Matiu 10:2 - Pijin Bible

² Nem blong tuelfala aposol ya nao hemi olsem, Saemon wea mektu nem blong hem nao Pita, an brata blong hem Andru, an Jemes an Jon tufala san blong Sebedi,

Pijin Deuterocanon

² Nem blong tuelfala aposol ya nao hemi olsem, Saemon wea mektu nem blong hem nao Pita, an brata blong hem Andru, an Jemes an Jon tufala san blong Sebedi,

Matiu 10:2 Iomraidhean Croise

Matiu 17:1

Long meksiks de bihaen, Jisas hemi tekem Pita an Jemes wetem brata blong hem Jon, an olketa goap seleva long wanfala hae maonten.

Matiu 20:20

Bihaen moa, waef blong Sebedi wetem tufala san blong hem, olketa kam long Jisas. Nao woman ya hemi nildaon long frant blong Jisas, fo askem hem fo helpem hem.

Matiu 26:37

Bat Pita wetem tufala san blong Sebedi ya, Jisas hemi tekem olketa fo go wetem hem. Nao long taem ya, Jisas hemi sore bikfala tumas an tingting blong hem barava dak fogud nao.

Matiu 4:18

Taem Jisas hemi wakabaot go long saet long leik long Galili, hemi lukim tufala brata wea waka blong tufala nao fo fising. Wanfala hemi Saemon wea mektu nem blong hem nao hemi Pita, an narawan hemi brata blong hem, Andru. Tufala go-gohed fo fising wetem net long leik ya.

Matiu 4:21

Taem Jisas hemi wakabaot go, hemi lukim nara tufala brata moa. Tufala ya nao Jemes an Jon, tufala san blong Sebedi. Tufala brata ya wetem dadi blong tufala, olketa stap nomoa insaet long bot, an olketa go-gohed fo mekem gudbaek moa net blong olketa. Nao Jisas hemi kolem tufala brata ya fo kam falom hem tu.

Gudnius abaotem Jisas Kraes wea Mak hemi raetem 1:29

Taem Jisas wetem Jemes an Jon an olketa nara disaepol moa olketa kamaot long preahaos ya nomoa, olketa go stret nao long haos blong Saemon an Andru.

Gudnius abaotem Jisas Kraes wea Mak hemi raetem 13:3

Wanfala taem, Jisas hemi sidaon long hil blong Oliv tri wea olketa save luk stret kam long Tambuhaos ya. Nao Pita an Jemes an Jon an Andru olketa kam seleva long Jisas an askem hem olsem,

Gudnius abaotem Jisas Kraes wea Mak hemi raetem 6:30

Taem olketa aposol blong Jisas olketa kambaek moa long hem, olketa gohed nao fo stori abaotem evrisamting wea olketa bin duim an evrisamting wea olketa bin tisim long olketa pipol.

Gudnius abaotem Jisas Kraes wea Luk hemi raetem 11:49

Dastawe nao God wea hemi waes tumas hemi talem finis olsem, ‘Bae mi sendem kam olketa profet an olketa niusman blong mi long olketa pipol. An bae olketa kilim dae samfala long olketa, an bae olketa meksave long samfala long olketa moa.’

Gudnius abaotem Jisas Kraes wea Luk hemi raetem 22:14

Taem hemi kasem taem fo kaikai, Jisas hemi go an sidaon wetem olketa aposol blong hem nao.

Gudnius abaotem Jisas Kraes wea Luk hemi raetem 22:8

So Jisas hemi sendem go Pita an Jon, an hemi tok olsem long tufala, “Yutufala go an mekredi long kaikai fo yumi fo disfala Pasova ya.”

Gudnius abaotem Jisas Kraes wea Luk hemi raetem 5:10

An tufala san blong Sebedi, Jemes an Jon, wea tufala waka wetem Saemon, tufala tu i sapraes tumas long hem. Nao Jisas hemi tok olsem long Saemon, “Yu no fraet. Stat long distaem nao, bae yu go fo fising fo kasem pipol nomoa.”

Gudnius abaotem Jisas Kraes wea Luk hemi raetem 9:10

Taem tuelfala aposol olketa kambaek moa long Jisas, olketa gohed fo talem hem nao abaotem evrisamting wea olketa bin duim. Nao Jisas hemi laekem olketa fo go seleva wetem hem, an olketa go fo kasem taon long Betsaeda.

Gudnius abaotem Jisas Kraes wea Jon hemi raetem 12:22

Filip hemi go an talem diswan long Andru, an tufala go moa fo talem diswan long Jisas.

Gudnius abaotem Jisas Kraes wea Jon hemi raetem 13:23

Nao disfala disaepol wea Jisas hemi lavem tumas ya, hemi sidaon go kolsap long Jisas.

Gudnius abaotem Jisas Kraes wea Jon hemi raetem 20:2

So hemi ran go long Saemon Pita an disfala nara disaepol wea Jisas hemi lavem hem tumas ya an hemi talem olsem long tufala, “!Ei, olketa tekemaot bodi blong Masta from kev ya nao, an mifala nating save wea nao olketa putum hem!”

Gudnius abaotem Jisas Kraes wea Jon hemi raetem 21:2

Saemon Pita an Tomas wea olketa save kolem hem Tuin, an Nataniel from Kena long provins long Galili, an tufala san blong Sebedi, an nara tufala disaepol moa, olketa stap tugeta nao.

