Matiu 10:16 - Pijin Bible

¹⁶ An Jisas hemi sei moa, “Yufala lisin kam fastaem, mi sendem yufala fo goaot olsem olketa sipsip wea olketa goaot long midol long olketa wael dog. So yufala mas olsem olketa snek wea olketa kleva tumas an yufala mas olsem olketa kurukuru wea olketa no save raf.

Pijin Deuterocanon

¹⁶ An Jisas hemi sei moa, “Yufala lisin kam fastaem, mi sendem yufala fo goaot olsem olketa sipsip wea olketa goaot long midol long olketa wael dog. So yufala mas olsem olketa snek wea olketa kleva tumas an yufala mas olsem olketa kurukuru wea olketa no save raf.

Matiu 10:16 Iomraidhean Croise

Jenesis 3:1

Nao long evrisamting wea Yawe God hemi mekem, snek nao hemi wanfala long olketa wea hemi kleva tumas fo mekem trik. Nao wanfala de, snek ya hemi kam an hemi askem woman ya olsem, “?Waswe. Hemi tru wea God hemi bin talem yutufala fo no kaikaim frut blong evri tri long gaden ya?”

Jenesis 3:13

Nao Yawe hemi tok long woman ya olsem, “?Waswe nao yu duim diswan?” Nao woman ya hemi tok olsem, “Bat snek ya nao hemi konem mi, dastawe nao mi kaikaim frut ya.”

Nehemaea 4:13

So mi sendem samfala pipol go long olketa ples wea waka blong wolston ya hemi no finis yet. Mi putum olketa pipol wetem famili blong olketa, an mi givimaot olketa naef fo faet, an olketa spia, an bou, mekem olketa gadem taon ya.

Jeremaea 40:16

Bat Gedalaea hemi tok olsem, “!Nomoa! !Yu no duim olsem! Olketa toktok ya abaotem Ismael hemi no tru.”

Hosia 7:11

Olketa go olobaot nao olsem smolfala pisin wea hemi isi fo trikim. Fastaem, olketa go long saot fo askem Ijip fo helpem olketa. Bihaen, olketa ran go long not fo askem Asiria fo helpem olketa.

Matiu 24:25

Hem nao mi talem yufala abaotem wanem bae hemi hapen.

Matiu 24:45

Nao Jisas hemi sei moa, “?Hu nao wakaman hu hemi waes an hemi kipim promis olowe? Hem nao disfala man wea bos blong hem hemi putum hem fo lukaftarem olketa nara wakaman, mekem hem nao hemi save givim kaikai long olketa wakaman long barava taem fo kaikai.

Matiu 25:2

Nao faefala long olketa gele ya, olketa nating garem gudfala tingting, bat nara faefala olketa garem gudfala tingting.

Matiu 25:4

Bat faefala gele hu olketa garem gudfala tingting ya, olketa tekem go olketa lam, an olketa tekem go oel long botol wetem olketa tu.

Matiu 25:9

Bat nara faefala gele ya olketa sei nao, ‘!Ei, oel wea mifala garem hemi no fitim yumi evriwan ya! Yufala go an baem oel fo yufala seleva long stoa.’

Gudnius abaotem Jisas Kraes wea Luk hemi raetem 10:3

!Yufala go nao! Bat yufala mas save dat mi sendem yufala goaot olsem olketa smolfala sipsip wea olketa goaot long midol long olketa wael dog.

Gudnius abaotem Jisas Kraes wea Luk hemi raetem 21:15

Bikos mi nao bae mi givim toktok an gudfala tingting long yufala, mekem no eniwan long olketa enemi blong yufala hemi save tok agensim toktok blong yufala o tokdaonem toktok blong yufala.

Aposol 20:29

Bikos mi save dat taem mi lusim yufala finis, bae samfala ravis pipol olketa kam an traehad fo spoelem olketa pipol long sios ya.

1 Korin 14:20

Olketa fren, yufala mas no stap olsem pikinini long save blong yufala. Nomoa. Yufala mas stap olsem bikman long save blong yufala. Bat hemi gud sapos yufala stap olsem smolfala pikinini nomoa long wei fo duim olketa ravis samting ya.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

2 Korin 11:14

Diswan hemi no samting fo sapraes long hem. Nomata Seitan, bat hemi save mekem hem seleva fo luk olsem wanfala enjel blong laet tu.

2 Korin 11:3

Bat mi wari tumas, nogud olketa lidim yufala fo gorong, mekem yufala lusim disfala wei fo stap klin an lavem Kraes tumas. Nogud hemi olsem taem snek ya hemi trikim Iv long laea blong hem.

2 Korin 8:20

Mifala traehad fo lukaftarem gud disfala bikfala koleksin, mekem no eniwan save tok nogud abaotem wei mifala lukaftarem.

Filipae 2:15

Long diskaen wei nao bae yufala save klin long ae blong God an yufala no save garem enisamting rong long yufala. Long wei ya tu bae yufala i olketa pikinini blong God wea olketa gudfala tumas, nomata yufala stap wetem olketa pipol wea wei blong olketa hemi nating stret an olketa duim olketa ravis samting. Ya, bae yufala saen go gudfala long olketa, olsem olketa sta i saen long skae,

Kolosi 1:9

Olsem, stat long taem wea mifala herem olketa samting abaotem yufala ya, mifala gohed nomoa fo prea fo yufala. Mifala gohed fo askem God wea Holi Spirit hemi mas mekem yufala fulap long gudfala tingting an gudfala save, mekem yufala savegud long wei blong God.

Kolosi 4:5

Yufala mas waes gudfala tu long wei wea yufala stap wetem olketa pipol wea olketa no biliv long Kraes. An yufala mas tingting gud evri taem yufala stori wetem olketa.

1 Tesalonaeka 2:10

Yufala save an God tu hemi save dat wei blong mifala fo helpem yufala hu i biliv, hemi klin an hemi barava stret an no enisamting hemi rong long hem.

1 Tesalonaeka 5:22

an olketa nogud samting yufala mas no falom.