Matiu 11:21 - Pijin Bible

²¹ Nao hemi sei, “!Yufala pipol long Koresin, yufala lukaot! !Yufala pipol long Betsaeda, yufala lukaot! Olketa mirakol wea olketa bin hapen long yufala ya, sapos olketa bin hapen long olketa pipol long Taea an Saedon, ating longtaem nao olketa save sidaon wetem ravis kaleko an putum asis long bodi blong olketa, fo somaot dat olketa lusim ravis wei blong olketa nao.

Pijin Deuterocanon

²¹ Nao hemi sei, “!Yufala pipol long Koresin, yufala lukaot! !Yufala pipol long Betsaeda, yufala lukaot! Olketa mirakol wea olketa bin hapen long yufala ya, sapos olketa bin hapen long olketa pipol long Taea an Saedon, ating longtaem nao olketa save sidaon wetem ravis kaleko an putum asis long bodi blong olketa, fo somaot dat olketa lusim ravis wei blong olketa nao.

Matiu 11:21 Iomraidhean Croise

Stori abaotem Job 42:6

So, mi les tumas long mi seleva nao, an mi sidaon insaet long asis an long dast fo somaot dat mi sensim tingting blong mi.

Joel 3:4

“Yufala blong tufala taon long Taea an Saedon, an olketa pipol blong kantri ya Filistia. ?Waswe, yufala tingse mi duim rong samting, hem nao yufala laek fo sensimbaek kam long mi? Sapos tingting blong yufala hemi olsem, distaem nomoa bae mi sensimbaek go long yufala.

Emos 1:9

Yawe hemi tok olsem, ?Bikos olketa pipol long Taea i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos taem olketa winim wanfala ples long faet, olketa tekem evri pipol long ples ya an salem olketa olsem slev go long olketa pipol blong Idom, an bikos olketa nating kipim nomoa agrimen wea olketa mekem fo fren gudfala wetem olketa pipol blong mi,

Matiu 11:22

Nao mi talem yufala, long taem wea God bae hemi jajem evriwan, bae panis blong yufala hemi bikfala moa winim panis blong olketa pipol long Taea an Saedon.

Matiu 15:21

Jisas hemi lusim ples ya, an hemi go long eria kolsap long tufala taon long Taea an Saedon.

Matiu 18:7

!Olketa pipol long disfala wol, olketa mas lukaot! Bikos olketa nao save mekem olketa pipol fo lusim biliv blong olketa. Olketa samting olsem bae hemi go-gohed ya. !Bat disfala man hu hemi mekem olketa samting ya fo hapen, hemi mas lukaot!

Matiu 26:24

Mi San Blong Man, bae mi mas dae olsem Buktambu hemi talem. !Bat disfala man wea bae hemi givim mi San Blong Man, go long olketa enemi blong mi, hemi mas lukaot! !Moabeta sapos disfala man hemi no bon!”

Gudnius abaotem Jisas Kraes wea Mak hemi raetem 3:8

an Jerusalem, an olketa ples kolsap long Idumia, an olketa ples long narasaet long riva long Jodan, an olketa ples raonem tufala taon long Taea an Saedon. Evri pipol ya olketa kam long Jisas, bikos olketa herem finis nius abaotem olketa samting wea hemi duim kam.

Gudnius abaotem Jisas Kraes wea Mak hemi raetem 6:45

Semtaem nomoa, Jisas hemi talem long olketa disaepol blong hem fo olketa mas go insaet long bot an go fastaem long hem long narasaet long leik ya long taon long Betsaeda. Bat hem seleva hemi stap go bihaen fo sendem olketa pipol ya fo gobaek long hom blong olketa.

Gudnius abaotem Jisas Kraes wea Mak hemi raetem 7:24

Bihaen moa, Jisas hemi lusim ples ya an go moa long eria kolsap long bikfala taon long Taea. Hemi go insaet long wanfala haos from hemi no laekem eniwan fo save long wea nao hemi stap, bat nomata olsem, hemi had tumas fo hemi staphaed ya.

