Maeka 4:11 - Pijin Bible

¹¹ (Profet) Distaem, olketa pipol long plande kantri i hipap kam fo faet agensim yufala. Olketa gohed fo toktok olsem, “!Yumi mas spoelem Jerusalem, an mekravis long hem! !Bae yumi hapi tumas taem yumi lukim dat taon ya hemi kamap barava nogud tumas!”

Pijin Deuterocanon

¹¹ (Profet) Distaem, olketa pipol long plande kantri i hipap kam fo faet agensim yufala. Olketa gohed fo toktok olsem, “!Yumi mas spoelem Jerusalem, an mekravis long hem! !Bae yumi hapi tumas taem yumi lukim dat taon ya hemi kamap barava nogud tumas!”

Maeka 4:11 Iomraidhean Croise

Sams 129:5

Hemi gud tumas sapos yu ronemaot evriwan hu i heitem Saeon, fo mekem olketa sem fogud.

Sams 83:5

Olketa wanmaen nao long plan blong olketa, an i joen tugeta nao fo agensim yu.

Aesaea 10:7

Bat tingting blong king long Asiria, hemi no olsem. Hemi laekem nomoa fo spoelem olketa pipol blong plande narafala kantri.

Aesaea 17:12

(Profet) !Maekrangge! Olketa pipol blong olketa narafala kantri i olsem olketa bikfala wev wea hemi brek antap long rif long taem blong saekloun.

Aesaea 29:7

An fo evri narafala kantri wea i faet agensim yufala insaet long strongfala sefples ya long Jerusalem bae hemi olsem nomoa wanfala drim. Ya, fo evri narafala kantri ya bae hemi olsem nomoa drim wea man hemi lukim long naet bat hemi lus nomoa.

Jeremaea 52:4

So, long meknaen yia wea King Sedekaea hemi king long Jiuda, long mekten mans long mekten de blong hem, King Nebukadnesa blong Babilonia wetem ami blong hem i kam fo faet agensim Jerusalem. Olketa ya i kam stap aotsaet long Jerusalem, an olketa hipimap graon raonem bikfala wolston blong hem, mekem olketa haed bihaenem fo faet.

Esikiel 26:3

“Dastawe nao mi Lod Yawe, mi tok olsem: !Yufala long Taea! Mi nao mi agensim yufala. Bae mi letem plande narafala kantri fo faet agensim yufala, olsem olketa bikfala wev from si i kavarem yufala.

Esikiel 38:17

“Lod Yawe nao hemi tok olsem: Bifoa kam, olketa profet hu i wakaman blong mi bin gohed fo talemaot profesi abaotem yu. Ya, olketa bin gohed fo talem dat bae yu kam fo faet agensim olketa pipol blong mi.”

Obadaea 1:12

“Long taem ya wea olketa brata blong yufala i stap long trabol, yufala nao bin lukdaonem olketa. Long taem ya wea olketa enemi i spoelem olketa pipol blong Jiuda, yufala nao bin filhapi. Long taem ya wea olketa pipol blong mi i filnogud finis, yufala nao bin tokpraod. Long taem ya wea olketa stap long trabol, yufala nao bin kam insaet long taon ya. Long taem ya wea olketa enemi i spoelem olketa, yufala nao bin tekem olketa risis blong olketa fo yufala seleva. Long taem ya wea olketa stap long trabol, yufala nao bin weitem olketa long ples wea rod hemi joen fo kasholem olketa hu i laek fo ranawe. Long taem ya wea olketa stap long trabol, yufala nao bin givim go olketa brata blong yufala long olketa enemi blong olketa. !Disfala wei ya, hemi barava nogud tumas an hemi nating fitim fo yufala duim!”

Maeka 7:10

Long datfala taem, bae olketa enemi i lukim olketa samting ya, an bae olketa sem fogud. Olketa i sem bikos long bifoa, olketa bin mekfan olsem long yumi, “?Wea nao Yawe, disfala God blong yufala?” Bae yumi lukim dat Yawe hemi winim olketa an step long olketa, olsem wea man hemi wakabaot insaet mad long rod.

Sekaraea 12:3

Bat long datfala de, taem evri kantri long disfala wol i joen tugeta fo kam faet agensim Jerusalem, bae mi mekem Jerusalem fo kamap olsem wanfala barava hevi ston. Sapos eniwan long olketa hemi trae fo muvum, bae hemi garekil nogud.