketa pipol long Taea an Saedon, ating longtaem nao olketa save sidaon wetem ravis kaleko an putum asis long bodi blong olketa, fo somaot dat olketa lusim ravis wei blong olketa nao.

Matiu 11:24

Nao mi talem yufala stret, long taem wea God bae hemi jajem evriwan, bae panis blong yufala hemi bikfala moa winim panis blong olketa long Sodom.”

Matiu 12:36

“Mi talem long yufala, taem God bae hemi jajem evriwan, bae hemi jajem yufala long enikaen toktok olobaot wea yufala bin talem.

Gudnius abaotem Jisas Kraes wea Luk hemi raetem 10:14

Bat long taem wea God bae hemi jajem evriwan, bae panis blong yufala hemi bikfala moa winim panis blong olketa pipol long Taea an Saedon.

Hibrus 2:3

Bat disfala wei wea God hemi laek fo sevem yumi long hem long distaem ya, hemi bikfala samting tumas moa. ?Waswe, sapos yumi no laek fo lisin long disfala nius ya, hao nao bae yumi save ranawe from panis ya? Masta nao hemi talemaot disfala nius ya fastaem. An olketa pipol hu i lisin long hem, olketa talemaot long yumi dat disfala toktok ya hemi tru tumas.

2 Pita 2:9

Olketa samting ya nao somaot dat olketa pipol hu i biliv long Masta, bae hemi save sevem olketa from olketa hadtaem wea i kam fo traem olketa. Bat bae hemi save panisim olketa hu i no stret, go-go kasem taem wea hemi jajem evriwan.

2 Pita 3:7

An from disfala toktok blong God tu, disfala skae an graon wea i stap distaem, tufala bae weit nomoa fo faea hemi kam an bonem tufala. Skae an graon bae weit go-go kasem taem wea God hemi jajem evri pipol an bae hemi spoelem olketa hu i no save obeim hem.

1 Jon 4:17

Lav hemi barava kamap gud long laef blong yumi, mekem bae yumi no save fraet taem God hemi jajem yumi evriwan. Bae yumi no fraet, bikos distaem wea yumi stap long disfala wol, disfala wei blong yumi hemi olsem wei blong Kraes.

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.

Revelesin 20:12

An mi lukim evri pipol hu i dae finis. Evriwan ya, nomata olketa bikman o man nating, olketa stanap long frant long bikfala tron ya. Den olketa openem disfala buk blong laef. An olketa openem olketa nara buk tu wea i talemaot olketa samting wea evriwan i bin duim kam long laef blong olketa. An God hemi jajem evriwan falom olketa samting ya.