Gudnius abaotem Jisas Kraes wea Mak hemi raetem 7:31

Nao bihaen, Jisas an olketa disaepol blong hem olketa lusim eria long taon long Taea, an olketa wakabaot go moa an kasem taon long Saedon. An olketa goraon moa an gopas long eria long Dekapolis, bifoa olketa kam kasem leik long Galili.

Gudnius abaotem Jisas Kraes wea Mak hemi raetem 8:22

Taem olketa kam kasem Betsaeda, samfala pipol olketa tekem kam long Jisas wanfala man wea ae blong hem hemi blaen. An olketa askem Jisas fo tasim man ya.

Gudnius abaotem Jisas Kraes wea Luk hemi raetem 4:26

bat God hemi no sendem Elaeja fo go long eniwan long olketa. Hemi sendem hem go nomoa long wanfala wido woman hu hemi no Jiu, wea hemi stap long taon long Serefat long eria long Saedon.

Gudnius abaotem Jisas Kraes wea Luk hemi raetem 6:17

Nao Jisas wetem olketa aposol blong hem, olketa wakabaot kamdaon from hil ya go-go olketa kasem flat ples. An long taem ya, plande long olketa disaepol blong Jisas olketa hipap kam tu. An plande nara pipol moa olketa kam from Jerusalem an from olketa nara ples long Israel an from olketa ples long saet si raonem tufala taon long Taea an Saedon.

Gudnius abaotem Jisas Kraes wea Luk hemi raetem 9:10

Taem tuelfala aposol olketa kambaek moa long Jisas, olketa gohed fo talem hem nao abaotem evrisamting wea olketa bin duim. Nao Jisas hemi laekem olketa fo go seleva wetem hem, an olketa go fo kasem taon long Betsaeda.

Gudnius abaotem Jisas Kraes wea Jon hemi raetem 1:44

Ples blong Filip nao Betsaeda, disfala taon wea Andru an Pita tufala kam long hem.

Gudnius abaotem Jisas Kraes wea Jon hemi raetem 12:21

An olketa go lukim Filip, disfala disaepol blong Jisas hu hemi kam from Betsaeda long Galili, an olketa askem hem olsem, “Bikman, mifala wande fo lukim Jisas ya.”

Aposol 12:20

Nao Herod hemi bin kros tumas wetem olketa pipol blong tufala taon long Taea an Saedon. So olketa bikman blong tufala taon ya i joen tugeta fo go lukim Herod, bikos olketa nao mas peim kaikai blong olketa long kantri wea Herod hemi rulim. Fastaem, olketa go suitim Blastas, hu hemi bos blong haos blong king, mekem hemi helpem olketa. An bihaen, olketa go askem Herod fo hemi mas no kros long olketa moa.

Aposol 27:3

Long neks de nomoa, mifala kasem taon long Saedon. An Jiulias hemi kaen tumas long Pol, so hemi letem hem fo go lukim olketa fren blong hem long ples ya, mekem olketa save helpem hem long wanem hemi nidim.

Jiud 1:11

!Sore tumas long olketa! Olketa nao falom ravis wei blong Kein bifoa. An olketa olsem Profet Balam, wea olketa gohed fo talem olketa laea bikos olketa laek fo tekem seleni tumas. An olketa go agensim God olsem Kora hemi duim long bifoa. So bae olketa kamap nogud tumas tu olsem Kora ya.

Revelesin 11:3

An insaet long 1,260 de, bae mi givim paoa fo tufala profet blong mi fo talemaot toktok blong God. An tufala bae werem kaleko blong sore.”

Revelesin 6:12

Nao mi lukim moa Smolfala Sipsip ya hemi brekem meksiks tambu mak long skrol ya. An wanfala bikfala etkuek hemi barava seksek fogud, an san hemi no saen, an evriwea hemi barava tudak, an mun hemi kamap red olsem blad.