Gudnius abaotem Jisas Kraes wea Luk hemi raetem 9:18 - Pijin Bible

¹⁸ Nao wanfala taem, Jisas hemi stap seleva an hemi prea, an olketa disaepol blong hem olketa kam long hem. Nao Jisas hemi askem olketa olsem, “?Waswe, olketa pipol olketa tingse hu nao mi?”

Pijin Deuterocanon

¹⁸ Nao wanfala taem, Jisas hemi stap seleva an hemi prea, an olketa disaepol blong hem olketa kam long hem. Nao Jisas hemi askem olketa olsem, “?Waswe, olketa pipol olketa tingse hu nao mi?”

Gudnius abaotem Jisas Kraes wea Luk hemi raetem 9:18 Iomraidhean Croise

Matiu 14:23

Nao taem hemi sendem olketa pipol ya gobaek finis, hemi goap long wanfala hil an hemi stap seleva fo prea. An long naet, hemi stap seleva nomoa long ples ya,

Matiu 26:36

Long bihaen moa, Jisas wetem olketa disaepol blong hem olketa kasem wanfala ples wea nem blong hem Getsemani, an Jisas hemi sei long olketa, “Yufala sidaon long hia, mekem mi go fo prea longwe.”

Gudnius abaotem Jisas Kraes wea Luk hemi raetem 11:1

Long wanfala taem nao, Jisas hemi stap long wanfala ples fo prea. Taem hemi prea finis, wanfala long olketa disaepol blong hem hemi sei, “?Waswe Masta, yu save tisim mifala hao fo prea, olsem Jon hemi bin tisim olketa disaepol blong hem?”

Gudnius abaotem Jisas Kraes wea Luk hemi raetem 3:21

Taem olketa no putum Jon long prisin yet, wanfala de nao hemi baptaesim olketa pipol, an bihaen ya, hemi baptaesim Jisas tu. An taem Jisas hemi gohed fo prea, skae hemi open nao,

Gudnius abaotem Jisas Kraes wea Luk hemi raetem 6:12

Nao long semtaem ya nomoa, Jisas hemi goap nao fo prea antap long wanfala hil. An wanfala fulnaet nao hemi stap long ples ya wea hemi gohed fo prea long God.

Gudnius abaotem Jisas Kraes wea Luk hemi raetem 9:19

Nao olketa disaepol olketa sei, “Samfala olketa sei yu Jon Baptaes ya. An samfala moa olketa sei yu profet Elaeja ya. An samfala moa olketa sei yu wanfala long olketa nara profet blong bifoa kam nao wea hemi laefbaek moa.”

Gudnius abaotem Jisas Kraes wea Luk hemi raetem 9:28

Samting olsem wan wik bihaen, Jisas hemi tekem Pita an Jon an Jemes, an olketa go antap long wanfala maonten fo prea.

Gudnius abaotem Jisas Kraes wea Luk hemi raetem 9:29

Taem Jisas hemi gohed fo prea nomoa, fes blong hem hemi sens nao, an kaleko blong hem hemi barava waet fogud.