Gudnius abaotem Jisas Kraes wea Luk hemi raetem 8:51 - Pijin Bible

⁵¹ Nao taem Jisas hemi kasem haos blong Jaeras, hemi stopem olketa pipol fo no go insaet long haos wetem hem. Bat Pita an Jon an Jemes wetem mami an dadi blong gele ya nomoa, Jisas hemi letem olketa fo go insaet long haos ya wetem hem.

Pijin Deuterocanon

⁵¹ Nao taem Jisas hemi kasem haos blong Jaeras, hemi stopem olketa pipol fo no go insaet long haos wetem hem. Bat Pita an Jon an Jemes wetem mami an dadi blong gele ya nomoa, Jisas hemi letem olketa fo go insaet long haos ya wetem hem.

Gudnius abaotem Jisas Kraes wea Luk hemi raetem 8:51 Iomraidhean Croise

2 Kings 4:33

Nao hemi go insaet long rum, an satem doa. An hemi prea long Yawe.

Aesaea 42:2

Bae hemi no singaot bikfala falom olketa rod long taon.

Gudnius abaotem Jisas Kraes wea Mak hemi raetem 14:33

Bat hemi tekem Pita, Jemes an Jon fo go wetem hem. An long taem ya, Jisas hemi filnogud tumas an tingting blong hem hemi barava dak fogud nao.

Gudnius abaotem Jisas Kraes wea Luk hemi raetem 6:14

An nem blong tuelfala man ya nao hemi olsem, Saemon wea Jisas hemi givim nara nem long hem Pita, an Andru hu hemi brata blong Pita, an Jemes, an Jon, an Filip, an Batolomiu,

Gudnius abaotem Jisas Kraes wea Luk hemi raetem 8:50

Taem Jisas hemi herem diswan nomoa, hemi sei long Jaeras olsem nao, “Yu no wari tumas bat yu mas biliv long paoa blong mi nomoa, an bae gele ya hemi laefbaek moa.”

Gudnius abaotem Jisas Kraes wea Luk hemi raetem 8:52

Nao olketa evri pipol olketa gohed fo krae an singaot bikfala tumas fo gele ya, so Jisas hemi sei, “Yufala no krae tumas olsem. Gele ya hemi no dae, hemi slip nomoa ya.”

Gudnius abaotem Jisas Kraes wea Luk hemi raetem 9:28

Samting olsem wan wik bihaen, Jisas hemi tekem Pita an Jon an Jemes, an olketa go antap long wanfala maonten fo prea.

Aposol 9:40

Nao Pita hemi talem evriwan fo go aotsaet, an bihaen, hemi nildaon an hemi prea. Hemi tane go long disfala woman wea hemi dae finis an hemi sei, “!Tabita, yu getap nao!” Nao woman ya hemi openem ae blong hem, an taem hemi lukim Pita nomoa hemi stat fo getap nao.