Maeka 2:3 - Pijin Bible

³ Hem nao Yawe hemi tok olsem, “Mi planem nao fo mekem bikfala trabol fo kasem yufala, an bae yufala no garem eni wei fo ranawe. Bae disfala trabol hemi mekem yufala fo no save haemapem yufala seleva olsem yufala duim distaem.”

Pijin Deuterocanon

³ Hem nao Yawe hemi tok olsem, “Mi planem nao fo mekem bikfala trabol fo kasem yufala, an bae yufala no garem eni wei fo ranawe. Bae disfala trabol hemi mekem yufala fo no save haemapem yufala seleva olsem yufala duim distaem.”

Maeka 2:3 Iomraidhean Croise

Aesaea 29:20

Bat olketa pipol hu i mekem olketa narafala pipol safa, bae Yawe hemi spoelem olketa finis. Ya, olketa hu i tokspoelem olketa stretfala wei, bae olketa lus finis. An olketa hu i gohed fo duim olketa nogud samting,

Aesaea 3:16

Yawe hemi gohed fo tok olsem, “!Olketa woman blong Jerusalem i barava praod tumas! Olketa wakabaot an liftimap fes blong olketa an olketa suingim bodi blong olketa an gohed fo satae go long olketa man an olketa taengem olketa samting long lek blong olketa fo hemi meknoes, mekem olketa man i lukluk long olketa.

Aesaea 5:19

Yufala gohed fo mekfan an tok olsem, “Holi God blong yumi long Israel mas duim kuiktaem olketa samting wea hemi promis fo duim mekem yumi save lukim. Ya, hemi mas mekem olketa plan blong hem fo kamtru mekem yumi save long hem.”

Jeremaea 18:11

“Oraet. Jeremaea, yu go long olketa pipol hu i stap long Jerusalem an olketa narafala ples long Jiuda, an yu talem long olketa olsem, ‘Yawe nao hemi tok olsem: !Olketa! Distaem mi gohed fo mekem plan fo panisim yufala nogud. Evriwan long yufala mas lusim olketa ravis wei blong yufala, an yufala mas stat fo falom olketa stretfala wei an duim olketa gudfala samting.’

Jeremaea 27:12

Mi go talemaot sem toktok long King Sedekaea hu hemi king blong Jiuda. Mi tok olsem, “King. Yufala mas wiling fo stap andanit long paoa blong king blong Babilonia wetem olketa pipol blong hem, olsem buluka hemi letem ona blong hem fo putum pis timba wetem strap long nek blong hem fo mekem hemi waka, an yufala mas gohed fo waka fo olketa. Sapos yufala duim olsem, bae yufala save stap laef.

Jeremaea 34:17

“Dastawe nao mi Yawe, mi tok olsem: Yufala les fo obeim mi. Yufala les fo letem olketa wantok blong yufala fo go fri. Oraet, distaem bae mi letem yufala evriwan fo go fri. Bae mi letem yufala go fri fo dae long faet, o fo dae long bikfala sik, o fo dae long taem blong hanggre. Bae mi barava mekful long yufala, mekem pipol long olketa narafala kantri long wol i seke fogud long yufala.

Jeremaea 36:23

Taem Jehudi hemi ridim tu-tri pej, king hemi tekem smolfala naef an katemaot olketa pej ya, nao hemi torowem go long faea. Hemi gohed fo duim olsem go-go hemi bonem buk ya finis.

Jeremaea 43:2

Asaraea, san blong Hosaea, an Johanan, san blong Karea, wetem olketa narafala bikhed man wea i stap long ples ya, olketa tok olsem long hem, “!Yu laea nao ya! Yawe hemi no sendem yu kam fo talemaot olketa toktok ya, ‘Yufala mas no go long Ijip fo stap long dea.’

