Gudnius abaotem Jisas Kraes wea Luk hemi raetem 7:6 - Pijin Bible

⁶ So Jisas hemi go wetem olketa man ya nao. Bat taem hemi kolsap kasem haos blong bikman ya, bikman ya hemi sendem go samfala fren blong hem fo talem Jisas olsem, “Masta, yu no hadwaka fo kam nomoa, bikos mi ya mi nating fitim fo yu kam insaet long haos blong mi.

Pijin Deuterocanon

⁶ So Jisas hemi go wetem olketa man ya nao. Bat taem hemi kolsap kasem haos blong bikman ya, bikman ya hemi sendem go samfala fren blong hem fo talem Jisas olsem, “Masta, yu no hadwaka fo kam nomoa, bikos mi ya mi nating fitim fo yu kam insaet long haos blong mi.

Gudnius abaotem Jisas Kraes wea Luk hemi raetem 7:6 Iomraidhean Croise

Jenesis 32:10

Wei blong yu long mi hemi olsem, oltaem yu gohed fo lavem mi tumas, an oltaem yu gohed fo kipim promis blong yu long mi. Bat mi wanfala nogud man nomoa ya, mi wakaman blong yu nomoa, an hemi no stret nomoa fo yu gohed fo duim eni gudfala samting fo mi olsem. Long bifoa, taem mi krosim Jodan Riva ya, mi no garem enisamting, wokingstik nomoa mi holem. Bat distaem mi kambaek, mi garem nao tufala grup blong olketa man wetem olketa narafala samting ya tu.

Provebs 29:23

Pipol tinghae long hambol man, praod man bae hemi sem fogud.

Matiu 20:28

Hemi barava olsem wea mi San Blong Man, mi no kam fo mekem olketa pipol i waka fo mi. Mi kam nomoa fo waka fo olketa, an fo letem mi fo dae fo peimaot plande pipol from sin blong olketa.”

Matiu 3:11

“Hemi tru, mi save baptaesim yufala long wata fo somaot dat yufala lusim olketa ravis wei blong yufala finis nao. Bat wanfala man wea bae hemi kam bihaen long mi, hem nao man wea hemi bikfala moa winim mi. Nomata fo karim nomoa sandol blong hem, mi nating fit fo duim nao. Disfala man ya nao bae hemi baptaesim yufala long Holi Spirit an long faea.

Gudnius abaotem Jisas Kraes wea Mak hemi raetem 5:24

Long taem ya nomoa, Jisas hemi go wetem man ya nao. An plande pipol tu olketa go-go falom Jisas, wea olketa trae fo pus strong long evri saet fo kam long hem.

Gudnius abaotem Jisas Kraes wea Luk hemi raetem 5:8

Taem Saemon Pita hemi lukim diswan nomoa, hemi nildaon long frant blong Jisas, an hemi tok olsem, “Masta, yu goawe from mi nao, bikos mi man wea mi garem sin.”

Gudnius abaotem Jisas Kraes wea Luk hemi raetem 7:4

Taem olketa kasem Jisas, olketa krae long hem olsem, “Disfala bikman hemi wanfala gudfala man ya so hemi gud tumas sapos yu kam an helpem hem.

Gudnius abaotem Jisas Kraes wea Luk hemi raetem 7:5

Hemi barava lavem tumas olketa pipol blong yumi, an hem seleva hemi bin givim seleni fo bildim preahaos blong mifala ya.”

Gudnius abaotem Jisas Kraes wea Luk hemi raetem 7:7

Dastawe nao mi tingse mi no fit fo kam an tok wetem yu. Bat sapos yu talem kam toktok nomoa, bae wakaman blong mi hemi gudbaek moa ya.

Gudnius abaotem Jisas Kraes wea Luk hemi raetem 8:49

Taem Jisas hemi gohed yet fo toktok, wanfala man wea hemi stap kam long haos blong Jaeras, hemi kam kasem olketa nao. An hemi tok olsem long Jaeras, “!Ei, gele blong yu hemi dae finis nao! Yu no mekem Tisa fo hadwaka moa.”

Aposol 10:38

An yufala save hao God hemi siusim hem an hemi mekem hem fo garem Holi Spirit an paoa nao. An bikos God hemi stap olowe wetem hem, Jisas hemi go-goraon evriwea an duim olketa gudfala samting, an hemi mekem gudbaek moa evriwan hu olketa stap andanit long paoa blong Seitan.

Jemes 4:10

Yufala mas hambol long ae blong Masta, mekem hemi haemapem yufala.

Jemes 4:6

Bat nomata olsem, kaenfala lav blong God fo yumi, hemi bikfala moa winim diswan. Dastawe nao Buktambu hemi sei, “God hemi daonem eniwan hu hemi praod, bat hemi somaot kaenfala lav blong hem long olketa hu i hambol.”