Maeka 2:4 - Pijin Bible

⁴ Bihaen datfala long taem, bae olketa pipol i gohed fo mekfan long yufala from bikfala trabol ya wea hemi kasem yufala. An bae olketa mekem wanfala singsing fo mekfan long disfala trabol blong yufala. Bae olketa singsing olsem, “!Ooo! !Distaem yumi evriwan i barava nogud tumas nao! Yawe hemi letem olketa enemi fo tekova long lan blong yumi.”

Pijin Deuterocanon

⁴ Bihaen datfala long taem, bae olketa pipol i gohed fo mekfan long yufala from bikfala trabol ya wea hemi kasem yufala. An bae olketa mekem wanfala singsing fo mekfan long disfala trabol blong yufala. Bae olketa singsing olsem, “!Ooo! !Distaem yumi evriwan i barava nogud tumas nao! Yawe hemi letem olketa enemi fo tekova long lan blong yumi.”

Maeka 2:4 Iomraidhean Croise

2 Samuel 1:17

Oraet, Deved hemi mekem wanfala krae singsing abaotem King Sol an san blong hem Jonatan.

2 Kronikols 35:25

Long datfala taem, Profet Jeremaea hemi mekem samfala singsing fo sore long dae blong Josaea. Stat long datfala taem, olketa singim olketa singsing ya taem olketa sore long Josaea. An olketa singsing ya i kamap olketa kastom singsing blong Israel. Olketa bin raetemdaon long Buk blong Olketa Singsing fo Sore.

Stori abaotem Job 27:1

Job hemi tok moa olsem,

Aesaea 14:4

An long taem ya tu, bae yumi save tokspoelem king ya blong Babilonia. Yumi tok olsem, “!King! !Wei blong yu fo mekem mifala safa hemi finis nao! !Bikfala kros blong yu tu hemi finis nao!

Aesaea 24:3

Ya, disfala wol bae hemi kamap barava nogud tumas, an bae no enisamting nao hemi stap long hem. Yawe nao hemi talem diswan, an bae hemi mas hapen.

Aesaea 6:11

Mi askem hem, “?Masta, hao long nao bae hemi stap olsem?” An hemi sei, “Bae hemi stap olsem go-go kasem taem wea olketa taon long Israel i emti an nogud tumas. Ya, bae hemi stap olsem go-go kasem taem wea lan blong yufala hemi nogud tumas

Jeremaea 14:18

Sapos mi goaot long bus, mi lukim bodi blong olketa hu i dae long taem blong faet. An sapos mi go insaet long olketa taon ya, mi lukim olketa pipol hu i dae nao long hanggre. Olketa profet an olketa prist i gohed fo talemaot profesi blong olketa, bat olketa kanduit save wanem nao olketa duim.”

Jeremaea 4:13

(Profet) !Yufala lukim! Olketa enemi ya hemi olsem disfala strong win wea hemi kam wetem bikfala klaod. Olketa kaat fo faet blong olketa i kam olsem saekloun stret, an olketa hos blong olketa i gohed fo ran kuiktaem tumas winim olketa igol. Bae yufala kraeaot olsem, “!Man! !Yumi dae finis nao!”

Jeremaea 6:12

Taem mi panisim olketa hu i stap long disfala lan, bae mi givim olketa haos blong olketa wetem olketa gaden blong olketa, an olketa waef blong olketa go long olketa enemi.

Jeremaea 8:10

Dastawe nao bae mi givim waef blong olketa go long narafala man, an bae mi givim graon blong olketa go long olketa niufala ona. Nomata man hemi garem biknem o nomoa, olketa i semsem nomoa. Evriwan blong olketa i gridi fo winim seleni. Ya, nomata profet o prist, olketa toklaea tumas an trae fo ravem olketa pipol.

Jeremaea 9:10

Bae mi sore long olketa maonten, an mi krae fo olketa open eria wea hemi bin garem gras long hem, bikos olketa evriwan i drae finis, an hemi emti fogud. No eniwan hemi gotru long olketa ples ya. No eni buluka hemi stap long hem, An evri bed an evri wael animol tu i lus finis.

Jeremaea 9:16

Bae mi ronemaot olketa fo go stap olobaot long olketa narafala kantri, wea olketa wetem olketa grani blong olketa bifoa, no save long olketa ples. An bae mi sendem olketa enemi fo faet agensim olketa, go-go mi spoelem olketa finis.”

