Matiu 10:30 - Pijin Bible

³⁰ Yufala save, nomata olketa hea long hed blong yufala, God hemi save long evriwan.

Pijin Deuterocanon

³⁰ Yufala save, nomata olketa hea long hed blong yufala, God hemi save long evriwan.

Matiu 10:30 Iomraidhean Croise

2 Samuel 14:11

Oraet, woman ya hemi tok olsem, “King, yu save, long kastom blong yumi, wanfala wantok blong mi hemi redi fo kilim dae pikinini blong mi fo sensimbaek wanem hemi bin duim. Plis yu tokstrong long nem blong Yawe, God blong yumi, mekem wantok ya hemi no kilim dae pikinini blong mi.” So king hemi tok olsem, “Olsem Yawe hemi laef, mi toktru, no eniwan save tasim pikinini blong yu fo kilim hem dae.”

1 Kings 1:52

Nao king hemi tok olsem, “Sapos hemi barava sapotem mi, bae mi no letem eni trabol fo kasem hem, bat sapos hemi agensim mi, hemi mas dae.”

Gudnius abaotem Jisas Kraes wea Luk hemi raetem 12:7

Yufala save, nomata olketa hea long hed blong yufala, God hemi save long evriwan. So yufala mas no fraetem enisamting, bikos yufala nao bikfala winim go moa plande bed ya.”

Gudnius abaotem Jisas Kraes wea Luk hemi raetem 21:18

Bat nomata olsem, no eni lelebet hea long hed blong yufala nao hemi save lus.

Aposol 27:34

Distaem mi talem yufala, yufala mas kaikai nao, bikos bae yufala nidim, mekem yufala save stap laef. Yufala save, no eniwan long yufala nao bae hemi garekil. Bae yufala evriwan stapgud nomoa.”

1 Samuel 14:45

Bat wea, olketa soldia tokstrong olsem long Sol, “!Sei! !Man ya nao hemi mekem yumi fo win tude! ?Hao nao hem save dae? Mifala tok tru long nem blong Yawe hu hemi laef olsem no eniwan save kilim hem dae. Nomata wanfala smol hea long hed blong hem, no eniwan save pulumaot. Samting wea hemi mekem tude, God nao hemi helpem hem.” Long toktok ya nao, olketa soldia i sevem Jonatan mekem hemi no dae.