Maeka 5:1 - Pijin Bible

¹ !Olketa pipol blong Jerusalem! !Yumi mas kolem kam tugeta olketa soldia blong yumi! !Distaem olketa enemi i raonem yumi finis! !Olketa gohed fo mekem king blong yumi fo safa, an mekem hem barava sem fogud!

Pijin Deuterocanon

¹ !Olketa pipol blong Jerusalem! !Yumi mas kolem kam tugeta olketa soldia blong yumi! !Distaem olketa enemi i raonem yumi finis! !Olketa gohed fo mekem king blong yumi fo safa, an mekem hem barava sem fogud!

Maeka 5:1 Iomraidhean Croise

Jenesis 35:19

Hem nao wei wea Resel hemi dae. An olketa berem hem saet long rod wea i go long ples wea olketa kolem Efrat, wea distaem olketa kolem Betlehem.

Jenesis 49:10

Wanfala long olketa wea bae hemi bon kam bihaen long yu bae hemi kamap king, an olketa wea bae i bon kam bihaen long hem, oltaem bae olketa holem paoa fo king. An olketa ya nomoa bae olketa gohed fo kamap king, go-go paoa ya hemi go long wanfala man wea hemi garem raet fo holem disfala paoa ya, nao evri pipol bae i obeim hem.

1 Kings 22:24

Den Profet Sedekaea hemi go kolsap long Maekaea, an hitim hem long fes. An hemi tok olsem, “?Hao nao spirit from Yawe hemi lusim mi fo go toktok long yu?”

2 Kings 24:2

Nao Yawe hemi sendem ami blong Babilonia, an ami blong Siria, an ami blong Moab, an ami blong Amon fo go faetem King Jehoeakim. Olketa ami ya i kam fo spoelem Jiuda falom Mesij blong Yawe wea olketa profet blong hem i bin talem bifoa.

Stori abaotem Job 16:10

Olketa pipol i tokspoelem mi, an olketa hipap kam raonem mi an slapem fes blong mi.

Provebs 8:23

Bifoa, bifoa kam, hemi mekem mi bifoa long stat blong evrisamting long wol.

Aesaea 10:6

Bae mi sendem olketa kam fo faetem yufala, bikos yufala les long mi. Bae mi letem olketa panisim yufala, bikos yufala mekem mi kros tumas. An bae olketa kam fo spoelem ples blong yufala, an fo stilim evrisamting blong yufala. An bae olketa step long yufala, olsem wea man hemi step nomoa long mad falom rod.

Aesaea 33:22

Yawe nao hemi king blong yumi an hemi jajem yumi long olketa stretfala wei blong hem. Hemi tisim yumi long olketa lo blong hem an hem nao hemi sevem yumi.

Aesaea 8:9

!Lisin kam gudfala, yufala pipol blong narafala kantri! !Redim yufala seleva fo faet! Bat Yawe bae hemi barava spoelem yufala.

Aesaea 9:5

Ya, mifala hapi tumas bikos olketa but blong olketa soldia wetem olketa kaleko blong olketa wea blad hemi stap long hem, bae i barava bone long faea olsem faeawud.

Jeremaea 25:9

bae mi mekem olketa pipol blong olketa kantri long not wetem wakaman blong mi King Nebukadnesa blong Babilonia, fo kam faet agensim disfala lan long Jiuda wetem evri pipol wea i stap long hem, an agensim tu pipol blong olketa kantri wea i stap raonem yufala. Bae mi spoelem olketa ya fogud fo evritaem olowe. An evri pipol hu i gotru long olketa lan ya bae i tokspoelem hem. Bae i seke fogud an toknogud long hem.

Jeremaea 4:7

(Profet) Distaem olketa enemi i kamaot from ples blong olketa, olsem laeon wea hemi kamaot from ples blong hem fo haed. Enemi ya hemi kam fo spoelem lan blong yumi. Bae hemi spoelem evri taon blong yumi, an no eniwan nao save stap long hem.

Lamentesin 3:30

Sapos pipol laek fo hitim hem long fes, hemi mas no trae fo stopem olketa. Hemi gud nomoa fo hemi letem olketa fo mekful long hem.

