Gudnius abaotem Jisas Kraes wea Luk hemi raetem 9:12 - Pijin Bible

¹² Taem hemi no ivining yet, tuelfala disaepol blong Jisas olketa kam long hem an olketa sei, “Yu sendem olketa pipol ya fo go long olketa vilij an olketa haos raonabaot, mekem olketa save go an faendem kaikai an ples fo slip long hem. Bikos disfala ples yumi stap long hem nao ya, hemi no garem eni haos long hem.”

Pijin Deuterocanon

¹² Taem hemi no ivining yet, tuelfala disaepol blong Jisas olketa kam long hem an olketa sei, “Yu sendem olketa pipol ya fo go long olketa vilij an olketa haos raonabaot, mekem olketa save go an faendem kaikai an ples fo slip long hem. Bikos disfala ples yumi stap long hem nao ya, hemi no garem eni haos long hem.”

Gudnius abaotem Jisas Kraes wea Luk hemi raetem 9:12 Iomraidhean Croise

Esikiel 34:25

“Bae mi mekem strongfala promis wea bae olketa save stap gudfala long piis. Bae mi ronemaot olketa wael animol from disfala lan, an bae olketa save stap gud nomoa long olketa open ples, an save slip gud olobaot nomoa long bus.

Hosia 13:5

Mi nao bin lukaftarem olketa grani blong yufala insaet long drae eria, ples wea hemi hot tumas.

Matiu 14:13

Taem Jisas hemi herem dat Jon Baptaes hemi dae finis, hemi go insaet long wanfala bot an hemi go seleva long wanfala ples wea no eniwan stap long hem. Bat taem olketa pipol herem nius abaotem ples wea Jisas hemi go long hem, olketa lusim olketa taon nomoa an olketa wakabaot go bihaen long hem.

Matiu 15:23

Bat Jisas hemi no talem enisamting long woman ya. So olketa disaepol blong hem olketa kam long hem, an olketa sei, “!Yu helpem woman ya nao, mekem hemi go! Hemi meknoes tumas bihaen long yumi ya.”

Matiu 15:32

Jisas hemi kolem olketa disaepol blong hem fo kam long hem an hemi sei, “Mi sore tumas long olketa pipol ya, bikos olketa stap wetem yumi fo trifala de finis, an olketa no garem eni kaikai nao. Mi no wande fo talem olketa fo gobaek long hom blong olketa taem olketa hanggre olsem, nogud olketa hafded long rod.”

Gudnius abaotem Jisas Kraes wea Luk hemi raetem 9:11

Bat taem olketa pipol olketa herem diswan nomoa, olketa go bihaen long olketa nao. An Jisas hemi hapi fo lukim olketa, so hemi gohed fo talem olketa abaotem kingdom blong God. An hemi gohed fo mekem gudbaek tu olketa pipol hu i sik.

Gudnius abaotem Jisas Kraes wea Luk hemi raetem 9:13

Bat Jisas hemi sei, “Yufala nao mas givim kaikai long olketa.” Nao olketa disaepol olketa sei, “Bat mifala garem faefala bred an tufala fis nomoa ya. ?Waswe, yu laekem mifala fo go an baem kaikai fitim plande pipol olsem ya?”

Gudnius abaotem Jisas Kraes wea Jon hemi raetem 6:1

Narafala taem moa bihaen, Jisas wetem olketa disaepol blong hem, olketa go long narasaet long disfala leik long Galili wea nara nem blong hem nao Taebirias.

Filipae 1:19

bikos mi save, from prea blong yufala fo mi an from help blong Spirit blong Jisas Kraes, bae mi goaot from prisin moa.