Maeka 1:9 - Pijin Bible

⁹ Disfala panis wea hemi kasem olketa pipol blong Samaria hemi olsem soa long bodi wea hemi nating save gudbaek moa. An disfala semkaen samting hemi kasem yumi finis long Jiuda. Ya, disfala panis hemi kasem tu olketa geit blong Jerusalem, bikfala taon ya blong pipol blong mi.

Pijin Deuterocanon

⁹ Disfala panis wea hemi kasem olketa pipol blong Samaria hemi olsem soa long bodi wea hemi nating save gudbaek moa. An disfala semkaen samting hemi kasem yumi finis long Jiuda. Ya, disfala panis hemi kasem tu olketa geit blong Jerusalem, bikfala taon ya blong pipol blong mi.

Maeka 1:9 Iomraidhean Croise

Aesaea 3:26

So evriwan long taon blong yufala hu i laef yet bae i sore an krae, bikos bikfala taon ya bae hemi kamap olsem wanfala woman wea olketa tekem evrisamting blong hem.

Aesaea 36:1

Long mekfotin yia wea King Hesekaea hemi rul ovarem Jiuda, King Senakerib blong Asiria wetem ami blong hem i kam long Jiuda. Olketa faet agensim olketa taon long kantri ya wea i garem wolston raonem, an olketa tekova long olketa taon ya.

Aesaea 36:2

King Senakerib hemi stap yet long taon long Lakis, an hemi sendem komanda blong hem wetem plande soldia fo go long Jerusalem wea King Hesekaea hemi stap long hem. Komanda ya wetem olketa soldia blong hem i kam an stap long rod wea hemi go long ples wea olketa save wasim kaleko. Olketa stanap kolsap long ples wea wata hemi ran goaot long disfala pul long wata wea hemi antap.

Jeremaea 15:18

?Waswe nao mi mas gohed fo filnogud olsem? Hemi olsem mi filpein from garekil blong mi, an bae soa ya hemi no save gudbaek moa. ?Waswe nao mi no save hapi moa? Mi nidim yu fo helpem mi, bat hemi olsem yu wanfala riva wea samtaem hemi no garem eni wata long hem, o wanfala springwata wea hemi kamap drae.

Jeremaea 46:11

“Olketa pipol blong Ijip. Yufala go long Gilead, an lukaotem meresin long datfala ples. Bat nomata yufala i faendem meresin ya, no enisamting hemi garem paoa fo hilim yufala nao.

Maeka 1:12

Olketa pipol blong taon long Marot i wari tumas, an olketa laekem tumas fo eniwan hemi kam fo sevem olketa. Bat disfala bikfala trabol, Yawe nao hemi givim kam, an hemi stap kolsap finis long olketa geit blong Jerusalem.

Maeka 6:13

An bikos yufala gohed fo sin olsem, mi gohed nao fo spoelem yufala finis.

Neiham 3:19

Yu olsem wanfala man wea hemi garekil fogud, an no eni meresin save kiurim. Olketa soa blong yu bae hemi kilim yu dae. An evriwan hu hemi herem nius ya bae hemi hapi tumas, an bae hemi klapem han blong hem. Evri pipol nao i hapi tumas long dae blong yu, bikos yu bin gohed fo mekem evriwan safa tumas.