Gudnius abaotem Jisas Kraes wea Luk hemi raetem 8:6 - Pijin Bible

⁶ An samfala long olketa sid ya olketa foldaon long graon wea hemi stap antap long bikfala ston, an olketa grou kam bat kuiktaem tu olketa dae moa from hemi drae tumas.

Pijin Deuterocanon

⁶ An samfala long olketa sid ya olketa foldaon long graon wea hemi stap antap long bikfala ston, an olketa grou kam bat kuiktaem tu olketa dae moa from hemi drae tumas.

Gudnius abaotem Jisas Kraes wea Luk hemi raetem 8:6 Iomraidhean Croise

Jeremaea 5:3

(Profet) O Yawe. Hemi tru nao wea yu laekem tumas olketa pipol hu i save tok tru olowe. Nomata yu panisim olketa, bat olketa no save filim nao. Nomata yu spoelem olketa fo stretem wei blong olketa, bat olketa les fo lane from diswan. Olketa kamap bikhed moa, an olketa no laek fo tane from sin blong olketa.

Esikiel 11:19

Bae mi mekem laef blong olketa fo kamap gud moa, an givim niufala tingting long olketa, mekem olketa wosipim mi nomoa. An bae mi tekemaot evri ravis tingting wea hemi save mekem olketa bikhed, an givim gudfala tingting long olketa mekem olketa save obeim mi.

Esikiel 36:26

Bae mi mekem laef blong yufala fo kamap niu moa. An bae mi givim niufala tingting long yufala, mekem yufala wosipim mi nomoa. Bae mi tekemaot olketa ravis tingting blong yufala wea hemi mekem yufala bikhed, an bae mi givim gudfala tingting long yufala mekem yufala save obeim mi.

Emos 6:12

Yufala tingim fastaem. ?Waswe, hos save ran nomoa antap long olketa bikfala sap ston o nomoa? ?Waswe, man save plantem nomoa gaden blong hem insaet long solwata o nomoa? !Nomoa nao! !Diskaen samting hemi krangge tumas! Bat yufala gohed fo duim semkaen samting. Yufala tanem olketa stretfala wei fo kamap nogud olsem poesen fo kilim man dae, an yufala tanem olketa gudfala wei fo kamap nogud tumas olsem saoa kaikai.

Gudnius abaotem Jisas Kraes wea Luk hemi raetem 8:13

An olketa sid wea olketa foldaon long graon wea hemi stap antap long bikfala ston nao, hemi olsem taem olketa pipol olketa herem toktok ya, an olketa tekem an hapi wetem, bat hemi no go dip insaet long maen blong olketa nomoa. Olketa biliv fo lelebet taem nomoa, an taem hadtaem hemi kam, olketa lusim go evrisamting nao.

Gudnius abaotem Jisas Kraes wea Luk hemi raetem 8:5

“Wanfala man hemi go fo plantem olketa sid blong wit long gaden blong hem. Taem hemi torowem olketa sid ya, samfala sid olketa foldaon long rod, an olketa pipol olketa step antap long olketa sid ya nomoa, an olketa bed tu olketa kam an kaikaim finis nomoa.

Gudnius abaotem Jisas Kraes wea Luk hemi raetem 8:7

An samfala moa long olketa sid ya, olketa foldaon long ples wea rut blong nilagras hemi stap long hem. An nilagras ya hemi grou kam wetem olketa wit ya tu, an go-go hemi stopem olketa wit fo no grou nao.

Hibrus 3:15

Disfala toktok long Buktambu hemi talem, “Long tude ya, sapos yufala herem toktok blong mi God blong yufala, yufala mas no bikhed olsem olketa olo blong yufala bifoa, wea olketa agensim mi tumas.”