Gudnius abaotem Jisas Kraes wea Luk hemi raetem 8:44 - Pijin Bible

⁴⁴ Woman ya hemi wakabaot kam bihaen long Jisas, an hemi tasim en long kaleko blong hem nao. An semtaem nomoa, siknis ya hemi finis nao.

Pijin Deuterocanon

⁴⁴ Woman ya hemi wakabaot kam bihaen long Jisas, an hemi tasim en long kaleko blong hem nao. An semtaem nomoa, siknis ya hemi finis nao.

Gudnius abaotem Jisas Kraes wea Luk hemi raetem 8:44 Iomraidhean Croise

Eksodas 15:26

Hemi tok olsem, “Sapos yufala barava obeim mi, Yawe God blong yufala, an sapos yufala duim wanem nao hemi stret long ae blong mi, an sapos yufala lisin long olketa rul blong mi, an sapos yufala falom olketa lo blong mi, bae mi nating sendem long yufala olketa sik wea mi bin sendem kam long olketa blong Ijip. Mi nao Yawe hu mi hilim yufala.”

Malakae 4:2

Bat yufala hu i gohed fo tinghevi long nem blong mi, bae paoa blong mi fo sevem pipol an mekem man fo stret long ae blong mi, bae hemi kamdaon long yufala olsem san hemi saen kamdaon long evrisamting. So bae yufala fri an hapi olsem smolfala buluka wea hemi jam olobaot taem hemi goaot from smolfala fens.

Matiu 20:34

Nao Jisas hemi sore tumas long tufala, so hemi tasim ae blong tufala. An semtaem nomoa, tufala lukluk moa an tufala go wetem Jisas nao.

Matiu 8:3

So Jisas hemi tasim bodi blong man ya an hemi sei, “Ya, mi wiling. !Yu gudbaek nao!” Semtaem nomoa, disfala ravis sik blong skin ya, hemi finis from hem nao.

Matiu 9:20

Taem olketa wakabaot go nomoa, wanfala woman hu hemi bin sik long blad fo tuelfala yia, hemi wakabaot kam bihaen long Jisas, an hemi tasim en blong kaleko blong hem.

Gudnius abaotem Jisas Kraes wea Mak hemi raetem 6:56

An long evri ples wea Jisas hemi go long hem, olsem long olketa taon an olketa vilij an olketa nara ples moa, olketa pipol save hipap wetem hem nao long olketa open ples. Olketa karim kam olketa sik pipol ya long Jisas, an askem hem fo letem olketa fo tasim nomoa en blong longfala kaleko blong hem. An evriwan wea olketa tasim hem ya, olketa barava gudbaek nao.

Gudnius abaotem Jisas Kraes wea Luk hemi raetem 13:13

An hemi putum tufala han blong hem antap long woman ya an semtaem nomoa woman ya hemi stanap stret nao an hemi gohed fo mekhae long God.

Gudnius abaotem Jisas Kraes wea Luk hemi raetem 7:38

Woman ya hemi kam kolsap long lek blong Jisas, an hemi gohed fo krae nao. An tias blong hem nao hemi randaon an mekem lek blong Jisas fo tuwet, an woman ya hemi mekem drae wetem longfala hea blong hem ya. An hemi kisim moa lek blong hem, an hemi kapsaetem oel go antap long lek ya moa.

Gudnius abaotem Jisas Kraes wea Luk hemi raetem 8:43

An wanfala woman tu hemi stap, wea hemi bin sik long blad fo tuelfala yia nao. Hemi lusim finis evri seleni blong hem long olketa dokta, bat no eniwan hemi save hao fo mekem hem fo gudbaek moa.

Gudnius abaotem Jisas Kraes wea Luk hemi raetem 8:45

Nao Jisas hemi ask olsem, “?Hu nao hemi tasim mi?” Taem ya, evriwan talem olketa no duim, an Pita hemi sei, “Masta, plande pipol tumas nao olketa hipap raonem yu, an olketa gohed fo pus strong fo kam long yu.”

Gudnius abaotem Jisas Kraes wea Jon hemi raetem 5:13

Bat man wea hemi gudbaek ya, hemi no save hu nao hemi mekem hem fo gudbaek moa. Bikos plande pipol tumas nao i stap long ples ya, an Jisas hemi goawe finis nao.

Aposol 19:12

Nomata enikaen kaleko wea hemi tasim bodi blong Pol finis, sapos olketa tekem go long olketa hu i sik o olketa wea devol i stap long olketa, bae olketa gudbaek moa from sik blong olketa, an olketa devol tu bae i ranawe from olketa.

Aposol 5:15

An bikos long wanem olketa aposol i bin duim ya, olketa pipol olketa gohed nao fo tekem kam olketa hu i sik, an leimdaon olketa long mat o long bed long saet long rod. Olketa tingse, taem Pita hemi go-gopas long ples ya nomoa, maet sado blong hem hemi save kasem olketa hu i sik an mekem olketa fo gudbaek moa.

Diutronomi 22:12

“Yufala mas somapem tugeta samfala sotfala rop fo hangem long olketa kona blong kaleko blong yufala.”