Maeka 6:2 - Pijin Bible

² !Lisin kam gudfala, yufala olketa bikfala maonten! !Lisin kam gudfala, yufala olketa faondesin blong disfala wol, wea yufala bin stap kam longtaem bifoa nao! Yufala lisin kam long olketa toktok wea Yawe hemi talemaot agensim olketa pipol blong hem long Israel.

Pijin Deuterocanon

² !Lisin kam gudfala, yufala olketa bikfala maonten! !Lisin kam gudfala, yufala olketa faondesin blong disfala wol, wea yufala bin stap kam longtaem bifoa nao! Yufala lisin kam long olketa toktok wea Yawe hemi talemaot agensim olketa pipol blong hem long Israel.

Maeka 6:2 Iomraidhean Croise

2 Samuel 22:16

Taem Yawe hemi tokstrong, an hemi toktok kros, olketa dipsi i kamap drae, an botom blong wol ya tu hemi soaot nao.

2 Samuel 22:8

Bikos God hemi barava kros tumas, graon long wol hemi seksek, an skae antap tu hemi tanda.

Sams 104:5

Yu bin mekem strong faondesin blong disfala wol, an bae hemi no save muv.

Provebs 8:29

Mi stap finis bifoa hemi mekem solwata fo stap long barava ples blong hem, an bifoa hemi putum mak long ples wea solwata hemi save kasem nomoa, an bifoa hemi mekem faondesin blong disfala wol.

Aesaea 1:18

Hem ya toktok blong Yawe. Hemi tok moa olsem, “!Olketa! Yufala mas kam distaem mekem yumi stretem disfala samting. Nomata sin blong yufala hemi barava had tumas fo aotem olsem blad long waet kaleko, bat mi save mekem yufala fo kamap barava klin nomoa olsem snou o hea blong sipsip wea hemi waet fogud.

Aesaea 3:13

(Profet) Distaem, Yawe hemi redi fo jajem olketa pipol hu i duim olketa samting wea hemi agensim hem.

Aesaea 43:26

Yufala kam, mekem mi kotem yufala. Yufala mas talemaot stret wea olketa wei blong yufala hemi no rong.

Aesaea 5:3

Man ya wea mi lavem tumas hemi tok olsem, “!Olketa pipol blong Jerusalem wetem olketa pipol blong Jiuda! Yufala jajem mi wetem disfala plantesin blong mi fo faendemaot hu nao hemi rong.

Jeremaea 2:9

Hem ya nao mesij blong Yawe. Hemi tok olsem, “Bae mi talemaot olketa samting wea mi holem agensim yufala olketa pipol blong mi. An bae mi talemaot tu olketa samting wea mi holem agensim olketa pikinini blong yufala, an olketa grani blong yufala tu.

Jeremaea 25:31

An noes ya bae hemi kasem evri ples long wol, bikos Yawe hemi talemaot olketa ravis samting blong evri pipol long wol, an bae hemi jajem olketa an barava finisim olketa man nogud.” Hem nao mesij blong Yawe.

Jeremaea 31:37

Ya, olsem no eniwan save mesarem skae o skelem disfala wol, mi tu bae mi no les long olketa long laen blong Israel, nomata olketa bin gohed fo mekem sin.” Hem nao mesij blong Yawe.

Hosia 12:2

(Profet) Yawe hemi jaj finis agensim olketa blong Jiuda, an bae hemi panisim olketa fo evri ravis wei blong olketa. Ya, evri nogud samting wea olketa bin duim, bae hemi sensim gobaek long olketa.

Hosia 12:3

Long bifoa, taem grani blong olketa ya Jekob wetem tuin brata blong hem Iso i stap yet insaet long bele blong mami blong tufala, hemi olsem wea tufala bin gohed fo faet. An taem Jekob hemi kamap bikfala, hemi faet wetem God.

Hosia 4:1

(Profet) !Lisin kam gudfala long Mesij blong Yawe, yufala pipol blong Israel! Yawe hemi agensim yufala hu i stap long disfala lan. Hemi tok olsem, “No eniwan long yufala hemi tru long mi, an no eniwan hemi tinghevi long mi nao. Yufala evriwan long lan ya i les fo luksave dat mi nao God.

Maeka 6:1

(Profet) !Yufala kam long kot blong Yawe an lisin kam gudfala long olketa toktok wea Yawe hemi talem agensim yufala! Yawe. Plis yu kam an talemaot olketa toktok blong yu agensim olketa pipol. Yu tokstrong, mekem olketa maonten an olketa hil save herem toktok blong yu.

Diutronomi 32:22

Kros blong mi hemi laet olsem bikfala faea wea hem save bonem evrisamting long disfala wol an godaon kasem ples blong olketa man dae. Bae hemi bonem evri gaden blong yufala, an hem save bonem andanit long olketa maonten tu.

Diutronomi 4:26

An mi barava talemaot finis long yufala, an heven an wol nao i witnes long toktok blong mi tude. Sapos yufala wakem enikaen tambu kaving olsem, bae no longtaem an yufala bae lus long datfala lan wea yufala tekova long hem bikos Yawe bae mekem plande long yufala dae.