Maeka 5:14 - Pijin Bible

¹⁴ Bae mi brekemdaon olketa kaving blong woman god Asera wea hemi stap olobaot long kantri blong yufala, an bae mi spoelem olketa taon blong yufala.

Pijin Deuterocanon

¹⁴ Bae mi brekemdaon olketa kaving blong woman god Asera wea hemi stap olobaot long kantri blong yufala, an bae mi spoelem olketa taon blong yufala.

Maeka 5:14 Iomraidhean Croise

2 Kings 17:10

An antap long olketa hil, an andanit long olketa bikfala tri, olketa stanemap olketa tolfala tambu ston an olketa tambu kaving blong disfala woman god Asera.

Sams 149:7

Hemi duim diswan mekem yumi save spoelem olketa narafala kantri, an yumi save panisim olketa pipol blong olketa.

Sams 149:9

Ya, bae yumi save panisim olketa kantri ya olsem wea God hemi bin talem. Hem nao wei wea Yawe hemi onarem yumi hu i tinghevi long hem. !Yumi preisim Yawe!

Eksodas 34:13

Bat wanem yufala mas duim, yufala mas brekemdaon olketa olta blong olketa, an spoelem olketa longfala tambu ston, an katemdaon olketa tambu kaving blong Astarot, disfala woman god blong olketa.

Aesaea 17:8

Bae olketa no trastem moa olketa samting wea olketa seleva i wakem long han blong olketa. An bae olketa no tingim moa olketa olta wea olketa wakem, an olketa kaving long woman god ya Asera, wetem olketa olta fo bonem insens long hem.

Aesaea 27:9

Sapos yumi laekem God fo fogivim sin blong yumi pipol long laen blong Jekob, yumi mas brekemdaon olketa ston long olketa olta blong olketa narafala god ya an pisisim olketa go-go hemi olsem dast nomoa. An bae no eni kaving long woman god ya Asera o eni olta blong insens hemi stap long ples ya.

Jeremaea 12:17

Sapos olketa duim olsem, olketa save kamap pat long spesol pipol blong mi. Bat sapos olketa les fo lisin an no obeim mi, bae mi barava aotem olketa an spoelem olketa finis.” Hem nao mesij blong Yawe.

Lamentesin 2:2

Evri haos long olketa vilij long Jiuda, Masta ya hemi no sore long olketa. Hemi kros tumas an brekemdaon evri strongfala sefples fo haed long lan ya. Hemi spoelem finis kantri ya wetem evri bikman, mekem olketa pipol i sem fogud.

Neiham 1:14

Yawe nao hemi tok olsem agensim olketa pipol blong Nineve, “Bae yufala no garem pikinini fo kipim nem blong yufala. Olketa kaving wea i stap long olketa tambuhaos blong yufala ya, bae mi spoelem evriwan. Bae mi digim grev fo yufala, bikos hemi no fitim nao fo yufala laef.”