Maeka 6:12 - Pijin Bible

¹² Oltaem nomoa olketa ris pipol long ples ya i gohed fo ravem olketa pua pipol. Yufala evriwan i pipol fo laea nomoa ya.

Pijin Deuterocanon

¹² Oltaem nomoa olketa ris pipol long ples ya i gohed fo ravem olketa pua pipol. Yufala evriwan i pipol fo laea nomoa ya.

Maeka 6:12 Iomraidhean Croise

Sams 120:2

Mi tok olsem, “Lod Yawe, plis yu sevem mi from olketa laea pipol an olketa pipol hu i save mekem trik fo spoelem mi.”

Sams 35:20

Olketa no save tok gudfala long olketa kuaet pipol, bat olketa gohed nomoa fo mekem plande laea toktok agensim olketa.

Sams 78:36

Bat olketa save laea tumas, an i no save talem eni tru samting.

Aesaea 1:23

Olketa lida blong yufala i les fo obeim toktok blong mi an olketa fren wetem olketa man fo stil. Oltaem olketa barava hapi fo tekem seleni wea olketa nogud man i nilam olketa long hem. An olketa nating helpem olketa pikinini wea mami an dadi blong olketa i lus, wetem olketa wido tu.

Aesaea 3:8

Hemi tru nao wea pipol blong Jerusalem wetem evriwan long Jiuda i duim olketa samting wea hemi barava nogud tumas agensim Yawe hu hemi hae tumas. Olketa i olsem pipol wea i drang an i foldaon finis.

Aesaea 5:7

Disfala plantesin long grep tri blong Yawe hu hemi garem evri paoa, hem nao olketa pipol blong Israel. Ya, yufala olketa pipol blong Jiuda i olsem wanfala plantesin wea hemi laekem tumas. Yawe hemi ekspektem yufala fo jajem stret olketa narafala pipol, bat yufala gohed nomoa fo kilim dae olketa pipol. Hemi ekspektem yufala fo falom stretfala wei, bat yufala gohed nomoa fo mekem olketa safa tumas.

Jeremaea 9:8

Olketa tang blong olketa i olsem poesen aro. Oltaem olketa yusim nomoa fo laea. Olketa gohed fo toktokgud long olketa wantok, bat olketa laek fo trikim olketa nomoa.

Hosia 7:1

“Mi laekem tumas fo mekem laef blong olketa pipol blong mi long Israel fo kamap gud moa, an givim olketa plande moa gudfala samting. Bat taem mi luk kam, mi lukim nomoa evri ravis wei blong olketa. Oltaem, olketa gohed fo ravem olketa seleva nomoa, an fo stilim haos blong olketa seleva, an fo stil from pipol long rod.

Hosia 7:13

“!Sore tumas long olketa! Bikos olketa les finis long mi an gohed fo agensim mi, bae mi spoelem olketa finis. Mi barava laekem tumas fo sevem olketa, bat olketa laea nomoa abaotem mi.

Emos 2:4

Yawe hemi tok olsem, ?Bikos olketa pipol long Jiuda i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos olketa les fo herem an fo obeim olketa Lo blong mi Yawe, an bikos olketa go rong from mi an wosipim olketa laea god olsem wea olketa grani blong olketa i bin duim bifoa,

Emos 6:4

!Wei blong yufala hemi nogud tumas! Yufala leidaon long olketa nambawan bed an gohed fo mekem fist olowe nomoa long mit blong olketa yangfala buluka an sipsip.

Sefenaea 1:9

Bae mi panisim evriwan wea i falom kastom blong wosip blong olketa hiden pipol. An bae mi panisim olketa hu i stil, an kilim man dae, mekem olketa fulumap haos blong masta blong olketa long staka samting.

Sefenaea 3:3

Olketa bikman blong Jerusalem i spoelem pipol blong olketa olsem olketa laeon wea i hanggre fo enisamting. An olketa jaj blong hem i duim olketa ravis samting olsem olketa wael dog wea i hanggre tumas, an kaikaim evrisamting long tudak.

Aposol 24:9

Olketa Jiu tu olketa gohed fo toktok agensim Pol, an olketa sei, “Olketa samting ya i barava truwan nao ya.”

Leta wea Pol hemi raetem go long sios long Rom 3:13

Wanem olketa talem, pipol i save dae long hem, enikaen laea nomoa hemi kam long tang blong olketa, an olketa ravis toktok olsem poesen blong snek hemi kamaot long maos blong olketa.