Malakae 3:11 - Pijin Bible

¹¹ Bae mi no letem olketa inseks fo spoelem olketa gaden blong yufala, an bae mi no letem enisamting fo mekem olketa tri blong yufala fo lusim frut blong olketa bifoa hemi redi.

Pijin Deuterocanon

¹¹ Bae mi no letem olketa inseks fo spoelem olketa gaden blong yufala, an bae mi no letem enisamting fo mekem olketa tri blong yufala fo lusim frut blong olketa bifoa hemi redi.

Malakae 3:11 Iomraidhean Croise

Jeremaea 8:13

Yawe hemi gohed fo talemaot mesij blong hem olsem, “Bae mi tekem evri gudfala samting blong olketa. Olketa grep tri an olketa fig tri blong olketa bae hemi no garem frut long hem, an olketa lif long gaden bae i kamap drae. Evrisamting wea mi bin givim long olketa, bae mi tekembaek, mekem olketa no garem enisamting.”

Hosia 2:21

Hem ya nao mesij blong mi Yawe. Long datfala taem, bae mi herem prea blong olketa pipol blong mi long Israel. An bae mi sendem kam ren fo olketa gaden blong olketa, mekem hemi garem plande kaikai, an plande waen an oel long lan ya Jesreel.

Joel 1:12

Olketa grep tri ya an olketa fig tri i dae finis. Ya, evri narafala frut tri tu i dae evriwan nao. Olketa samting wea hemi save mekem pipol hapi, hemi barava finis nao.

Joel 1:4

Fofala taem nao olketa grashopa i gohed fo kam. Olketa i plande fogud an kavaremap finis evri gaden. Olketa samting wea olketa fas grashopa i no kaikaim, samfala grashopa moa i kam an kaikaim. An olketa samting wea olketa mektu grashopa ya i no kaikaim, samfala grashopa moa i kam an kaikaim. An evri narafala samting wea hemi stap yet, olketa narafala grashopa moa i kam an barava finisim nao.

Joel 1:7

Olketa grashopa ya i spoelem finis nao olketa grep tri blong yumi, an kaikaim finis tu olketa fig tri blong yumi. Olketa kaikaim finis skin blong olketa tri ya, nao olketa waet brans nomoa i stap, bikos olketa nating garem nao eni skin long olketa.

Joel 2:20

Bae mi ronemaot disfala ami blong grashopa wea hemi kamdaon from not, fo go long drae eria long saot. Nao fas haf long olketa bae mi ronemaot go insaet long Ded Si long ist. An las haf bae mi ronemaot go insaet long Mediterenian Si long west. Bae olketa dae an smel fogud. Ya, bae mi spoelem olketa finis, bikos olketa bin mekem bikfala trabol fo yufala.

Joel 2:22

!Yufala olketa wael animol! Yufala mas no fraet. Distaem olketa gras i grou gudfala moa fo yufala kaikaim. Olketa tri i gohed moa fo garem frut. An olketa fig tri an grep tri tu i garem moa plande frut long olketa.

Joel 2:25

Mi nao mi sendem kam disfala ami long grashopa fo spoelem yufala. Bat evrisamting wea yufala lusim, wea olketa grashopa ya i spoelem, bae mi givimbaek moa long yufala.

Emos 4:9

?Mi nao bin sendem kam hot win fo kilim dae olketa gaden blong yufala, an mi bin sendem kam staka ren fo spoelem olketa grep tri long olketa plantesin blong yufala. An mi nao bin letem olketa grashopa fo kaikaim olketa fig tri an olketa oliv tri. !Bat yufala nating tingting kambaek nomoa long mi!

Habakuk 3:17

Nomata sapos yumi stap long taem blong trabol, olsem wea olketa fig tri no garem frut fo kaikaim, an olketa grep tri no garem frut fo mekem waen, an olketa oliv tri no garem frut fo mekem oel, an olketa gaden no garem kaikai, an olketa sipsip an buluka i dae evriwan,

Hagae 1:11

Mi mekem evri ples long kantri blong yufala fo kamap drae tumas. So olketa ples antap long maonten, an olketa ples fo wakem gaden, an olketa plantesin blong grep, an olketa plantesin blong olketa oliv tri, olketa evriwan i kamap drae fogud. Trabol ya hemi kasem olketa pipol an olketa animol, an hemi kasem tu evri waka blong yufala.?

Hagae 2:17

Hemi olsem bikos mi bin mekem olketa ston long aes fo foldaon long olketa gaden blong yufala, an mi bin sendem kam barava hotfala strong win fo spoelem olketa gaden blong yufala, an mi bin sendem kam tumas ren fo spoelem kaikai long olketa gaden blong yufala. Nomata olsem, yufala no tane kambaek long mi.

Sekaraea 8:12

Bae yufala save stap long piis, an olketa gaden blong yufala save grou gudfala. Olketa grep tri blong yufala bae i garem plande frut, an olketa kaikai wea yufala plantem bae i garem plande kaikai, bikos gudfala ren bae hemi kam. Oltaem bae mi blesim olketa hu i laef yet long olketa gudfala samting ya.

Diutronomi 11:14

Sapos yufala tinghevi long hem olsem, bae hemi save mekem ren kam long lan blong yufala long stret taem blong hem. Ya, gudfala ren bae hemi save kam long taem fo mekem gaden hemi redi fo plantem, an long taem fo mekem kaikai hemi grou gud. Long wei olsem bae yufala garem plande kaikai, an waen, an oel fo kuki.