Matiu 10:23 - Pijin Bible

²³ Taem yufala kasem wanfala taon an olketa pipol long ples ya olketa meksave long yufala, yufala mas ranawe go long narafala taon moa. Mi talem yufala tru samting nao, mi San Blong Man, bae mi kambaek moa long taem wea yufala no finisim yet waka blong yufala long evri taon long Israel.

Pijin Deuterocanon

²³ Taem yufala kasem wanfala taon an olketa pipol long ples ya olketa meksave long yufala, yufala mas ranawe go long narafala taon moa. Mi talem yufala tru samting nao, mi San Blong Man, bae mi kambaek moa long taem wea yufala no finisim yet waka blong yufala long evri taon long Israel.

Matiu 10:23 Iomraidhean Croise

Jeremaea 26:21

Taem King Jehoeakim wetem olketa bikman blong hem an olketa soldia blong hem i herem toktok blong hem, king ya hemi laek fo kilim hem dae. Bat Yuraea hemi herem nius abaotem samting ya, nao hemi fraet, an hemi ranawe go long Ijip.

Matiu 16:27

“Bae mi San Blong Man, mi kambaek moa wetem saen blong bikfala paoa blong Dadi blong mi an wetem olketa enjel blong hem. Long taem ya, bae mi givim gudfala samting long evriwan fitim waka wea olketa bin duim.

Matiu 16:28

An mi talem yufala tru samting nao, samfala long yufala hu i stanap long hia, bifoa yufala dae, bae yufala lukim mi San Blong Man, mi kam long kingdom blong mi.”

Matiu 2:13

Taem olketa man ya olketa go finis, Josef hemi drim an hemi lukim wanfala enjel blong God. An enjel ya hemi sei long Josef, “Kolsap King Herod hemi stat fo lukaotem disfala pikinini fo kilim hem dae. So yu wetem pikinini ya an mami blong hem, yufala mas getap an ranawe go long Ijip nao. Bae yufala mas stap long Ijip ya, go-go kasem taem wea bae mi talem yufala fo goaot moa.”

Matiu 23:34

Mi talem yufala, bae mi sendem samfala profet an samfala waesman an samfala tisa long yufala. An samfala long olketa bae yufala kilim olketa dae, an samfala moa bae yufala nilam olketa long kros. An samfala moa long olketa bae yufala wipim olketa insaet long preahaos blong yufala an bae yufala ronem olketa olobaot from evri taon blong yufala.

Matiu 23:36

Mi talem yufala tru samting nao, yufala olketa pipol blong distaem nao bae God hemi panisim yufala from dae blong olketa evriwan ya.”

Matiu 24:27

Bikos taem mi San Blong Man mi kambaek, bae hemi klia olsem laetning wea hemi saen kam long skae, stat kam long saet long ist go kasem saet long west.

Matiu 24:30

Bihaen diswan nomoa, saen blong mi San Blong Man, bae hemi kamaot long skae nao. Long taem ya, bae evri pipol long disfala wol olketa krae bikfala tumas, an bae olketa lukim dat mi San Blong Man, mi kambaek antap long olketa klaod long skae wetem saen blong bikfala paoa blong God.

Matiu 24:34

An mi talem yufala tru samting nao, bae evrisamting ya hemi hapen taem olketa pipol blong distaem olketa no dae yet.

Matiu 24:48

Bat sapos hemi wanfala nogud wakaman, bae hemi tok olsem long hem seleva ya, ‘Bos blong mi hemi no save kambaek kuiktaem yet ya.’

Matiu 25:13

Nao Jisas hemi finisim tokpiksa ya olsem, “So yufala mas lukaot gudfala ya, bikos yufala nating save long barava de an taem blong olketa samting ya.”

Matiu 26:64

Nao Jisas hemi sei long hem, “Yu seleva nao yu talem olsem ya. Bat mi talem long yufala, no longtaem bae yufala lukim mi San Blong Man, wea bae mi sidaon long raetsaet blong God hu hemi garem evri paoa, an bae mi kambaek antap long olketa klaod long skae.”

Matiu 4:12

Nao taem Jisas hemi herem dat olketa putum Jon Baptaes insaet long prisin nomoa, hemi gobaek long provins long Galili nao.

Gudnius abaotem Jisas Kraes wea Mak hemi raetem 13:26

Bihaen nomoa, bae olketa save lukim dat mi San Blong Man, bae mi kambaek antap long olketa klaod long skae wetem saen blong bikfala paoa blong God.

Gudnius abaotem Jisas Kraes wea Luk hemi raetem 18:8

Mi talem long yufala, bae hemi helpem olketa fo stretem trabol blong olketa ya kuiktaem nomoa. ?Bat waswe taem mi San Blong Man mi kambaek, bae mi save lukim plande pipol hu olketa biliv long mi tu o nomoa?”

Gudnius abaotem Jisas Kraes wea Luk hemi raetem 21:27

Nao bihaen nomoa, bae olketa save lukim dat mi San Blong Man, bae mi kambaek antap long wanfala klaod wetem saen blong bikfala paoa blong God.

Gudnius abaotem Jisas Kraes wea Jon hemi raetem 7:1

Bihaen olketa samting ya, Jisas hemi no wande fo goraon insaet long provins long Jiudia nao, bikos olketa bikman blong olketa Jiu long eria ya, olketa wande fo kilim hem dae. So hemi goraon nomoa insaet long provins long Galili.

Aposol 17:10

Semtaem long naet nomoa, olketa Kristin i sendem Pol an Saelas tufala go haed long taon long Berea. An taem tufala kasem Berea, tufala go long preahaos blong olketa Jiu nao.

Aposol 17:14

So semtaem nomoa, olketa Kristin olketa sendem Pol godaon long saet si fo hemi sel go long wanfala sip. Bat Saelas an Timoti tufala stap nomoa long Berea.

Aposol 20:1

Taem bikfala trabol ya hemi finis nomoa, Pol hemi kolem olketa Kristin fo hipap kam, an hemi toktok long olketa fo mekem tingting blong olketa i stap strong moa. An bihaen, hemi sei gudbae long olketa an hemi go moa fo Masedonia.

Aposol 8:1

An Sol hemi tingse hemi gud nomoa wea olketa kilim dae Stivin. Stat long sem de wea Stivin hemi dae, olketa bikman i stat fo meksave tumas long olketa long sios long Jerusalem. An evriwan olketa ranawe go long olketa ples long Jiudia an Samaria. Olketa aposol nomoa olketa stapbaek long Jerusalem.