Maeka 7:16 - Pijin Bible

¹⁶ Olketa pipol blong narafala kantri bae i lukim olketa mirakol ya. An nomata olketa strong distaem, bat bae olketa filsem. Bae olketa seke tumas, an bae olketa satem maos an ia blong olketa.

Pijin Deuterocanon

¹⁶ Olketa pipol blong narafala kantri bae i lukim olketa mirakol ya. An nomata olketa strong distaem, bat bae olketa filsem. Bae olketa seke tumas, an bae olketa satem maos an ia blong olketa.

Maeka 7:16 Iomraidhean Croise

Stori abaotem Job 21:5

Yutrifala tingting kam long evrisamting wea i kasem mi, an seke long hem, den satem maos blong yutrifala.

Stori abaotem Job 40:4

Yu save, mi nating fit fo tok. ?Wanem moa bae mi talem? Bae mi satem maos blong mi.

Sams 126:2

Long taem ya, yumi la-laf an singsing, bikos yumi barava hapi tumas, an olketa pipol long olketa narafala kantri i tok olsem long taem ya, “Yawe nao hemi duim olketa bikfala samting fo helpem olketa.”

Provebs 30:32

Sapos yu falom krangge wei an tokpraod, o yu plan fo duim samting nogud, yu mas stop, no tok moa.

Aesaea 26:11

!O Yawe! Yu liftimap finis han blong yu fo panisim olketa, bat olketa nating luksave nomoa. Plis yu som olketa disfala wei wea yu garem strongfala tingting fo pipol blong yu, mekem olketa wea i falom olketa nogud wei olsem i save sem. An yu mas bonem olketa long faea wea yu redim finis fo olketa enemi blong yu.

Aesaea 52:15

Bat bihaen, bae hemi mekem olketa pipol long plande kantri fo kamap klin long ae blong God, an olketa king tu bae i sapraes tumas long hem. Bikos bae olketa lukim nao wanem no eniwan bin talem long olketa yet, an bae olketa save gudfala wanem no eniwan bin herem yet.”

Aesaea 66:18

“Mi savegud finis long tingting blong olketa, an wei wea olketa gohed fo duim olketa samting. So hemi kolsap kasem taem nao fo mi mekem olketa pipol blong evri kantri an evri langguis fo kam tugeta. An taem evriwan i kam tugeta olsem, bae olketa lukim saen long bikfala paoa blong mi.

Esikiel 38:23

Long datfala wei nao, bae mi somaot long evri kantri wea mi holi an mi garem evri paoa. From samting ya nao, bae olketa jes savegud dat mi nao Yawe.”

Maeka 3:7

An sapos olketa pipol i lukim olketa samting wea yufala bin talemaot long olketa hemi no hapen, bae yufala barava sem fogud. An taem yufala lukim dat mi nating ansarem yufala, bae yufala barava filnogud tumas.”

Maeka 5:8

Bae olketa blong Israel hu i laef yet an stap long midol long olketa pipol ya i olsem laeon tu, wea hemi lukaotem animol long bus o sipsip long open ples fo kaikaim. Taem hemi faendem olketa sipsip, hemi jam wantaem go long olketa an hemi pisisim olketa, an no eniwan save sevem olketa.

Hagae 2:22

Olketa kantri wea i garem king, bae mi spoelem olketa, an bae mi finisim paoa blong olketa. Olketa kaat fo faet blong olketa, an olketa soldia wea i raed long olketa kaat ya, bae mi kilim olketa dae. Olketa hos blong olketa bae dae, an olketa soldia wea i raed long olketa hos ya bae olketa ki-kilim dae olketa wantok long ami nomoa.

Sekaraea 12:9

Long datfala de, olketa pipol blong olketa narafala kantri wea i laek fo faet agensim Jerusalem, bae mi spoelem olketa evriwan.?

Leta wea Pol hemi raetem go long sios long Rom 3:19

Yumi save finis nao, wanem Lo hemi talem hemi talem long evri pipol hu i stap andanit long Lo ya. Dastawe nao no eniwan save sei hemi no rong, bat God bae hemi jajem evriwan long disfala wol.

Revelesin 11:18

Olketa pipol blong olketa narafala kantri i kros tumas, bat hemi taem fo kros blong yu fo kam. Hemi taem fo jajem olketa pipol hu i dae finis. Hemi taem fo givim pei long olketa wakaman blong yu, olketa profet, evriwan long olketa pipol blong yu hu i tinghae long yu, nomata bikman o man nating. An hemi taem fo spoelem olketa pipol wea olketa bin spoelem wol ya.”