Esikiel 21:32

Bae faea hemi bonem yu fogud. An blad blong yu bae hemi ran insaet long kantri blong yu, an no eniwan bae hemi no tingim yu moa enitaem. Mi Yawe nao mi tok.”

Esikiel 24:2

“Man blong graon. Yu makem namba blong disfala de, bikos tude, king blong Babilonia wetem olketa soldia blong hem i kasem Jerusalem nao, an hipap raonem fo faet agensim.

Daniel 9:25

Yu mas save gud long diswan: Stat long taem wea disfala toktok hemi kamaot from profet abaotem taem fo bildimbaek moa Jerusalem, go-go kasem taem wea bae disfala man hu God hemi siusim hemi kamap, bae hemi kasem sevenfala seven yia (hem nao 49 yia). An long datfala taem, wea bae olketa bildimbaek moa Jerusalem, wetem olketa rod blong hem, an olketa strongfala sefples, bae hemi kasem siksti-tufala seven yia (hem nao 434 yia). Bat plande trabol bae hemi kamap.

Joel 3:9

(Profet) !Yufala long evri kantri! !Redim yufala seleva fo faet! Kolem evri soldia blong yufala fo kam tugeta an redi fo faet.

Emos 2:3

Bae mi kilim dae king blong olketa wetem evri bikman blong olketa.? Hem nao toktok blong Yawe.

Habakuk 1:6

Bae mi givim paoa long olketa blong Babilonia. Wei blong olketa ya nao hemi fo mekem narafala pipol i safa tumas. Olketa go kuiktaem long evri ples fo faet an tekova long lan blong olketa narafala pipol.

Habakuk 3:16

Taem mi herem evrisamting ya, mi fraet fogud. Bodi blong mi hemi seksek fogud, an lek blong mi hemi wik tumas, an mi no save wakabaot stret nao. Bat bae mi gohed fo stap kuaet, an weit nomoa fo datfala taem wea bae God hemi panisim olketa hu i kam fo faet agensim yumi.

Matiu 26:67

Bihaen, olketa stat fo spit long fes blong hem an fo ki-kilim hem moa. An samfala man olketa hitim hem long fes blong hem,

Matiu 27:30

An olketa soldia olketa spit long hem, an olketa tekem disfala stik an olketa hitim hed blong hem wetem.

Matiu 5:39

Bat mi ya, mi talem long yufala, yufala mas no sensimbaek wanem nara man hemi duim nogud long yufala. Sapos eniwan hemi hitim yu long raetsaet long fes, yu tanem go narasaet fo hemi hitim moa.

Gudnius abaotem Jisas Kraes wea Jon hemi raetem 18:22

Taem Jisas hemi tok olsem, wanfala long olketa man hu i sekiuriti ya, hemi kam hitim hem an hemi tok olsem nao, “!Ei! ?Waswe nao yu tok olsem long Haeprist?”

Gudnius abaotem Jisas Kraes wea Jon hemi raetem 19:3

An olketa kam long hem an olketa tok olsem, “!Yu nao King blong olketa Jiu!” An olketa gohed fo hitim hem tu.

Aposol 23:2

Long taem ya, disfala Haeprist Ananaeas hemi talem olketa man hu i stanap kolsap long Pol, fo olketa slapem fes blong hem.

2 Korin 11:20

Hemi tru, yufala hapi nomoa long olketa, nomata olketa pusum yufala olobaot o ravem yufala o trikim yufala o lukdaon long yufala o tokspoelem yufala.

Diutronomi 28:49

An bae hemi mekem ami blong wanfala narafala kantri i kam fo faetem yufala. Ples blong olketa hemi stap narasaet long wol, an yufala no save long langguis blong olketa. Bae olketa kam kasem yufala olsem wanfala igol hemi save flae kamdaon.

Diutronomi 33:27

Yufala save stap sef long God hu hemi stap olowe. Oltaem nomoa, hemi gohed fo holem yufala long han blong hem. Long taem wea hemi talem yufala fo spoelem enemi blong yufala, bae hemi ronemaot olketa.

Jajis 17:7

Oraet, wanfala yangman from traeb blong Livae, hemi stap long Betlehem long lan blong traeb blong Jiuda, bat hemi no man blong datfala ples.