Jeremaea 8:3

An eniwan long disfala ravis pipol blong Jiuda hu i laef yet, bae mi fosim olketa fo lusim disfala lan blong olketa an stap long narafala ples. Bae olketa ya i tingting wea hemi moabeta fo olketa dae nao.” Hem nao mesij blong Yawe, hu hemi garem evri paoa.

Lamentesin 1:14

“Masta blong mi, hemi tekem olketa sin blong mi, an putum evriwan tugeta. Olketa i olsem hevi samting wea hemi putum long solda blong mi, mekem mi barava wik tumas. Hemi putum mi long han blong olketa enemi wea mi no strong fo faet agensim olketa.

Lamentesin 2:17

Yawe hemi duim evrisamting hemi bin planem. Ya, hemi mekem olketa samting fo kamap, wea hemi talemaot longtaem bifoa. Hemi spoelem yu finis, an hemi no sore long yu nomoa. Hemi mekem paoa blong enemi fo kamap bikfala, mekem olketa save hapi tumas fo winim yu.

Lamentesin 5:5

Olketa enemi gohed fo mekful long mifala, mekem mifala i taet tumas, an no save res.

Daniel 4:37

“An distaem, mi preisim God, hu hemi king long heven, an mi tinghae long hem. Evrisamting wea hemi duim, hemi gud an stret fogud. An hemi save mekem eniwan hu hemi praod fo kamdaon lou.”

Emos 2:14

Long datfala De , wea bae mi jajem olketa pipol, nomata olketa barava strong bae i no save strong moa, an olketa strongman bae i no fitim fo sevem laef blong olketa seleva tu. Olketa man fo sut long bou bae olketa fraet an trae fo haed, an olketa soldia hu i save ran kuiktaem tumas bae i no save ranawe. Nomata olketa man hu i raed long olketa hos, bae i no save sevem laef blong olketa seleva nao. An nomata olketa nambawan man fo faet, bae i fraet fogud an ranawe nomoa from evrisamting blong olketa fo faet.? Hem nao mesij blong Yawe.

Emos 3:1

Yawe hemi tok moa olsem, ?!Olketa pipol blong Israel! Yufala mas lisin gudfala long olketa toktok wea mi Yawe mi talem agensim yufala. Ya, hemi agensim yufala evriwan long laen blong olketa olo blong yufala, wea mi bin lidim fo kamaot from Ijip.

Emos 3:2

Long evri pipol long wol, yufala nomoa mi bin siusim fo kamap olketa pipol blong mi. Bat bikos yufala sin tumas agensim mi, bae mi barava panisim yufala.?

Emos 5:13

Ya, long taem olsem diswan wea olketa ravis pipol i spoelem narafala pipol olsem yufala ya duim, man hu hemi laek fo talem tru samting long kot, hemi sud stap kuaet nomoa.

Maeka 2:1

(Profet) !Sore tumas long yufala hu i mekem nomoa olketa ravis plan taem yufala leidaon yet long bed! An long moning, yufala gohed fo duim nao olketa nogud plan blong yufala.

Leta wea Pol hemi raetem go long sios long Rom 16:4

Tufala kolsap dae from tufala wakahad fo helpem mi, an mi hapi tumas long tufala. An olketa sios blong olketa pipol hu i no Jiu olketa talem tengkiu long tufala tu.

Efesas 5:16

Distaem ya, wei blong nogud ya hemi garem paoa, so yufala mas yusim gud evri lelebet taem fo duim olketa gudfala samting.

Diutronomi 28:48

oraet, bae yufala hanggre, an yufala barava dae fo wata, an yufala neket an sot long evrisamting. Hemi olsem bikos yufala bae mas duim waka blong olketa enemi blong yufala wea Yawe nao hemi sendem kam long yufala. Yawe bae hemi mekem yufala barava wakahad tumas go-go yufala evriwan i dae.

Jemes 2:13

Sapos yufala no sore an kaen long eniwan, God bae hemi no sore an kaen long yufala tu. Bat man hu hemi save sore an kaen long olketa nara pipol, hemi no nid fo fraetem panis blong God.