Esikiel 16:44

Yawe hemi gohed fo tok olsem, “Jerusalem, olketa hu i laek fo yusim olketa waes toktok, bae i tokabaotem yu an sei, ‘Gele ya hemi barava olsem nao mami blong hem.’

Esikiel 2:10

Hemi openem buk ya frant long mi, an mi lukim dat olketa bin raetem toktok long evri ples long tufala saet blong pepa ya. Mi lukim olketa krae singsing blong olketa pipol hu i sore an krae fogud.

Joel 1:13

(Profet) Yufala olketa prist hu i mekem olketa sakrifaes long olta, yufala mas tekemaot olketa spesol kaleko blong prist an werem olketa ravis kaleko fo somaot dat yufala sore tumas. Yufala go long Tambuhaos an krae go-go kasem delaet, bikos no eni kaikai o waen nao hemi stap fo tekem go olsem ofaring long God blong yumi.

Joel 1:8

Yufala evriwan mas sore an krae, olsem wea wanfala gele hemi krae long dae blong boe wea olketa mektambu long tufala fo marit.

Emos 5:1

(Profet) !Olketa pipol blong Israel! Yufala mas lisin gudfala long disfala singsing wea mi singim fo olsem krae blong mi long dae blong yufala. Disfala singsing hemi olsem:

Maeka 1:15

!Olketa pipol blong taon long Maresa! Bae no longtaem Yawe hemi letem olketa enemi blong yumi fo kam tekova long taon blong yufala. An olketa barava bikman blong yumi bae i ranawe go haed insaet long olketa kev kolsap long taon long Adulam.

Maeka 1:8

(Profet) Olketa samting ya wea mi herem, bae hemi mekem mi fo sore an krae. An bae mi tekemaot kaleko blong mi an sandol blong mi, an wakabaot olsem man wea hemi gohed fo sore an krae fo man dae. Bae mi gohed fo krae bikfala olsem wael dog, an krae nogud olsem aol.

Maeka 2:10

!So yufala mas go nao! Stat long distaem, disfala lan hemi no hom blong yufala moa. Yufala mekravis finis long lan ya. Ya, wei blong yufala fo sin olowe hemi spoelem disfala lan finis, an hemi nating save gudbaek moa.”

Habakuk 2:6

(Profet) Olketa pipol blong evri kantri wea Babilonia hemi winim long faet, bae i tingdaonem olketa blong Babilonia an tokspoelem olketa. Bae olketa tok olsem, ?!Sore tumas long yufala hu i gohed fo tekem staka samting wea i no blong yufala! ?Hao long nao bae yufala gohed fo fosim olketa narafala pipol fo givim bikfala seleni long yufala, mekem yufala save kamap ris??

Sefenaea 1:2

Profet Sefenaea hemi talemaot dat Yawe hemi tok olsem, ?Evrisamting long disfala wol, bae mi finisim.

Nambas 23:18

Den hemi talemaot toktok olsem, “Sif Balak, herem gud. San blong Sipoa, lisin kam gudfala long toktok blong mi.

Nambas 23:7

Den hemi talemaot toktok olsem, “Sif Balak, hemi tekem mi from Aram fo kam long hia. Hemi talem mi fo singaotem trabol long laen blong Jekob. Paramaon sif blong Moab, hemi tekem mi kam from olketa maonten long ist. Hem talem mi fo tokspoelem pipol blong Israel.

Nambas 24:15

“Diswan nao hemi toktok blong mi Balam, san blong Beo. Mi talemaot nao profesi wea mi lukim long ae blong mi.

Nambas 24:3

an talemaot toktok olsem, “Diswan nao hemi toktok blong mi Balam, san blong Beo. Mi talemaot nao profesi wea mi lukim long ae blong mi.

Gudnius abaotem Jisas Kraes wea Mak hemi raetem 12:12

Nao olketa lida blong olketa pipol blong Jiu olketa wande fo kasholem Jisas, bikos olketa luksave dat toktok blong hem ya i barava agensim olketa stret. Bat olketa fraet nomoa long olketa pipol ya, so olketa lusim hem an go nomoa.

Diutronomi 28:29

Long midol long de, bae yufala pusum han hemi go olobaot olsem blaen man, an bae yufala no save faendem rod wea yufala wande go long hem. An evrisamting wea yufala duim bae hemi nogud. Olowe nomoa, olketa enemi blong yufala bae i mekful long yufala, an ravem yufala, an no eniwan save sevem yufala.