Gudnius abaotem Jisas Kraes wea Jon hemi raetem 21:20

Pita hemi taneraon an hemi lukim disfala disaepol wea Jisas hemi lavem hem tumas ya wea hemi falom tufala tu. Disfala disaepol ya nao hemi bin tane go long Jisas taem olketa kaikai tugeta bifoa ya, an hemi bin askem hem abaotem hu nao bae givim hem go long han blong olketa enemi.

Gudnius abaotem Jisas Kraes wea Jon hemi raetem 21:24

Disfala disaepol ya nao hemi stori abaotem evrisamting ya an hem tu hemi raetem olketa samting insaet long disfala buk ya. An mifala save dat wanem hemi talem hemi tru nao.

Gudnius abaotem Jisas Kraes wea Jon hemi raetem 6:67

So Jisas hemi askem olsem long tuelfala disaepol blong hem, “?Waswe long yufala, yufala wande fo lusim mi tu?”

Gudnius abaotem Jisas Kraes wea Jon hemi raetem 6:70

Nao Jisas hemi tok olsem long olketa, “Mi siusim yufala tuelfala man ya. Bat nomata olsem, wanfala long yufala hemi barava olsem wanfala devol stret ya.”

Gudnius abaotem Jisas Kraes wea Jon hemi raetem 6:71

Jisas hemi minim Jiudas nao ya, hu hemi san blong Saemon Iskariot. Nomata Jiudas hemi wanfala long tuelfala disaepol ya, hem nao bae hemi givim Jisas go long han blong olketa enemi blong hem.

Gudnius abaotem Jisas Kraes wea Jon hemi raetem 6:8

Narafala disaepol blong Jisas tu, Andru brata blong Saemon Pita, hemi tok olsem nao,

Aposol 1:13

Taem olketa kasem Jerusalem, olketa go stret long disfala rum antap long wanfala haos wea olketa save hipap long hem long taem ya. An olketa ya nao olsem, Pita, an Jon, an Jemes, an Andru, an Filip, an Tomas, an Batolomiu, an Matiu, an Jemes hu hemi san blong Alfeas, an Saemon wea hemi memba long seksin wea olketa wande fo raosim olketa soldia blong Rom, an Jiudas hu hemi san blong Jemes.

Aposol 1:26

Bihaen, olketa rolem spesol ston fo siusim niufala aposol. An tufala ston somaot Mataeas, so hemi kamap mektuel long olketa aposol.

Aposol 12:2

Hemi mekem olketa kilim dae wetem naef fo faet disfala Jemes brata blong Jon.

Aposol 3:1

Wanfala de, long taem blong prea long aftanun, Pita an Jon tufala goap long Tambuhaos blong God.

1 Korin 15:7

An hemi somaot hem seleva long Jemes, an bihaen moa, long olketa aposol evriwan.

Efesas 4:11

An hem nao hemi givim olketa presen long yumi, wea hemi siusim samfala fo aposol, an samfala fo profet, an samfala fo evanjelis, an samfala fo pasto, an samfala fo tisa.

Hibrus 3:1

Olketa Kristin fren blong mi wea God hemi siusim yufala finis, yufala mas putum tingting blong yufala strong long Jisas, wea God hemi sendem kam olsem Haeprist blong yumi. An hem nao wanem yumi bilivim.

1 Pita 1:1

Mi Pita, aposol blong Jisas Kraes. Mi raet go long yufala pipol blong God hu i stap olobaot olsem strensa, long olketa provins long Pontas an Galesia an Kapadosia an Esia an Bitinia.

2 Pita 1:1

Mi Saemon Pita, wakaman an aposol blong Jisas Kraes. Mi raet go long yufala wea God hemi givim disfala nambawan biliv wea mifala tu garem. Long stretfala wei blong God an Sevia blong yumi Jisas Kraes, hem nao yumi evriwan garem disfala nambawan biliv.

2 Jon 1:1

Mi lida long sios, mi raet go long yu gudfala woman wetem olketa pikinini blong yu. Mi lavem yufala tumas. Hemi no mi seleva nomoa, bat evriwan hu i save long tru toktok nao, olketa lavem yufala.

3 Jon 1:1

Mi lida long sios, mi raet go long yu Gaeas. Yu ya, yu gudfala fren blong mi wea mi barava lavem tumas.

Revelesin 1:1

Disfala buk hemi talemaot olketa samting wea hemi staphaed bifoa, bat distaem Jisas Kraes hemi somaot klia. God hemi som diswan long Jisas, mekem hemi save somaot moa long olketa wakaman blong hem. Hemi somaot olketa samting wea bae no longtaem nomoa, olketa mas hapen. Nao Kraes hemi sendem enjel blong hem fo somaot olketa samting ya long mi Jon, wea mi nao wakaman blong hem.

Revelesin 1:9

Mi Jon, mi brata blong yufala bikos yumi evriwan biliv long Jisas. Yumi evriwan fren tugeta, nomata olketa mekem yumi safa bikos yumi biliv long Jisas. Olketa bin putum mi long smolfala aelan long Patmos, bikos mi bin talemaot toktok blong God an olketa tru toktok abaotem Jisas.

Revelesin 18:20

Yufala long heven, an yufala pipol blong God, an yufala aposol, an yufala profet, yufala mas hapi tumas long disfala panis, bikos God hemi jajem woman ya from olketa samting wea hemi bin duim long yufala.

Revelesin 22:8

Mi Jon nao mi herem an lukim olketa samting ya. Nao taem mi herem an lukim nomoa olketa samting ya, mi nildaon fo wosipim enjel hu hemi som olketa samting ya long mi.