Matiu 1:24 - Pijin Bible

²⁴ So bihaen long disfala drim nomoa, Josef hemi maritim Meri, an hemi duim wanem enjel blong God hemi talem long hem.

Pijin Deuterocanon

²⁴ So bihaen long disfala drim nomoa, Josef hemi maritim Meri, an hemi duim wanem enjel blong God hemi talem long hem.

Matiu 1:24 Iomraidhean Croise

Jenesis 6:22

Nao Noa hemi duim evrisamting ya nao olsem wea God hemi bin talem hem.

Jenesis 7:5

Nao Noa hemi duim evrisamting wea God hemi bin talem hem.

Eksodas 40:16

An Mosis hemi duim evrisamting ya barava olsem wea Yawe bin talem hem.

Eksodas 40:19

Nao olketa putumap bikfala kaleko ya antap long olketa frem ya, an putumap go narafala kava antap long hem moa, barava olsem wea Yawe bin talem long Mosis.

Eksodas 40:25

Hemi putum olketa lam antap long Spesol Frem ya, frant long ples wea bae Yawe hemi stap, barava olsem wea Yawe bin talem.

Eksodas 40:27

Nao hemi tekem tambu insens wea hemi garem gudfala smel, an bonem antap long olta ya barava olsem wea Yawe bin talem.

Eksodas 40:32

An evritaem eniwan long olketa hemi wande go insaet long Tambu Haostent o hemi wande go kolsap long Olta, oltaem hemi mas wasim han an lek blong hem long wata ya, barava olsem wea Yawe bin talem.

Matiu 1:23

“Wanfala yang gele hu no eni man hemi stap wetem hem yet, bae hemi babule an bae hemi bonem wanfala pikinini boe. An bae olketa kolem boe ya, Imanuel.” Disfala nem ya hemi minim, “God hemi stap wetem yumi.”

Matiu 1:25

Bat hemi nating slip wetem Meri go-go hemi bonem pikinini boe blong hem. An Josef hemi kolem pikinini ya Jisas.

Gudnius abaotem Jisas Kraes wea Jon hemi raetem 15:14

Yufala nao olketa fren blong mi ya, sapos yufala duim wanem mi talem long yufala.

Aposol 12:7

Seknomoa, wanfala enjel blong God hemi stanap insaet long prisin nao, an wanfala bikfala laet hemi saen long ples ya. Nao enjel ya hemi holem solda blong Pita fo wekapem hem, an hemi sei, “!Kuiktaem, yu getap nao!” An semtaem nomoa, tufala sen ya i brek an foldaon from han blong Pita nao.

Aposol 5:19

Bat long naet, wanfala enjel blong Masta hemi openem doa blong prisin ya an hemi lidim olketa aposol fo goaot, an hemi sei,